ციკლოპი
სკოტ სამერსი (ციკლოპი ) არის მარველის კომიქსთა პერსონაჟი, იქს-ადამიანთა გუნდის საველე ლიდერი, რომელიც შექმნა მწერალმა სტენ ლიმ მხატვარ ჯეკ კირბისთან ერთად. ის პირველად გამოჩნდა იქს-ადამიანები პირველივე ნომერში (1963 წლის სექტემბერი). თავდაპირველად მას მოიხსენიებდნენ, როგორც სლიმ სამერსს. მესამე ნომრისთვის მისი სახელი შეიცვალე როგორც სკოტი და სლიმი დარჩა მეტსახელად. მას, როგორც მუტანტს, შეუძლია თვალებიდან გამოისროლოს გამანადგურებელი სიძლიერის მქონე წითელი ენერგიის ნაკადი. სამწუხაროდ, სკოტს არ შეუძლია გააკონტროლოს მისი ზეთვისება და თვალების ყოველი გაღებისას ავტომატურად იყენებს მას, ამიტომ ციკლოპი ყოველთვის ატარებს სპეციალურ ”სათვალეს”, რომელიც ბლოკავს ენერგიის ნაკადს და მუტანტთან ურთიერთობას ყველასათვის უსაფრთხოს ხდის. ეს ძალა მას საშუალებას აძლევს იყოს იქს–ადამიანების იდეალური ლიდერი.
ის არის ჩარლზ იქსევიერის გუნდის თავდაპირველი ხუთეულის პირველი წევრი, პირველი იქს–ადამიანი. დასაწყისიდანვე მას დიდი როლი ენიჭება იქს–ადამიანებსა და მის მონათესავე კომიქსებში. პრაქტიკულად ციკლოპი განასახიერებს არა მარტო ჩარლზ იქსავიერის ერთგულ სტუდენტს, არამედ ადამიანს რომელსაც სჯერა მისი ოცნების(ადამიანებისა და მუტანტების თანასწორობის შესახებ). იქსავიერმა იცის, რომ სკოტი ერთერთი ყველაზე დაჯილდოებული მოსწავლეა და მას უყურებს როგორც მამა შვილს.
ტრილოგიაში “იქს–ადამიანები” ციკლოპს განასახიერებს ჯეიმს მარსდენი და ტიმ პოკოკი ფილმში იქს-ადამიანების წარმოშობა:სამურავი
სკოტი დაიბადა ანჩორაგაში, ალასკაში. ის ჯერ კიდევ ბავშვი იყო, როცა მამამ, აშშს საჰაერო ძალების მაიორმა კრისტოფერ სამერსმა მთელი ოჯახი წაიყვანა დე ჰავილანდის მოსკვიტით(de Havilland Mosquito). თვითმფრინავს თავს დაესხა შიარის კოსმოსური ხომალდი. როცა თვითმფრინავმა ვარდნა დაიწყო, მშობლებმა სკოტი და მისი უმცროსი ძმა ალექსი პარაშუტზე მიამაგრეს და თვითმფრინავიდან გადააგდეს იმ იმედით, რომ გადარჩებოდნენ. საუბედუროდ, პარაშუტს ცეცხლი გაუჩნდა და სკოტი მიწაზე თავით დაეცა. ამან გამოიწვია ტვინის დაზიანება, რასაც მოჰყვა ხანგძლივი ამნეზია და შესაძლებელია ძალაზე კონტროლის დაკარგვაც ამას უკავშირდება. ციკლოპს მეხსიერების დიდი ნაწილი დაუბრუნდა მაშინ, როცა დემონი დე სპაირის უეცარი თავდასხმის დროს გაუჩინარებული ჯინ გრეის სიკვდილს შეეგუა.
სკოტმა ბავშვობა გაატარა ობოლთა თავშესაფარში, ქალაქ ომაჰაში, ნებრასკის შტატში. აქ მასზე ფსიქიკურად რეაგირებდნენ თავშესაფრის მართველი მისტერ მილბერი და გენეტიკის შემსწავლელი მისტერ სინისტერი.
თექვსმეტი წლის ასაკში სკოტი გაიქცა ობოლთა თავშესაფრიდან და ქუჩაში დახეტიალობდა. ერთხელ, როდესაც ის მიადგა ადგილს, სადაც მშენებლობა მიმდინარეობდა, ამ დროს მისმა თავის ტრამვამ გამოიწვია თვალებიდან ლაზერული ბლასტების უეცარი გატყორცნა, ამ უკანასკნელმა კი – ლითონის ამწის ჩამოვარდნა. ეს ამწე ზიზღით შემყურე ბრბოს დაეცემოდა,რომ მას სწრაფადვე არ გაეანალიზებინა მომხდარი და მეორე ბლასტიც არ გაესროლა ამწის გასანადგურებად. ხალხმა ეს ძალადობის გამოვლინებად აღიქვა და მას ლინჩის წესით გასამართლება დაუპირა. ის შეხვდა ჯეკ ო დიამონდს და შეებრძოლა მას. ჩარლზ იქსევიერმა იპოვა სკოტი და ბრბოს მეხსიერება წაუშალა. სკოტი სიხარულით დათანხმდა ჩარლზის შემოთავაზებაზე, გამხდარიყო იქს–ადამიანების პირველი ოფიციალური წევრი.პირველივე საველე მისიისას ციკლოპი შეებრძოლა მაგნეტოს. იქს–ადამიანებთან ერთად ის ასევე შეებრძოლა ბლობს. მას გაუჩნდა რომანტიკული გრძნობები მარველის გოგონას მიმართ. თავის გუნდთან ერთად ის გადაემტერა ბოროტი მუტანტების საძმოს. ის მალევე გახდა გუნდის საველე ლიდერი და ეს ადგილი ეკავა წლების განმავლობაში.
ციკლოპს აქვს ურთიერთობა ჯინ გრეისთან იქს ადამიანების საწყისიდანვე. დიდი ხნის მანძილზე ის არ აძლევდა ჯინს უფლებას, რომ მას დაახლოვებოდა, რადგან მას ეშინოდა რომ ან ის დარჩებოდა გულნატკენი ან ჯინს დააზიანებდა თავისი ოპტიკური ბლასტებით. სკოტი ასევე თვლიდა რომ ის არ იყო თავისი მდიდარი თანაგუნდელი ვორენ ვორსინგტონ III სწორი, რომელსაც თავიდან უყვარდა ჯინი. სკოტმა არ იცის, რომ ჯინი ნამდვილად წუხს მასზე, მაგრამ არის საკმაოდ მორცხვი, რომ გადადგას პირველი ნაბიჯი. საბოლოოდ ბობი დრეიკის დაბადების დღეზე მათ გამოამჟღავნეს საკუთარი გრძნობები ერთმანეთის მიმართ.
როდესაც კრაკოამ დაამარცხა იქს-ადამიანები, სკოტი იყო ერთადერთი რომელმაც შეძლო გაქცევა და იქსევიერთან დაბრუნება. მან გაწვრთნა იქს–ადამიანების ახალი ჯგუფი, რომელშიც შედიოდნენ შტორმი, კოლოსი, ღამის ქვეწარმავალი და სამურავი, რომ გადაერჩინათ სხვები.
პირველად, სკოტი ფიქრობდა, რომ მისი მშობლები დაიღუპნენ თვითფრინავში უბედური შემთხვევისას, მაგრამ სინამდვილეში ისინი დაატყვევა და ჰემდეგ მონებად გაყიდა შიარის იმპერატორმა. როგორც იქს–ადამიანების ზრდასზული წევრი ის შეხვდა მამამისს, ახლა უკვე კორსარად ცნობილს, სთარჯამერების ლიდერს. ისინი წინააღმდეგობას უწევენ ყველას და ყველაფერს რაც წინ ხვდებათ ისევე, როგორც შიარის იმპერიის ტირანია. კიდევ რამოდენიმე წელმა ჩაიარა, სანამ ეს ორი ერთმანეთის ნამდვილ ვინაობას შეიტყობდა. ის შემდეგ დაუკავშირდა თავის ბებია–ბაბუას, რომლებიც ასევე ცოცხლები აღმოჩნდნენ და ფლობდნენ საზღვაო კომპანიას კანადაში.
მას შემდეგ, რაც ჯინ გრეის მცდელობა ემართა კოსმოსური შატლი და გაეყვანა ის მოგიზგიზე ცეცხლიდან კრახით დამთავრდა და ჯინ გრეი, რომელიც ყველას მკვდარი ეგონა ახლიდან დაიბადა, როგორც ფენიქსი, მისი და სკოტის ურთიერთობა კითხვის ნიშნის ქვეშ დადგა. სკოტი ფიქრობდა, რომ ახლად გამოჩენილი ჯინი ის ჯინი აღარ იყო, რომელიც მას უყვარდა. ველურ მიწაზე ბრძოლის შემდეგ, ჯინის სიკვდილიდან დიდი ხნის განმავლობაში, სკოტს უკვე აღარ შეეძლო მისი გლოვა და ისიც იფიქრა, რომ სინამდვილეში ჯინი არც არასდროს ჰყვარებია. ის დროებით ხვდებოდა კოლენ ვინგს. როდესაც სკოტი და ჯინი კვლავ შეხვდნენ ერთმანეთს მუირის კუნძულზე გამწმენდების წინააღმდეგ ბრძოლისას, სკოტმა თავიდან აღმოაჩინა ჯინისადმი მისი დაფარული გრძნობა და სახლისაკენ მიმავალ გზაზე ისინი ერთმანეთს კოცნიდნენ ვნებიანად. რამოდენიმე დღით ადრე სანამ ჯინი კვლავ გაუჩინარდებოდა, სკოტმა მას ხელი სთხოვა და დადებითი პასუხიც მიიღო ტელეპატიის საშუალებით. შემდეგ კი ჯინი გაუჩინარდა და სასოწარკვეთილმა ციკლოპმა იქს–ადამიანები დატოვა და მან მუშაობა დაიწყო გემზე, რომლის კაპიტანი იყო ლი ფორესტერი . მას შემდეგ, რაც ლის მამა დესპაირმა დაატყვევა, ციკლოპი და მენსინგი დესპაირს შეებრძოლნენ. ბერმუდის სამკუთხედთან გემმა კატასტროფა განიცადა და მაშინ სკოტი და ლი წააწყდნენ მაგნეტოს საიდუმლო ბაზას.
სკოტი მალე დაუბრუნდა იქს–ადამიანებს და აღმოაჩინა, რომ კორსარი მამამისი იყო. საბოლოოდ ის დაქორწინდა მედელინ პრიორზე, ქალზე, რომელიც ძალიან ჰგავდა ჯინ გრეის. შემდეგ ციკლოპი და შტორმი ერთმანეთს შეებრძოლნენ უპირობო ლიდერობისათვის. ამ ბრძოლაში სკოტი დამარცხდა და იქს–ადამიანები კვლავ დატოვა. მალე მას და მედელინს შეეძინათ ვაჟი–ნათანი.
ნათანის დაბადებიდან მალევე, გამომჟღავნდა რომ ჯინი მკვდარი არ იყო. ფენიქსი აღმოჩნდა კოსმიური არსება, რომელმაც განკურნა ჯინ გრეი და მისი ადგილი დაიკავა,თუმცა ის საბოლოოდ გამოცოცხლებული იქნა სამართლის დამცველებისა და ფანტასტიკური ოთხეულის მიერ იამაიკის ყურის ფსკერზე. როდესაც ეს შეიტყო, ციკლოპმა მიატოვა თავისი ოჯახი და დაბრუნდა ჯინთან. ისინი შეუერთდნენ გუნდ იქს–ფაქტორს, რომელშიც შედიოდნენ ძირითადი იქს-ადამიანები. ამდროს, პრიორი შეუერთდა იქს–ადამიანებს და სიცოცხლე გაწირა მუტანტების დაცემის პერიოდში.
ციკლოპის თანაგუნდელმა ანგელოზმაერთ–ერთი მისიის დროს დაკარგა ფრთები და ამის შემდეგ აპოკალიფსს შეუერთდა. ყინულის კაცმა მოახერხა ვორენის უკან დაბრუნება, რომელიც გახდა უკვე მთავარანგელოზი.
დემონებმა სიმმა და ნასტირმა მედელინი გრძნობები დაიმორჩილეს და ის გობლინების დედოფლად გადააქციეს. მედელინმა სკოტზე შურისძიება გადაწყვიტა. როდესაც გამომჟღავნდა, რომ ის მისტერ სინისტერის მიერ გაკეთებული კლონი იყო, მედელინმა ვერ გადაიტანა და თავი მოიკლა. სკოტმა გარეგნულად მოკლა მისტერ სინისტერი და ნათანი წაიყვანა თავისთან. მალე სკოტმა სინისტერი იპოვა იმ თავშესაფარში, სადაც გაიზარდა და მას კვლავ შეებრძოლა.
იქს–თინქშენის აგენდის შემდეგ, სკოტი მალევე შეხვდდა აპოკალიფსს, რომელმაც დააინფიცირა ნათანი ტექნო–ორგანული ვირუსით. თავდაპირველად სკოტმა თანაგუნდელების დახმარებით შეძლო ნათანის დახმარება და თავისი, შვილისა და ჯინის ძალები შეაერთა აპოკალიფსის დასამარცხებლად.სკოტმა შვილის გადარჩენა შეუძლებლად ჩათვალა და ამიტომ ის მომავალში გაუშვა, სადაც მის დახმარებას შეძლებდნენ. ციკლოპს ეს ჯინთან დაშორების ფასად დაუჯდა.
იქსევიერის პირადი მტერი აჩრდილთა მეფე დაბრუნდა და შეებრძოლა იქს–ადამიანებსა და იქს–ფაქტორს. მისი დამარცხების შემდეგ იქს–ფაქტორი შეუერთდა იქს–ადამიანებს და ციკლოპი გახდა “ლურჯი გუნდის” ლიდერი.
ციკლოპის საველე ლიდერად დაბრუნების შემდეგ ლურჯი გუნდის წევრების უმეტესობა ომეგა წითელმა და ხელის ნინძებმა გაიტაცეს. დატყვევებული თანაგუნდელების განთავისუფლების შემდეგ, მისტერ სინისტერმა გაგზავნა იქს–ფაქტორის ყოფილი წევრი, კალიბანი სკოტისა და ჯინის მოსატაცებლად. კაბელის შეშლილი მტერი და კლონი სტრიფი, რომელიც კაბელის მსგავსად დროში იყო დაკარგული, დაბრუნდა და თავი გაასაღა კაბელად. კაბელისა და სტრიფის ორთაბრძოლაში ორივე მოკვდა. შემდგომ გუნდმა ხელახლა დაიწყო ბრძოლა ომეგა წითლის წინააღმდეგ და ამავე დროს თანაგუნდელი პსილოკი ცდილობდა ჯინის ზურგს უკან ეცდუნებინა სკოტი. საბოლოოდ, ჯინმა ტელეპატიურ ბრძოლაში დაამარცხა პსილოკი და ციკლოპს მოსთხოვა, რომ მარტო მასთან ჰქონოდა ურთიერთობა. კაბელი დაბრუნდა და ციკლოპს წარუდგა, როგორც ნამდვილი ნათან კრისთოფერ სამერსი
სკოტ სამერსი და ჯინ გრეი საბოლოოდ დაქორწინდნენ. თაფლობის თვის განმავლობაში, ისინი წავიდნენ მომავალში, სადაც კაბელმა გაატარა თორმეტი წელი ციკლოპისა და ფენიქსის თავგადასავლების მიხედვით. იქ მათ დაამარცხეს მომავლის აპოკალიფსი და უკან დაბრუნდნენ წარსულში. მისტერ სინისტერმა ციკლოპს უთხრა, რომ კიდევ ერთი ძმა ჰყავდა და ამით გაოცებული დატოვა.
ციკლოპი შეურიგდა იმ აზრს, რომ მისი შვილი იქნებოდა მამის ხელა. ამ დროს იქს–ადამიანები ებრძოლებოდნენ ჩარლზ იქსევიერს, რომელიც მაგნეტოს მიერ გონების გაწმენდის შემდეგ გადაიქცა ონსლათად. თუმცა იქს–ადამიანებმა იქსევიერი დაამარცხეს, მაგრამ დედამიწის გმირების უმეტესობა დაიკარგა ამ დროის განმავლობაში. ძალა დაკარგული ჩარლზი დააკავეს და გუნდისა და სკოლის ლიდერებად დარჩნენ სკოტი და ჯინი.შემდეგ ეს წყვილი წავიდა ოპერაციაზე ნულოვანი შემწყნარებლობა, სადაც ციკლოპი დაიჭრა
სკოტი და ჯინი დაუბრუნდებიან იქს-ადამიანებს შტორმის მიწვევით, რომელიც ძალიან წუხდა იქსევიერის(რომელიც ცოტა ხნის წინ დააბრუნეს) ფსიკიკური მდგომარეობის გამო. მათი დაბრუნებისას აპოკალიფსმა დაასახელა თორმეტი მუტანტი, რომელთაც შეეძლოთ იმ მანქანის მართვა, რომლის საშუალებით ის შეძლებდა ნეიტ გრეის იგივე ადამიანი იქსის სხეულის ჩამოყვანას. იმისათვის რომ შვილი გადაერჩინა, სკოტი ნებაყოფლობით შეუერთდა ბოროტ აპოკალიფსს და ის მკვდარი ეგონათ სანამ ჯინმა და კაბელმა ის ეგვიპტეში არ იპოვეს, მისგან აპოკალიფსის სული არ გამოაცალკევეს და მოკლეს.
ციკლოპის პიროვნებაში მოხდა გადამწყვეტი ცვლილება მას შემდეგ, რაც ის დაატყვევა აპოკალიფსმა. ამ ცვლილებამ გააჩინა ბზარი მისი და ჯინის ურთიერთობაში. სკოტმა ქსორნს გადაფიქრებინა თავის მოკვლა და ის შემოუერთა იქს–ადამიანებს. ამ ორს შორის ჩამოყალიბდა ციკლოპისთვის უპრეცენდენტო მეგობრული ურთიერთობა. ასევე ის და ლოგანი შეეცადნენ ჩამოეყალიბებინათ ნორმალური ურთიერთობა.
როდესაც ჯინში ხელახლა გამოვლინდა ფენიქსის ძალის ნიშნები, მათ შორის დისტანცია გაიზარდა და სკოტი უკვე ისე იქცეოდა, როგორც სხვა უცოლო მამაკაცები. როდესაც იქსევიერმა დედამიწა დატოვა კასანდრა ნოვას კონტროლის ქვეშ, ჯინი გახდა სკოლის მმართველი. ძალის მატებასთან ერთად გაიზარდა ჯინის პასუხისმგებლობაც და დაიწყო სკოტის გრძნობების იგნორირება. იმის ნაცვლად, რომ სკოტს ცოლთან ურთიერთობა მოეგვარებინა, ყურადღება გადაიტანა ემა ფროსთზე, ყოფილ დამნაშავეზე და გენერაცია იქსის ლიდერზე, რომელიც იქს-ადამიანებს შეუერთდა. მათი ურთიერთობა დაიწყო ფსიქიკური თერაპიის სეანსებით და ემამ ეს სიტუაცია გამოიყენა სკოტთან დაახლოების მიზნით. როცა ეს ფენიქსმა შეიტყო, ციკლოპმა დაიწყო იმის მტკიცება რომ მას და ემას შორის ცუდი არაფერი მომხდარა. ემას დაცინვა ჯინში იწვევდა ტკივილსა და ბრაზს.
ომიქსში ემის ოჯახში მომხდარი მოვლენების შემდეგ, თითქმის ყველა მუტანტმა დაკარგა ძალა და იქსევიერიც დაიკარგა. იდუმალმა ბოროტმოქმედმა იოლად მოახერხა გუნდის რამოდენიმე წევრის დამარცხება, მათ შორის ციკლოპისა და მისი ქალიშვილი რეიჩელის. ისინი დაატყვევეს და წაიყვანეს ძნელად აღმოსაჩენ ადგილას, სადაც ციკლოპი ოდესღაც იყო ნამყოფი, თუმცა არ არხსოვდა. ისინი გაექცნენ თავიანთ დამატყვევებელს (ის შემდგომში აღმოჩნდა ვულკანი, ციკლოპის უმცროსი ძმა). ეს ჩარლზ იქსევიერმა გაამჟღავნა წიგნის ბოლოს, რამაც სკოტი აღშფოთდა და ჩარლზ მოსთხოვა სკოლის დატოვება
იკლოპმა, სხვა გადარჩენილ იქს-ადამიანებთან ერთად, ნეიტრალური პოზიცია დაიკავა სამოქალაქო ომში. იმ მიზეზით, რომ მათ არ უნდოდათ მუტანტებს შორის დაპირისპირება და მათი ტანჯვის ყურება, თუმცა მათი სიმპათია მიმართული იყო კაპიტანი ამერიკისა და ანტი-რეგისტრაციის მხარეს. მხოლოდ ბიშოფმა დატოვა გუნდი და რეგისტრაციის მომხრეებს შეუერთდა
გასაოცარი იქს-ადამიანების მეთოთხმეტე ნომერში, ერთერთი თერაპიული სეანსის დროს ემამ სკოტს უთხრა,რომ ოპტიკური ბლასტის მართვაზე კონტროლის დაკარგვა გამოიწვია არა ტვინის ფიზიკურმა დაზიანებამ, არამედ ფსიქოლოგიურმა ტრამვამ.
მოულედნელად, მან ჩათვალა,რომ ეს თეორია შეიძლებოდა რეალური ყოფილიყო და რომ ის მართლაც თვითონ იწვევდა თავისი ძალის მართვის ბლოკირებას. მოგვიანებით სკოტი მოახერხებს ოპტიკური ბლასტის მართვას.
