წარმოგიდგენთ ძაღლის რამდენიმე კატეგორიას და მცირედ ინფორმაციას მათზე
1) მონადირე კურცხალი
მოკლებეწვიანი მეძებარი ძაღლის ჯიში. კონინენტურ მეძებართა შორის ფართოდაა გავრცელებული. გამოყვანილია გერმანიაში XIX საუკუნის დამლევს ადგილობრივი, ფრანგული და ესპანური მეძებრების შეჯვარებით. ექსტერიერისა და საველე თვისებების გასაუმჯობესებლად აჯვარებდნენ ინგლისურ პოინტერთან. ამავე პერიოდში შემოიყვანეს რუსეთში, შემდეგ მცირე რაოდენობით საქართველოშიც გავრცელდა. კურცხალისთვის დამახასიათებელია მაგარი მშრალი ტიპის კონსტიტუცია, გაწონასწორებული და მოძრავი ტემპერამენტი, კარგად განვითარებული ძვალ-კუნთოვანი სისტემა. ძებნის დროს მოძრაობს ზომიერი ოთხით ან სწრაფი ჩორთით. აქვს უნივერსალური ყნოსვა, კარგად მოაქვს მოკლული ფრინველი. ხვადის სიმაღლეა 62-66 სმ, ძუსი 58-64 სმ. ყავისფერია, ზოგჯერ ყავისფერლაქებიანი ან კოპლებიანი თეთრი. საშუალოდ კურცჰაარი ცხოვრობს 12-14 წელს.
2)დეკორატიული იორკშირ ტერიერი
იორკშირ ტერიერი გამოიყვანეს მე–19 საუკუნის მიწურულს ინგლისელმა მაღაროელებმა და უმოკლეს დროში ამ მინიატურულმა ძაღლმა მრავალი მოყვარულის გული დაიპყრო.იორკშირ ტერიერი არის მინიატურული, საკმაოდ პროპორციული ძაღლი. კუდს ხშირ შემთხვევაში უკეთებენ კუპირებას. შეფერილობა ცისფერის და ოქროსფერის ნაზავი, ცისფერი უნდა იყოს ფოლადისფერში გარდამავალი. მისი ლეკვები იბადებიან შავი ფერის. იორკშირ ტერიერებს აქვთ კარგი იმუნური სისტემა. იმისთვის რომ ბეწვი ყოველთვის ფორმაში ქონდეს ესაჭიროება ყოველდღიური დავარცხნა.იორკშირ ტერიერი არის ძალიან ცოცხალი, მხიარული, კონტაქტური და ჭკვიანი ძაღლი. არის ერთგული კომპანიონი.
3)მცველი კავკასიური ნაგაზი
კავკასიური ნაგაზი საქართველოს ჩრდილო-აღმოსავლეთ ნაწილის მთიან რაიონებში წარმოიშვა, მრავალი საუკუნის წინ. გამოიყენება საქონლის და სხვადასხვა ობიექტის დასაცავად. ერთგულია პატრონისა და მისი ოჯახის წევრების მიმართ, უყვარს ბავშვები. კავკასიური ნაგაზი კარგად ეგუება ყველა კლიმატს.იგი არის დიდი ზომის, ძლიერი აგებულების მქონე, უცხოსადმი უნდო და ყოველთვის საკუთარ ძალაში დარწმუნებული ძაღლი.კავკასიური ნაგაზი ფხიზელი, ყურადღებიანი, ძლიერი დამცველობითი ინსტინქტისა და გაწონასწორებული ფსიქიკის მქონე ძაღლია.
4)სამომსახურეო გერმანული ნაგაზი
არსებობს ვერსია რომ გერმანული ნაგაზები წარმოიშვნენ ნაგაზების და მგლების შეჯვარებით. პირველად 1889 წელს გერმანული ნაგაზები გამოიყვანეს გამოფენაზე.გერმანულ ნაგაზებს აქვთ ძლიერი, დაკუნთული, პროპორციული სხეული მსხვილი ძვლებით. ყურები დაცქვეტილი, თუმცა ექვს თვემდე ლეკვებს შეიძლება ქონდეს ჩამოკიდებული. ერთი შეხედვითაც ეტყობათ რომ არიან ძალინ ძლიერი და გამძლე ძაღლები. შეფერილობა შავი მკერდი და მუცელი ყვითელი ან ყავისფერი. თვალები მუქი. იგი ერთერთი ყველაზე ძლიერი და ჭკვიანი ძაღლია. არის ძალიან მამაცი, საიმედო და პატრონის ოჯახის ერთგული. ადვილად იწვრთნება მისი გაწვრთნა პატრონსაც შეუძლი. ძალიან უყვარს ბავშვები.გერმანულ ნაგაზებს იყენებენ პოლიციაში, მას შეუძლია რამოდენიმე დღის მერეც აიღოს კვალი. ჯარში გამნაღმველებად. არის კარგი პირადი მცველი, მწყემსი და მონადირე.
წყაროები : myzoo.ge ka.wikipedia.org
