ქალაქი პურისგან
2007 წელს გამოცემულ წიგნში ,,დედამიწა ადამიანების გარეშე”, ავტორი აღწერს რა მოხდებოდა, თუ ერთ დღეს ადამიანები გაქრებოდნენ. ჩვენ სახლებს ბუნებრივი ძალები იმაზე ბევრად ადრე დაანგრევენ, ვიდრე ჩვენ ვფიქრობთ. 500 წლის შემდეგ კი ჩვენი უბანი ჯუნგლებად გადაიქცევა. მაგრამ რა მოხდებოდა თუ ჩვენი სახლები პურისგან იქნებოდა დამზადებული?
ისინი უბრალოდ დაობდება. ბუნებრივია ეს ყველაფერი სასაცილოდ ჟღერს, მაგრამ ჩვენი ქალაქების მოდელად ნამდვილად გამოდგება.
A’ Design-ის დაჯილდოებაზე, თეატრის დიზაინერის ჯოანა მარტენსენის პროექტმა ,,პურის სამყარომ” გამარჯვება მოიპოვა. მან გააკეთა პურისაგან ქალაქის მოდელი, ხოლო შემდეგ ექვსი თვის განმავლობაში ყოველ დღე უღებდა სურათებს, სანამ დაშლილ და დაობებულ მასად არ გადაიქცა.
მარტენსენის პურის ქალაქმა უკვე იმხელა აღიარება მოიპოვა, რომ მსოფლიოს გარეშე სხვადასხვა საგამოფენო დარბაზებში დაიწყო მოგზაურობა. ის უკვე გამოიფინა სტოკჰოლმში და ლოს-ანჯელესში. ის ახსენებს ადამიანებს, თუ როგორი დამანგრეველი ძალა აქვს ბუნებას.