არქივი

არქიტექტურული საოცრებანი-“ტყე-პარკი ცათამბრჯენში ანუ URBAN forest”

14db9d44a613


წარმოგიდგენთ ვერტიკალური ტყე-პარკის პროექტს ანუ რას არ მოიფიქრებენ ჩინელები...

სიცოცხლისთვის საჭირო სივრცის ნაკლებობის პრობლემამ პირველად,მსოფლიოს ყველაზე 
მეტად დასახლებულ ქვეყანაში,ჩინეთში იჩინა თავი.აქედან გამომდინარე,სწორედ ჩინელებმა
დაიწყეს ყველაზე ადრე,ამ პრობლემის გადასაწყვეტად გზების ძებნა.
მთავარი და აშკარად ნათელი საშიშროება შეეხო,უზარმაზარ,სუფთა ჰაერის უქონლობით
დატანჯულ ქალაქებს და ეს საშიშროება ბუნებრივი გამწვანების დიდმა სიმცირემ გამოიწვია.
მინდვრისთვის,ბუჩქებისთვის,ხეებისთვის დიდ მეგაპოლისებში უბრალოდ აღარ რჩება ადგილი,
მთლიანი სივრცე უკავია საცხოვრებელ და საოფისე შენობებს,რომლებიც მოსახლეობისთვის
კვებისა და სამუშაოს წყაროა,მაგრამ აუცილებელია ასევე სკვერები და ბაღები,სადაც
მოქალაქეები შეძლებენ დასვენებას და სულიერი სიმშვიდის მოპოვებას,გარდა ამისა
მცენარებიი ხომ სიცოცხლისთვის აუცილებელი ჟანგბადის უცვლელი წყაროა.
ჩინელმა მეცნიერებმა იფიქრეს,თუ როგორ გამოესწორებინათ შექმნილი ეკოლოგიური
გარემო და ასე ვთქვათ ზევით ახედვით გამოსავალიც მოძებნეს.უკვე რამდენიმე
წელია ჩინეთი იზრდება არა სივრცეში,არამედ სიმაღლეში.მცირე ადგილის დამკავებელი,
მაგრამ მაღალი ცათამბრჯენების უპირატესობა,ისეთ ქვეყანაში სადაც მსოფლიოს
მოსახლეობის მეხუთედი ცხოვრობს საკმაოდ ნათელია.ამიტომ არქიტექტურულმა
ელიტამ წარმოადგინა  რიგი სპეციფიკური ცათამბრჯენების პროექტებისა,რომელებიც
სპეციალურად ჩინეთის რესპუბლიკისთვის შემუშავდა.მათგან ერთ-ერთი გამორჩეული
და უცნაურია ვერტიკალური ტყე-ცათამბრჯენი "URBAN forest"

67c59e5f38df

ჩინცინი-სიდიდით მეოთხე ქალაქი ჩინეთის რესპუბლიკაში.სუბტროპიკული კლიმატის
ქალაქი,რომლის მოსახლეობა 35 მილიონს უახლოვდება (დაახლოებით 7_ჯერ მეტი
საქართველოს მოსახლეობაზე) იგი სამი მხრიდან მთებითაა გარშემორტყმული.ჩინცინის
ეკოლოგიური პრობლემის გადასაწყვეტად პეკინურმა არქიტექტურულმა ბიურომ "MAD
Architects"_მა წარმოადგინა ვერტიკალური ტყე-პარკის პროექტი."URBAN forest"_ის
სიმაღლე 385 მეტრი იქნება,216 კვადრატული მეტრი ფართობის მქონე შენობას
ცათამბრჯენის კვალობაზე საკმაოდ უცნაური ფორმა ექნება.ვიზუალურად კონსტრუქცია
ერთმანეთზე დალაგებულ "ბლინების" გროვას მოგვაგონებს,რომლებიც საკმაოდ
გამოუცდელმა დიასახლისმა გამოაცხო.ასევე თითოეული ბლინი(სართული) ფორმით
არაფრით გავს მის მომდევნოს.მხოლოდ კარგად დაკვირვების შემდეგ თუ შევამჩნევთ,
რომ ცათამბრჯენი ხედით და სტრუქტურით იმ კლდოვანი ბუნების მთებს მოგვაგონებს,
რომლებიც ქალაქის მახლობლად მდებარეობენ.ბუნებაში არ არსებობს ორი ზუსტად
ერთნაირი რელიეფური ფორმა და,ასე რომ არც ვერტიკალური ტყე-პარკის სართულები
უნდა იყოს ერთნაირი.ყოველი მათგანი გამორჩეული იქნება თავისი ფორმით,მხოლოდ
ორი მსგავსება ექნებათ სიმაღლე და ოვალური მოხაზულობა.მთლიანი კონსტრუქცია
მყარად მიმაგრებული იქნება ცენტრალურ ფუძეზე,შენობის გულზე,რომელიც მთელ
სიგრძეზე გასდევს შენობას და სადაც გალაგდება კიბეები,ლიფტები და შენობის
ექსპლუატაციისთვის საჭირო სისტემები.კონსტრუქციის მხარდაჭერი სვეტების
ფართს დაიკავებს ოფისები,ბინები და მაღაზიები,ხოლო ამ სვეტების გარშემო
ორმხრივ კედლებში,ბრონირებული მინებით განლაგდება ცათამბრჯენის მთავარი
ატრიბუტები-მცენარეები,როლებიც სუბტროპიკულ კლიმატში იზრდება.
უზარმაზარი ფანჯრები მოსახლეობას საშუალებას მისცემს არა მარტო ახლოდან,
არამედ შორიდანაც დატკბნენ ცათამბრჯენის სილამაზით.

2facae16804d

ენერგოშემნახველი ტექნოლოგიები,ჩვენ დროში,მსგავსი პროექტებისთვის
უბრალო საქმედ იქცა და არც ეს შემთხვევაა გამონაკლისი რასაკვირველია
შენობა აღჭურვილი იქნება წვიმის დამგროვებელი და მინი მზის ელექტრო
სადგურთა სისტემებით.მიწისქვეშა ავტოსადგომი ასევე პროექტის
აუცილებელი ნაწილი იქნება.
ცათამბრჯენის ექსპლუატაციაში შესვლის შემდეგ,ახდება ქალაქის
მცხოვრების ოცნება-ბუნებასთან მისვლა ლიფტის საშუალებით და
არ იქნება გასაკვირი,რომ მსოფლიოს მეგაპოლისებს მსგავსი
ცათამბრჯენების აშენების სურვილი გაუჩნდეთ.

2122dc0cdb80

50a0dc9e46f3

6e5f2cc78ec6

cee1608b2e06

05d8b21d832b

f7dc9a9b352a

მომავლის არქიტექტორი ბუნების იმიტაციით შექმნის, ვინაიდან ეს არის ყველაზე
რაციონალური, ხანგრძლივი და ეკონომიური ყველა მეთოდთაგან.
                                                     ანტონიო გაუდი.

მსგავსი ამბები

იხილეთ ასევე
Close
Back to top button