ჩაძირული ტყეები
წარმოგიდგენთ 6 ყველაზე საოცარ და ლამაზ ტყეს, რომელიც ნახევრად წყლითაა დაფარული
1. კენდის ტბა, ყაზახეთი
ეს ტბა მდებარეობს ზღვის დონიდან 2000 მეტრზე. 400 მეტრის სიგრძისაა და სიღრმე 30 მეტრს აღწევს. ის, რაც ამ ტბას სხვა ტბებისგან გამოარჩევს არის ხეები. ტბაში არის უზარმაზარი გამხმარი ნაძვები, რომელსაც წვერი ტბიდან აქვთ ამოყოფილი და შესახედავად ძალიან ლამაზია.
ზამთარში კენდი იყინება, მაგრამ ეს ხეებს ხელს არ უშლის. ამ ადგილას ხშირად მოდის ხალხი და ყვინთავს წყალში, რადგან ტბის ქვეშ საოცარი სილამაზე იმალება.
2. ბეზიდის ტბა, რუმინეთი
ბეზიდის ტბის ზედაპირზე დაინახავთ გამხმარ კუნძებს, ეს ხეები ოდესღაც ძალიან მაღალი იყო, მაგრამ ადამიანებმა მოჭრეს და ახლა ასეთი შესახედაობისაა. თავდაპირველად ამ ადგილას იყო პატარა სოფელი, რომელიც შემდეგ დაიტბორა და ამის შედეგად წარმოიქმნა ბეზიდის ტბა. წყლის ზედაპირზე ახლაც შეამჩნევთ სახლების სახურავებს და ეკლესიების გუმბათებს.
3. ჩაძირული ტყე, შრი ლანკა
ოდესღაც ამ ადგილას ტყე იყო, სადაც რა თქმა უნდა ცხოველებიც იყვნენ. დროთა განმავლობაში ეს ადგილი დაიტბორა. ამიტომაც არაერთი ცხოველის ჩონჩხი უპოვნიათ ამ ადგილას. ლამაზი ტყისგან მხოლოდ ჩონჩხები დარჩა. ტბაში ნაპოვნია თევზების მნიშვნელოვანი სახეობები.
4.ვოლტას ტბა, განა
უამრავი გამხმარი ხე არის ვოლტას ტბაში, რომელიც ერთერთი ყველაზე დიდი ტბაა დედამიწაზე. ეს ტბა გაკეთდა 1965 წელს, თავიდან აქ ჩვეულებრივად ცხოვრობდა ხალხი, ხოლო ტბის გაკეთების შემდეგ საჭირო გახდა 78,000 ადამიანის გადასახლება თავიანთ 200,000 შინაურ ცხოველთან ერთად, მათი სახლების და სხვა ნაგებობების დანგრევა. ხალხის ნაწილი ტბასთან ახლოს დასახლდა, ადგილობრივები ხშირად ჭრიან ხეებს ამ ტბაში, მიუხედავად იმისა, რომ ეს კანონით აკრძალულია.
5.ქადოს ტბა, ტეხასი
მისტიური შესახედაობისაა ეს დატბორილი ტყე. მიუხედავად იმისა, რომ ხეები ნახევრად დაფარულია წყლით ისინი მაინც იზრდებიან და არცერთი არ არის გამხმარი. აქ არის კვიპაროსის ხეები, ზოგიერთ მათგანს შეუძლია 1,000 წელი იცოცხლოს.
6. კამბოჯის ჩაძირული ტყე
კიდევ ერთი ჩაძირული ტყე, რომელიც წინა ტყის მსგავსაც ცოცხალია და ხეები არ გამხმარა. აქ არის მანგროს ხეები. როცა სხვა ხეები დატბორვის შედეგად ხმებიან, მანგროს ხეები პირიქით, უფრო აყვავდნენ. ამ ადგილას ხშირად წააწყდებით ცხოველებს, რომელთაგანაც გამოვარჩევ კიბორჩხალის მჭამელ მაკაკებს.