არსებობს იშვიათი, ანომალიური დაავადებები, რომელთა მკურნალობისათვის საჭირო მეთოდიკა და მედიკამენტები ჯერჯერობით არ არსებობს. საბედნიეროდ, ეს გადახრები ძალიან იშვიათია და შეიძლება ასიათას ან სულაც მილიონ ადამიანში მხოლოდ ერთი შემთხვევა შეგვხვდეს. მინდა გაგაცნოთ რამოდენიმე ასეთი უნიკალური ავადმყოფობით დაავადებული ადამიანი.
ამ პატარა ინდიელ გოგონას ინდური ოთხხელა ღმერთის საპატივცემულოდ ლაქშმი დაარქვს. გოგონა 8 კიდურით დაიბადა. ჩონჩხის არასწორი განვითარება გამოიწვია დედის საშვილოსნოში პარაზიტულად განვითარებულმა ტყუპისცალმა. 2 წლის ასაკში გოგონას ჩაუტარდა ოპერაცია, რომელიც 24 საათს გაგრძელდა. მას მოაჭრეს ზედმეტი კიდურები, თუმცა იმისათვის, რომ ბავშვმა სიარული შეძლოს, კიდევ მთელი რიგი ოპერაციებია ჩასატარებელი.
ინგლისელი რობინა ხატჩიგსი იტანჯება იშვიათი დაავადებით- მას არაკონტროლირებადი სურვილი აქვს მოიგლიჯოს საკუთარი თმები. აპრილში მან ინტერვიუ მისცა გაზეთ «Daily Mail»-ს, სადაც აღიარა, რომ საკუთარი თმების დაწიწკნა ჯერ კიდევ 11 წლის ასაკში დაიწყო და ახლა, 27 წლის მერეც კი ამ სურვილს ვერაფრით ვერ უმკლავდება.
შილო პეპინი დაიბადა თანშეზრდილი ფეხებით-ამ დაავადებას ხშირად ” ქალთევზას სინდრომს” უწოდებენ. მიუხედავად იმისა, რომ ექიმებმა მას დაბადებიდან რამოდენიმე დღეში სიკვდილი უწინასწარმეტყველეს, შილომ 10 წელი იცოცხლა.
ბირმინჰემელ 21 წლის მიქაელა დატონს ალერგია აქვს წყალზე. ეს ალერგია მას დაეწყო მშობიარობის შემდეგ. მას არ შეუძლია დალიოს წყალი, ჩაი, ყავა. მიქაელას აგრეთვე არ შეუძლია შვილს მიეკაროს, რადგან მისი ნერწყვი და ოფლი ქალზე საშინლად მოქმედებს. წყლის ალერგია 230 მილიონიდან მხოლოდ ერთ ადამიანს აქვს.
ორი წლის ასაკში რუბენ გრეინჯერ-მიდს (სურათზე მარცხნივ) დაუდგინეს დიაგნოზი, რომელიც ძალიან ჰგავს მუდმივ ნაბახუსევს. ეს დაავადება აჩერებს ბავშვის ზრდას, ასუსტებს ორგანიზმს და ახშირებს გულისცემას. ტრადიციული მედიცინა ბიჭუნას ვერ დაეხმარა. მაშინ მშობლებმა ცნობილ ჰომეოპათ დიეტოლოგს მიმართეს. მან რუბენს სპეციალური დიეტა დაუნიშნა და ბავშვს ჯანმრთელობის გაუმჯობესება უკვე დაეწყო.
72 წლის ჯინ დრისკოლი იტანჯება გამუდმებული ღებინების შეგრძნებით, რომელიც მას ორი წლის წინ დაეწყო. სამმა გამოცდილმა ექიმმა და ორჯერ სტაციონარულმა მკურნალობამ მას ვერაფერი ვერ უშველა: ქალს დიაგნოზი ვერ დაუსვეს.
ინდონეზიელი მეთევზე დედეს ისტორია ალბათ მთელი მსოფლიოსთვისაა ცნობილი. “ადამიანმა-ხემ”, რომელსაც ხელებზე და ფეხებზე ხის ტოტები ეზრდება, რამოდენიმე ოპერაცია გადაიტანა, მაგრამ მოჭრილი ტოტები ისევ და ისევ ამოსდის სხეულზე.
5 წლის ლილი სადკლიფს იშვიათი მემკვიდრეობითი დაავადება-ცისტინოზი აქვს. ესაა მდგომარეობა, როცა ორგანიზმში ცისტინის კრისტალები წარმოიქმნება. გოგონას ყოველდღიურად უსხამენ სპეციალური წამლების კოქტეილს, რომ სხეული არ გაქვავდეს. ეს დაავადება მსოფლიოში დაახლოებით 200 ადამიანს აქვს.
“ადამიანი-მაქცია” ლარი რამოს გომესი მექსიკიდან იტანჯება უიშვიათესი დაავადებით -გენერალიზებული თანდაყოლილი ჰიპერტრიფოზით, ანუ ზედმეტთმიანობით. ამ გაზაფხულზე აშშ-ში მასზე რეალითი-შოუ გადაიღეს, სადაც ძალიან უცნაური სანახავი იყო, თუ როგორ იდგა ლარი ძლიერ ქარში.
5 წლის ტყუპები ელისონი და კესიდი იტანჯებიან იშვითი სასიკვდილო დაავადებით, რომელიც მათ ყოველდღიურად აცლის ძალას და სიარულის, ჭამისა და მოძრაობის უნარს. ამ დაავადებით მსოფლიოში სულ 500 ბავშვი იტანჯება, მას ” ბავშვთა ალცჰაიმერის დაავადებასაც” უწოდებენ. დედის დაჟინებული მოთხოვნით ტყუპებს ექპერიმენტული მკურნალობა დაუწყეს და ჯერჯერობით დაავადების პროგრესირება შეჩერებულია.
ბრიტანელი პატარა გოგონა სურაია ბრაუნი იტანჯება უიშვიათესი დაავადებით, რომელიც მის ზრდას უშლის ხელს. ორი წლის ასაკში ის ახალშობილს ჰგავს, იწონის 3, 170 კილოგრამს და მისი სიგრძე 48 სანტიმეტრია. “ეს ნამდვილი პარადოქსია”, -განაცხადა ერთ-ერთმა ექიმმა.
ელიზაბეთ ფოდეილ-ბაუსი იტანჯება “გარემომცველი სამყაროს” დაავადებით, რის გამოც მისთვის აუტანელი ხდება ყოველდღიური საჭიროებისათვის გამოყენებული საგნები. ის ყოველდღიურად ათ საათს ატარებდა სპეციალურად აგებულ ყოველგვარი ქიმიური ნივთირებებითა და ნივთებით ცარიელ პატარა შენობაში( ბუშტში). ოქტომბერში სასამართლომ გამოიტანა განაჩენი ამ შენობის დანგრევისა, რადგან ის უნებართვოდ იყო აგებული. ახლა ელიზაბეთს ისევ ტანჯვით უწევს ცხოვრება.
აი მილაგროს სერონი კი, საბედნიეროდ. “ქალთევზას სინდრომს”
ცოცხალი გადაურჩა. ის დაიბადა 2004 წელს თანშეზრდილი ფეხებით. 2005 წელს მას ოპერაცია ჩაუტარდა, რომელიც წარმატებული აღმოჩნდა და გოგონამ სიარული შეძლო.
ეშლინ ბლოკერი-ერთ-ერთია მსოფლიოში იმ მცირერიცხოვანი ადამიანებიდან, რომელთაც აქვთ ანჰიდროზომის დაავადება-გოგონა საერთოდ ვერ გრძნობს ტკივილს. ამ დაავადების გამო ის ვერ გრძნობს ვერც ტემპერატურის მკვეთრ ცვალებადობას-ვერც სიცხეს, ვერც სიცივეს. სურათზე ეშლინი გადაღებულია საკლასო ოთახში. ის უყურებს, თუ როგორ ერთობიან თანაკლასელები.
წყარო : intermedia.ge
