“ხუინაპუტინა”
არ გეგონოთ ცენზურას ვარღვევდე ასეთი სათაურით :evil: გაგრძელებაში გაიგებთ რაშიც არის საქმე :lol2:
სამხრეთ პერუში არის ვულკანი, რომელსაც სწორედ ასე ჰქვია – “ხუინაპუტინა” (Huaynaputina). თვითონ რუსებიც მას ასე მოიხსენიებენ – Хуйнапутина.
1600 წელს პერუში უდიდესი კატასტროფა მოხდა სწორედ ამ ვულკანის წყალობით. 19 თებერვლიდან 6 მარტის ჩათვლით ცხელი ლავა ამოიფრქვეოდა შეუჩერებლივ. ამოფრქვევის სიძლიერემ შეადგინა VEI-6 (ვულკანის სიძლიერის საზომით ბოლოს წინა პოზიციაა).
ხუინაპუტინას კატასტროფა უდიდესი იყო სამხრეთ ამერიკის ისტორიაში და ერთ-ერთი უდიდესი მთელს მსოფლიოში.
დაინგრა და მიწასთან გასწორდა უამრავი სოფელი. წყნარ ოკეანემდეც კი მიაღწია, რომელიც ვულკანიდან 120 კმ. მოშორებითაა. სერიოზულად დააზიანა ქალაქაბი: არეკიპი და მოკეგუა. სოფლის მეურნეობა ამ ტერიტორიაზე მხოლოდ 150 წლის შემდეგ განახლდა.
ხუინაპუტინას ამოფრქვემამ უდიდესი როლი ითამაშა ჩრდილოეთ ნახევარსფეროს კლიმატზე. სწორედ ეს ვულკანი გახდა ერთ-ერთი მიზეზი ე.წ. “მცირე გამყინვარების პერიოდისა” დედამიწის ისტორიაში. 1601 წელი იყო ყველაზე ცივი წელი ბოლო 6 საუკუნის განმავლობაში.
სხვათაშორის რუსეთში მარტო 1601-1603 წლებში ამ ფაქტმა 127 000 ადამიანის სიცოცხლე შეიწირა, შიმშილისა და სიცივის გამო. ისტორიკოსების მტკიცებით კი საერთო ჯამში 2 მილიონზე მეტი ადამიანი დაიღუპა.