ცოტა რამ ალქიმიის ისტორიიდან
მაშ ასე დავიწყოთ ეს პოსტი ეხება ზოგადად ალქიმიას, ცნობილ ალქიმიკოსებს ფაქტებს ალქიმიაზე და ასე შემდეგ ცოტ ცოტა ყველაფერს.
რაიმუნდ ლული
რაიმუნდ ლულიმ (1235-1315), ესპანელმა პოეტმა, ღვთისმეტყველმა, ფილოსოფოსმა, ავტორმა შრომისა “ლითონთა სულების გარდაქმნათა შესახებ”, ლეგენდის მიხედვით, ტრანსმუტაციური (ტრანსფორმირებული, გარდაქმნილი) ოქროთი უმდიდრეს კაცად აქცია ინგლისის მეფე ედუარდ მეორე.
როჯერ ბეკონი
ინგლისელი როჯერ ბეკონის (1214-1292 წწ.) ნაშრომი “ალქიმიის სარკე” იყო პრაქტიკული სახელმძღვანელო ალქიმიკოსთა მომავალი თაობებისთვის. მეცნიერი ალქიმიას განმარტავდა როგორც “მეცნიერებას, რომელიც იკვლევდა სხეულებს თეორიისა და ცდების მეშვეობით, თანაც ისწრაფოდა უნდარესი გადაექცია უმაღლესად და უფრო ფასეულად. იგი გვასწავლის ნებისმიერი სახეობის ლითონის სხვა ლითონად ტრანსფორმირებას სპეციალური საშუალებების დახმარებით.”
ნიკოლა ფლამელი
ნიკოლა ფლამელიმ ( 1330-1448 წწ.), პარიზელმა წიგნების გადამწერმა და მწერალმა, შეძლო წაეკითხა ( ერთ-ერთი ვერსიით – სიზმარში) უძველესი ალქიმიური ტრაქტატი; ცნობები მის შესახებ ლეგენდურია. მან პირველი წარმატებული ტრანსმუტაციის შემდეგ, სწრაფად იწყო გამდიდრება. სულ მალე უკვე ჰქონდა 14 საავადმყოფო, 7 ეკლესია-მონასტერი, 3 სამლოცველო პარიზში, დაახლოებით ამდენივე საავადმყოფო და მონასტერი ბულონში. ამბობენ, რომ ფლამელიმ მოაწყო თავისი სიკვდილისა და დასაფლავების ინსცენირება, ხოლო თავად ინდოეთში წავიდა.
ზვიად გამსახურდია
მრავლისმთქმელია ზვიად გამსახურდიას აზრი ალქიმიის თაობაზე: ” ფილოსოფიური ქვის ძიება არის არა მარტო ფიზიკური ოქროს ძიება, არამედ სულიერი ხსნის ძიება, ღვთის ძიება, სულიერი ცნობიერების გარკვეული დონის ძიება”.
… ალქიმიკოსთა ”ოქროსკვეთის იდეა- ” წმიდატაწმიდა ხელოვნების საიდუმლოება”- წარმოიშვა ძველ ეგვიპტეში.
… ევროპაში ალქიმიური კვლევების პიონერმა ალბერტ ფონ ბოლშტედმა (1193-1280 წწ. ისტორიაში შევიდა ალბერტ დიდის სახელით) დაწერა რამდენიმე თხზულება, რომლებშიც გადმოცემულია ორიგინალური შეხედულებები, ძირითადად, ლითონების გარდაქმნასთან დაკავშირებით.
…”ალქიმიური ჰიპოთეზის” მიხედვით, უძველეს დროში ცნობილ ლითონებს შორის (ოქრო, ვერცხლი, ვერცხლისწყალი, სპილენძი, რკინა, ტყვია, კალა) ”სრულყოფილად” ითვლებოდა მხოლოდ ოქრო ხოლო, დანარჩენი ”არასრულყოფილთა რიცხვს მიეკუთვნბებოდა.
ბოლოში კი მინდა შემოგთავაზოთ ნაწვეტი ალქიმიკოსთა ჰიმნიდან:
”შვიდმა ლითონმა შექმნა სამყარო,
შვიდი ლითონი წაგვიძღვა წინა,
მოგვცა კოსმოსი – სიმდიდრის წყარო,
სპილენძი, ვერცხლი და მტკიცე რკინა,
მოგვცა თვით ოქრო, კალა და ტყვია,
შენ, ჩემო შვილო, არ შეგიტყვია?
გოგირდი არის მამა ამათი,
დედა – სინდიყი, ნუ გსურის კამათი
იმედია ცოტაზე მაინც დაგაინტერესათ
წყარო; დილის ქიმიის ენციკლოპედია