პირველი დაჯავშნული უმაღლესი კლასის ავტომობილი საბჭოთა კავშირში შეიქმნა 40-იანი წლების მიწურულს სპეციალურად დიდი ბელადის, იოსებ სტალინისათვის. მოდელს სახელად “ZIS-115” დაარქვეს.
ქარხანა თავიდან სტალინის სახელს ატარებდა, რის მიხედვითაც შეირჩა მოდელის სახელი (Завод имени Сталина – ЗИС) თუმცა მოგვიანებით ლიხაჩევად გადააკეთეს (Завод имени Лихачёва – ЗИЛ). სულ 32 ეგზემპლარი დამზადდა და ყველა მათგანი სტალინს ეკუთვნოდა.
წინამორბედი და პროტოტიპი მოდელისგან, ZIS-110-სგან თითქმის არაფრით განსხვავდებოდა, მხოლოდ მცირეოდენი ცვლილებები იყო დიზაინში.
ლიმუზინის მინების სისქე 7.5 სმ-ს აღწევდა, მანქანა სიგრძეში 6 მეტრამდე იყო, წონით 4280 კგ. 6 ლიტრიანი ძრავა 8 ცილინდრით 140 ცხენის ძალამდე გამოიმუშავებდა, რაც ავტომობილს 120 კმ/სთ მაქსიმალურ სიჩქარეს ანიჭებდა. ალბათ არ გაგიკვირდებათ იმის გაგება, რომ მოდელი საკმაოდ ბევრ საწვავს მოიხმარდა – 27,5 ლიტრი 100 კმ-ზე.
სტალინი ერთ ეგზემპლარს არასდროს იყენებდა ზედიზედ ერთ დღეზე მეტი ხნის განმავლობაში. თითოეულ მოდელს თავისი მძღოლი ჰყავდა. ამ მანქანის მართვა რა თქმა უნდა, დიდ საფრთხესთან და დაძაბულობასთან ასოცირდებოდა, სამაგიეროდ ZIS-115-თვის წითელი შუქი არ არსებობდა.
ეს კი ZIS-110, რომლის მიხედვითაც ააწყვეს მოდელი:
