გასართობისაკითხავისასარგებლო

საინტერესო ფაქტები მსოფლიო ჩემპიონატის შესახებ

db7e7b954822
დღეს მექსიკისა და მასპინძელი სამხრეთ აფრიკის ეროვნულმა ნაკრებმა გუნდებმა გახსნეს მსოფლიოს 2010 წლის ჩემპიონატი ფეხბურთში, რითაც საფუძველი ჩაუყარეს დაახლოვებით ერთ თვიან დაძაბულ, საინტერესო, სახალისო, სატირალ, საოცნებო, ლამაზ, სასტიკ, ანგაჟირებულ, მიკერძოებულ, თავდადებულ და კიდევ რა ვიცი როგორ სანახაობას. რა თქმა უნდა, ყველამ კარგად ვიცით, რომ ეს პიველი მსოფლიო ჩემპიონატი არ არის ფეხბურთში, თუმცა იმის მიხედვით თუ რას გვიმზადებს ბუნება 2012 წელს შეიძლება ბოლო ჩემპიონატათაც ჩაითვალოს. ეს რა თქმა უნდა ხუმრობით, ისე კი მინდა შემოგთავაზოთ, უფრო სწორედ დავწერო, რამდენიმე საინტერესო ფაქტი მსოფლიო ჩემპიონატების ისტორიიდან, რომელიც 1930 წლიდან იღებს სათავეს და მთელი ამ პერიოდის განმავლობაში ყოველ 4 წელიწადში ერთხელ ტარდება მსოფლიოს სხვა და სხვა ქვეყანაში, თუმცა აქაც არის რამდენიმე გამონაკლისი. 1930 წლიდან 2010 წლამდე ანუ დღემდე მხოლოდ ორჯერ არ გაიმართა მსოფლიო ჩემპიონატი, რა თქმა უნდა ბევრი თქვენგანი მიხვდა, რომ ეს პერიოდი მეორე მსოფლიო ომის პერიოდებია, 1940 და 1946 წელები.
f33f97139046
1940 ში ბატონი ადოლფი იმდენად დაკავებული იყო მსოფლიოს სხვა და სხვა ხალხების განადგურებით, რომ მსოფლიოს სხვა და სხვა ხალხებს არ ეცალათ ბურთით ერთმანეთს დაპირისპირებოდნენ, მაშინ ბურთის გარდა ერთმანეთთან დასაპირისპირებლად მილიონი სხვა საშუალება იყო და მსოფლიოს ჩემპიონატიც ამ საშუალებებით გაიმართა და რა თქმა უნდა 1940 წელს თასი გერმანიამ აიღო ხოლო 1946 ში საბჭოთა კავშირმა, ეს ისე არაოფიციალურად, თორემ ოფიციალურად ამ წლებში ომის და გენოციდების მეტი არაფერი მომხდარა. ისე კი მსოფლიო თასების ფლობის რეკორდს რა თქმა უნდა ბრაზილია ფლობს. მათ თასი 5-ჯერ აქვთ მოგებული ხოლო ყელაზე მეტი გოლი კი მსოფლიო ჩემპიონატების ისტორიაში რონალდოს ეკუთვნის და მისი რაოდენობა 15-ს შეადგენს.
065f4e1fdb81
რაც შეეხება გოლებს. როგორც უკვე მოგახსენეთ პირველი მსოფლიო ჩემპიონატი ურუგვაიში ჩატარდა, ძალიან დიდი ხნის განმავლობაში, ყველა თვლიდა, რომ პირველი გოლი ამერიკელმა ფეხბურთელმა ბარტ მაქგიიმ გაიტანა ბელგიასთან შეხვედრაში მე-40 წუთზე, თუმცა რამდენიმე წლის წინ იყო კამათი ამ საკითხთან დაკავშირებით და ფიფამ გადაწყვიტა, რომ პირველი გოლი არა მაერიკელებმა არამედ, ფრანგმა ლუსიენ ლორენმა გაიტანა მექსიკის წინააღმდეგ 1930 წლის 13 ივლისს მე-19 წუთზე.
c86e854e8d09
იმ დროისთვის გოლის განატანც ალბათ ბევრად ადვილი იქნებოდა, რადგან წითელი ბარათები არ არსებობდა. წითელი და ყვითელი ბარათები 1970 წლამდე არ არსებობდა, ხოლო ჩილელმა კარლოს კაზილემ პირველმა მიიღო წითელი ბარათი 1974 წელს დასევლეთ გერმანიის წინააღმდეგ თამაშის დროს 67-ე წუთზე.
c7b8e3014136
ალბათ სასაცილოა, როდესაც გერმანიასთან თამაშის დროს მიიღებ ადამიანი მსოფლიოში პირველ წითელ ბარათს.
ყველაზე ახალგაზრდა ფეხბურთელი კი, რომელსაც მსოფლიო ჩემპიონატზე უთამაშია გახლავთ ჩრდილოეთ ირლანდიელი ნორმან ვაითსაიდი,
cccb277753ee
რომელიც იუგოსლავიასთან თამაშის დროს გამოვიდა სტადიონზე, იგი 17 წლის იყო ხოლო 1982 წლის იუგოსლავიასთან თამაშის დღეს ის გახლდათ ზუსტად 17 წლის და 41 დღის, თუმცა ის დღე როდესაც ნორმანი გამოვიდა სტადიონზე არ გახლდათ თამაში, რომელსაც ყველაზე მეტი მაყურებელი დაესწრო. მსოფლიო ჩემპიონატების ისტორიაში ყველაზე მეტი მაყურებელი 1950 წლის ფინალს დაესწრო სადაც ერთმანეთს ბრაზილიისა და ურუგვაის ნაკრებები ხვდებოდნენ, რიო დეჟანეიროში ამ თამაშზე 199,854 ადამიანი მივიდა.
8d7b1ccacb80
ყველაზე მეტი გოლი ერთ მსოფლიო ჩემპიონატზე კი უნგრეთს აქვს გატანილი და ამ გოლების რაოდენობა 27 შეადგენს, ამ დროს უნგრეთის ნაკრებში ლეგენდარული პუშკაში თამაშობდა. 1954 წელს უნგრეთმა ფინლაში გასვლა შეძლო თუმცა დამარცხდა გერმანიასთან 3-2.
48f9dea6ed45
ეს არის იმ უამრავი საინტერესო სტატისტიკიდან, რომელიც მსოფლიო ჩემპიონატებზე არსებობს, მცირედი ინფორმაცია. ვფიქრობ თქვენც დაინტერესდით და გადახედეთ, ისე კი გისურვებთ, რომ ნერვები არ დაგეწყვიტოთ და ბოლომდე მიგეღოთ სიამოვნება საკუთარი გუნდის თამაშიდან, ამ მსოფლიო ჩემპიონატზე აფრიკაში.

მსგავსი ამბები

Back to top button