TECH & მეცნიერებაგართობა

ნახევარ საუკუნეზე მეტია, რაც ესპანელი მარტო აშენებს საკუთარ ტაძარს (25 ფოტო)

894b90ed6cf0
ბოლო წლებში, იშვიათად შეიძლება შეხვდეთ ადამიანებს, რომლებმაც თავისი სიცოცხლის ათწლეულები მიუძღვნეს მასშტაბური პროექტების განხორციელებას, განსაკუთრებით, თუ ეს კეთდება, სხვა ადამიანების დახმარების გარეშე, სულ მარტოდმარტო.
ერთ-ერთი ასეთი იშვიათი ადამიანი გახლავთ- 90 წელს მიტანებული ესპანეთის მკვიდრი ხუსტო გალეგო მარტინესი (Justo Gallego Martínez). აი, უკვე ორმოცდამეთხუტე წელია, ის მატოდმარტო აგებს საკუთარ ტაძარს პატარა ქალაქ მეჯორადა-დელ-კამპოში (Mejorada del Campo), რომელიც 20 კმ-ით დაშორებულია მადრიდიდან. ხუსტო მარტინესმა ამ საოცარი, საკათედრო ტაძრის გრანდიოზული მშენებლობა დაიწყო 1961 წლიდან…

ccf0090b1850
მშენებლობა მიმდინარეობდა ინჟინრების და არქიტექტორების გარეშე, გეგმებისა და ნახაზების, ფინანსური ოპერაციებით საქმიანობის გარეშე, ინვერსტიციების, სახელისუფლებო ნებართვისა და ეკლესიების ლოცვა-კურთხევის, მხარდაჭერის გარეშე.
გრანდიოზული პროექტის დასრულებამდე ჯერ კიდევ შორსაა, მაგრამ ეხლა ნათლად ჩანს ფოტოებზე- 40-მეტრიანი გუმბათი, კოშკები და კიბეები; მალე დაიწყება გუმბათით გადახურვა.
ფერადი მინის ვიტრაჟებიანი, აღმართული ტაძრის ფართობი შეადგენს 2230 კვ /მეტრს (m²). ჩვეულებრივ, ტაძარს აგვირგვინებს გუმბათი, რომელიც ზეცის სიმბოლოა; ტაძრის უმთავრესი ნაწილია საკურთხეველი, რომელშიც აღესრულება მღვდელმსახურება.
ესპანელ მშენებელს დაგეგმილი აქვს სამრეკლოს აღმართვა ზარებისათვის, რომელთა რეკვით მორწმუნეებს უხმობენ სალოცავად, ღვთისმსახურებაზე. ის წესით უნდა იყოს ტაძრის შესასვლელთან, ან მის გასწვრივ.
ეხლა, რაც აღსანიშავი და დამაფიქრებელია- თავდაპირველად, ხუსტო გალეგო მარტინესს არ ჰქონდა არანაირი გამოცდილება მშენებლობაში და არც არქიტექტურული განათლება.

307cc60ed4cf
ყოფილი ბერი დაიბადა ღარიბი, ღვთისმოსავი გლეხის ოჯახში. სამოქალაქო ომმა ხელი შეუშალა, რომ ხუსტო გალეგო მარტინესს მიეღო განათლება. გარდა ამისა, 10 წლის ხუსტოს თვალწინ დახვრიტეს ადგილობრივი მღვდლები და გაძარცვეს ტაძარი თავის მშობლიურ ქალაქ მეჯორადა-დელ-კამპოში, რამაც დიდი შთაბეჭდილება მოახდინა მასზე და ძალიან შეაძრწუნა 10 წლის ბიჭი.
986187b520e4
20 წლის განმავლობაში ხუსტო მარტინესი გახდა ღვთისადმი მორჩილი, მორჩილება ხომ უდიდესი სათნოებაა.
როგორც ვიცით, სათნოებათა შორის ერთ-ერთი უდიდესი მორჩილებაა. ის ამშვიდებს ადამიანს და უქრობს ცხოვრებისეული სიძნელეების შიშს.
პიროვნება, რომელიც ღვთის მორჩილია, დარწმუნებულია, რომ უფალი დაიცავს მას განსაცდელის ჟამს. სამწუხაროდ, 8 წლის შემდეგ, როცა ხუსტო მარტინესი ტუბერკულოზით დაავადდა, მან დატოვა მონასტერი და დაბრუნდა თავის მშობლიურ ქალაქში, სადაც დაიწყო ტაძარის აგება მისი მშობლებისგან მემკვიდრეობით დატოვებულ მიწაზე. მან დადო პირობა, რომ ააშენებდა ტაძარს, თუ განიკურნებოდა ამ მძიმე დაავადებისგან.

be95032a489f
ესპანელმა უფლის სადიდებლად დაიწყო ტაძრის აგება ცნობილი ნაგებობების, ეკლესიების ნიმუშების მიხედვით, რომლებიც ნახა ჟურნალებსა და წიგნებში. მაგალითად, ყველაზე დიდი გუმბათი, რომელსაც გეგმავდა ხუსტო თავისი ტაძრისთვის, ძალიან ჰგავს წმინდა პეტრეს ბაზილიკას- ვატიკანში.
881d7c3a4a39
ძირითადად, ხუსტო მარტინესი აშენებს საკუთარ ტაძარს მარტოდმარტო, მაგრამ დროდადრო მას ეხმარებიან ძმისწულები, ასევე მოხალისეები -როგორც ადგილობრივები, ასევე სხვა ქვეყნებიდანაც.
მარტინესი გულის სიღრმეში აღიარებს, რომ მისი ქმნილება ახლაც და მომავალშიც, სავარაუდოდ, არ იქნება გამოყენებული დანიშნულებისამებრ- საეკლესიო ღვთისმსახურებისთვის, განსაკუთრებით იმიტომ, რომ ქალაქის მაცხოვრებლები განსხვავებულად უყურებენ და აღიქვამენ მის პროექტს. მისი თქმით, ეს შრომა უპირველეს ყოვლისა, არის რწმენის მაჩვენებელი.
cd8c314ab60f
ღვთისადმი მორჩილი, ხუსტო მარტინესი დარწმუნებულია, რომ როდესაც ტაძარი საბოლოო სახეს მიიღებს, ამით ნაგებობათა ხანგრძლივი მშენებლობის მსოფლიო რეკორდი აღინუსხება. ამ ტაძარს კიდევ ბევრი შეუსხამს ხოტბას და მისი მშვენიერების გადმოსაცემად ენა, ეტყობა, უძლური იქნება. მოდით, წარმატება ვუსურვოთ !!!
d34747d72de4
c7b673a18be1
060411f8948e
0ffc16d094aa
73f213445b7d
0ae12790e503
e0b761125772
d30f19632740
41dc7bc5d28b
9ad48abdbc94
a70eae9a182c
7d986bba7ceb
70da746d92f6
736d438294c9
bb10f4167653
88bc1e7ae984
37bcaa6a1358
5d6272538221

blogerlady

age: 14

მსგავსი ამბები

Back to top button