ღია ზოოპარკი სინგაპურში
სინგაპური- დინამიური ქალაქია მკაფიო ფერებითა და გასაოცარი კონტრასტებით; სინგაპური სხვადასხვა სტილის კულტურათა მიქსით, ტრადიციებისა და თანამედროვეობის სინთეზით გამორჩეული ქალაქია.
ხოლო სინგაპურის ზოოპარკი საუკეთესოა მსოფლიოში. სინგაპურში არის ერთ-ერთი ყველაზე საოცარი და უჩვეულო ღია ზოოპარკი მთელ მსოფლიოში. ყველა, ვინც კი ოდესმე ეწვია ამ ზოოპარკს დარჩნენ აღფრთოვანებულები, მოხიბლულები და აღტაცებულნი.
ეს ზოოპარკი ერთ-ერთი ყველაზე ლამაზი და დიდი ღია ტიპის -გალიების გარეშე- ზოოპარკია მსოფლიოში. მისი ფართობი არის ტროპიკული ტყით დაფარული 28 ჰექტარი.
ზოოპარკის შესასვლელში ყოველთვის რიგებია, მაგრამ აქ მოგემსახურებიან სწრაფად, ასე რომ ბილეთის შეძენა არ არის პრობლემა თქვენ შეგიძლიათ აირჩიოთ 3 ვარიანტი: შესვლა, შესვლა და ნავი, შესვლა და შეუზღუდავი მგზავრობა ტრამვაი-ელექტრომობილით, რომელშიც ხალხი ზის.
ამ ზოოპარკში ცხოველების უნიკალური კოლექციაა. ასეთი კოლექციით ევროპული ზოოპარკებიც ვერ დაიკვეხნიან. მნახველებს აქ სთავაზობენ ბუნებრივ პირობებში არა მარტო ცხოველების დათვალიერებას, არამედ ნავით, მინიატურულ მატარებელში ან სკუტერით სეირნობას. ასევე მსურველებს შეუძლიათ აქ აღნიშნონ დაბადების დღე, რომელიმე დღესასწაული და ქორწილიც კი გადაიხადონ.
ამ ზოოპარკში ბინადრობს ყველაზე მეტი სახეობის ცხოველი, დაახლოებით 1500 განსხვავებული სახეობა. მათი საერთო რიცხვი 13 ათასზე მეტია.
ზოოპარკში არის 200-ზე მეტი სახეობის ძუძუმწოვარი ცხოველი, 150 სახეობის ფრინველი , 82 რეპტილია და 5 ამფიბია
სინგაპურის ზოოპარკი გაიხსნა 1973 წელს და მიუხედავად იმისა, რომ მას მოკლე ისტორია აქვს, ეს ღია ზოოპარკი ნამდვილი საოცრებაა. გამორჩეულია თავისი შესანიშნავი ლანდშაფტით. ის ანვითარებს ღია პარკის კონცეფციას: ცხოველები არ არიან ტრადიციულ გალიებში, არამედ მათთვის შექმნილია ღია გარემო. აქ ცხოვრობს მსოფლიოში ყველაზე დიდი დატყვევებული ორანგუტანგი, სახელად Old Oak „ოლდ ოუკი“.
ზოოპარკის მახასიათებელია გასართობი ატრაქციონები. შეგიძლიათ ისიამოვნოთ საუზმით ცხოველებთან ახლოს
ასევე ზოოპარკში არის აკვარიუმი და რეპტილიების პარკი.
2008 წელს ზოოპარკს ეწვია 3 მილიონზე მეტი ვიზიტორი.
იმისათვის რომ ავღწეროთ ზოოპარკის და მისი ბინადარების მთელი სილამაზე , არ გვეყოფა სიტყვები, ასე რომ თავად ნახეთ სურათები…