საკითხავისასარგებლოსურათები

ჯორჯ ადამსონი-ლომების მეგობარი


გთავაზობთ ისტორია ჯორჯ ადამსონისა,რომელსაც “ლომების მამა” შეარქვეს.მან შეუძლებელი შეძლო და ველურ სამყაროში ცხოველთა მეფეებთან ახლო და მეგობრული ურთიერთობა დაამყარა.ის ზრუნავდა ლომებზე,ყველაფერს აკეთებდა მათთვის და სიცოცხლის ბოლომდე არ სცილდებოდა მათ.

ჯორჯი ინდოეთის ქალაქ დოლფურში დაიბადა (უნდა აღინიშნოს,რომ ამ დროს ინდოეთი ბრიტანეთის კოლონია იყო) 1906 წლის 3 თებერვალს.1924 წელს ის მიემგზავრება კენიაში,სადაც ხელი თხების მოშენებას ხოლო შემდგომ უკვე საფარის პროფესიონალ მონადირედ ჩამოყალიბდა.
1938 წელს ის ხდება კენიის ჩრდილოეთ სასაზღვრო რაიონის მთავარი მონადირე-ინსტრუქტორი და ამ სამუშაოს ასრულებდა 1961 წლამდე.

სწორედ ამ სამუშაომ დაახლოვა ჯორჯი ველურ ბუნებასთან.1956 წელს ჯორჯი ცოლთან ერთად ნადირობდა,მან ესროლა ლომის ბოკვერს,შემდეგ კი ეს საქციელი ინანა და გადაწყვიტა ყველაფერი გაეკეთებინა ამ ბოკვერის გადასარჩენად.რამდენიმე თვე სახლში ჰყავდა,ლომს სახელიც კი შეურჩიეს ელზა.მკურნალობამ წარმატებით ჩაიარა და ელზა გაუშვეს.ეს იყო ჯორჯის ლომებთამ მეგობრობის დასაწყისი.

1970 წელს ადამსონი საცხოვრებლად გადადის კენიის ჩრდილოეთით მდებარე კორას ნაციონალურ პარკში.ის ყველაფერს აკეთებს დაჭრილი და სხვადასხვა მიზნებისათვის დაჭერილ ლომებზე ზრუნვისა და ველურ ბუნებაში მათი დაბრუნებისათვის.

კორას პარკი,ადამსონის საცხოვრებელი

ჯორჯი კენიის ფარგლებს გარეთაც ზრუნავდა ლომებზე.მან ლონდონში ერთ-ერთი ზოოპარკისგან გამოისყიდა ლომი და კენიაში წაიყვანა.ჯორჯი ამ მომენტს ყოველთვის დიდი სიყვარულით იხსენებდა და ამბობდა რა დამავიწყებს იმ “მხიარულ და მამაც ლონდონელ ლომსო”.

1989 წელს სომალელი ბანდიტები შეიჭრნენ კორას პარკში.ამავე წლის 20 აგვისტოს “ლომების მამა” ჯორჯ ადამსონი ბანდიტთა ტყვიამ იმსხვერპლა.ადამიანი რომელმაც ლომებს უდიდესი სიყვარული და პრაქტიკულად მთელი სიცოცხლე მიუძღვნა ვიღაც არაადამიანთა მსხვერპლი აღმოჩნდა.ესეც ალბათ ბედის ირონიაა…

ჯორჯ ადამსონი დაკრძალეს კორას ნაციონალურ პარკში,თავისი მეგობარი ლომის “ბოის” გვერდით…

p.s. მეგობრობა ნებისმიერ ცოცხალ არსებას შეუძლია,მთავარია რომ მას აგრძნობინო სითბო და სიყვარული…

Don Mindia & Malli

თეგები
Booking.com

მსგავსი ამბები

Back to top button
Close
Close