პირველები, რომლებიც სინამდვილეში პირველები არ იყვნენ (ნაწილი I)
არსებობს ბევრი ფაქტი, რომელიც როგორც სიმართლე ისე გავრცელდა მსოფლიოში, მაგრამ სინამდვილეში ტყუილია. პოსტში წარმოდგენილია ადამიანები, რომლებსაც შეცდომით მიაწერენ პირველობას სხვადასხვა სფეროში.
პირველი ტრანს-ატლანტიკური ფრენა
რომ იკითხოთ, თუ ვინ გადაკვეთა პირველად ატლანტის ოკეანე , უმრავლესობა გეტყვით, რომ ეს იყო ჩარლზ ლინდბერგი. ეს ადამიანები ერთი მხრივ მართლები იქნებიან, რადგან ლინდბერგი იყო პირველი , ვინც მარტომ გადაუფრინა ატლანტის ოკეანეს.
სინამდვილეში ჯონ ალკოკმა და არტურ ბრაუნმა ლინდბერგს 8 წლით დაასწრეს. ამ პილოტებმა ნიუფაუნდლენდი 1919 წლის 14 ივლისს დატოვეს. ფრენას პრობლემების გარეშე არ ჩაუვლია, რადგან მუდმივად იყო ძრავის გაყინვის საფრთხე და ხშირად ხელითაც აცლიდნენ ყინულებს ძრავის სხვადასხვა ნაწილებიდან. 16 საათის შემდეგ ისინი ირლანდიაში დაეშვნენ. თუმცა არც დაშვება იყო სასიამოვნო პროცესი, რადგან ისინი პირდაპირ ჭაობში ჩაეშვნენ, იმიტო კი არა, რომ თვითფრინავის მართვა არ იცოდნენ, უბრალოდ ფრენის დროს სიმძიმის შესამცირებლად თვითმფრინავს ბორლები მოაძვრეს.
ტელეფონის გამოგონება
თითქმის ყველას მიაჩნია, რომ ალექსანდერ გრეთჰემ ბელი ტელეფონის გამომგონებელია. მან პირველად დააპატენტა ტელეფონი 1876 წელს და დაიწყო ტელეკომუნიკაციების ბიზნესი, თუმცა სინამდვილეში მისი გამოგონება პლაგიატი იყო.
ტელეფონი პირველად საზოგადოების წინაშე იტალიელმა ანტონიო მეუჩიმ წარადგინა, 16 წლით ადრე, ვიდრე ბელი მას დააპატენტებდა. უსახსრობის გამო იტალიელმა ემიგრანტმა 250 დოლარის გადახდა ვერ შეძლო, რაც დაპატენტებისათვის იყო საჭირო. მან თავისი გამოგონება Western Union telegraph company-ს აჩვენა, თუმცა კომპანიის ხელმძღვანელემა მასთან შეხვედრა არ ისურვეს. მეუჩის უთხრეს რომ მისი ტელეფონი დაიკარგა და უკან არ დაუბრუნეს. შემდეგ კი ბელმა მეუჩის გამოგონება დააპატენტა და მსოფლიოში ცნობილი პიროვნება გახდა. ყველაფრის მიუხედავად 2002 წელს შეერთებული შტატების კონგრესმა ანტონიო მეუჩი ტელეფონის გამომგონებლად დაასახელა, მაგრამ ის დღემდე უცნობი რჩება მსოფლიოსათვის.
ამერიკის აღმოჩენა
ვისაც ოდესმე ისტორიის სახელმძღვანელო წაუკითხავს, გეტყვით რომ ამერიკა ქრისტეფორე კოლუმბმა აღმოაჩინა. ის სამი გემით : ,,სანტა-მარია”, ,,პინტა” , ,,ნინია” გაემგზავრა ,,ახალი სამყაროსაკენ”.
მაგრამ ევროპელების ერთი ნაწილისათვის ეს მიწები ,,ახალი სამყარო” სულაც არ იყო. დაახლოებით 1000 წელს ვიკინგებმა ლეიფ ერიკსონის მეთაურობით ნიუფაუნდლენდს მიაღწიეს. ამ ადგილს ვიკინგებმა ,,ღვინი სმიწა” დაარქვეს, რაგან იქ ყურძენი ხარობდა. ვიკინგებმა ნიუფაუნდლენდზე დასახლება ააშენეს, რასაც უამრავი ფაქტი მოწმობს: სახლების სტილი, მეთუნეობა, აღმოჩენილი ნივთები და უამრავი სხვა ფაქტი რაც მოწმობს იმას ვიკინგებმა ლეიფ ერიკსონის მეთაურობით ამერიკას კოლუმბზე 500 წლით ადრე მიაღწიეს.