ბალის კუნძული
ბალის კუნძული – ადგილი, რომლის მონახულებაც ბევრი ადამიანის ოცნებაა. . .
ეს ოცნება კი, კუნძულ იავას მეფემ აღმოაჩინა.
ლეგენდის თანახმად, კუნძული ბალი იავას მეფემ შექმნა, როდესაც მისი ურჩი შვილი სასახლიდან გააძევა . მეფე იქამდე უყურებდა ვაჟს, სანამ თვალს არ მოეფარა და ზღვის ტალღებში არ გაუჩინარდა. ზღვა ღელავდა და უერთდებოდა იმ ხაზს, რომელმაც საბოლოოდ დააშორა ერთმანეთს მეფე და მისი ვაჟი. მიუხედავად ამისა, პრინცი იღბლიანი აღმოჩნდა, მას მემკვიდრეობით ბალის კუნძულები ერგო.
ბალი ერთ-ერთი ინდონეზიური, პატარა კუნძულია, იმდენად პატარა, რომ მისი სხვადასხვა ადგილების დათვალიერება ერთ დღეში არის შესაძლებელი.
ბალის მოსახლეობა ძალიან სტუმართმოყვარე და კეთილია, ამიტომ ეს საუკეთესო ადგილია ცხოვრების ყოველდღიური სტრესების დასავიწყებლად.
კუნძული ძალიან მოშორებულ ადგილასაა, ამიტომ უძველესი დროიდანვე ეს საიდუმლო ადგილი იყო მათთვის, ვისაც მშვიდად დასვენება სურდა. შეძლებულმა ხალხმა იცოდა, რომ იქ არ ჩადიოდნენ ტურისტები და ასე ეძლეოდათ საშუალება თავი დაეღწიათ აურზაურისგან.
მალე ბალის კუნძულზე ძვირფასი ვილები და სასტუმროები აშენდა, რადგან საიდუმლოდ არ დარჩენილა მისი სილამაზე და ხალხს ნაკადი დღითიდღე იზრდებოდა, ყველას სურდა პატარა და მშვიდი ადგილის მონახულება.
ბალიზე უამრავი ჩანჩქერი, ხელოვნური აუზები და რათქმაუნდა სუფთა, კამკამა ზღვაა.
მშვიდობიანი ატმოსფეროს, ძვირფასი სასტუმროებისა და მეგობრული ხალხსი წყალობით, ბალი საუკეთესო ადგილია დასასვენებლად.