ალბათ ყველაზე მნიშვნელოვანი და შინაარსიანი პლაკატების ეპოქა
თუ წინა პოსტებში გამოქვეყნებული პლაკატების უმრავლესობა ჩემში ირონიასა და ცინიზმს იწვევდა, ამ პლაკატების დანახვისას სრულიად საპირისპიროს განვიცდი და რაღაცნაირად წარმოვიდგენ იმ დროს და იმ ხალხს რომელთათვისაც სიტყვა “ხვალინდელი დღე” მხოლოდ ალბათობის თეორიაზე იყო დაფუძნებული.
მეორე მსოფლიო ომი, 1941 წელი
“მ.მ.ო.-ის მეორე პერიოდი (1941 წ. 22 ივნ. -1942 წ.18 ნოემბ) ფაშისტური გერმანიის თავდასხმა სსრკ-ზე, ომის მასშტაბური გაფართოება, ჰიტლერული დოქტრინის კრახი.
1941 წ. 22 ივნ. ფაშისტური გერმანია ვერაგულად თავს დაესხა საბჭ. კავშირს. დაიწყო დიდი სამამულო ომი საბჭოთა კავშირისა (1941-45), რ-იც მ.მ.ო.-ის უმნიშვნელოვანეს ეტაპად იქცა.” – ქართული საბჭოთა ენციკლოპედია
1941 წლის 22 ივნისის დილას ვერმახტის 149 დივიზიამ გადალახა სსრკ-ის საზღვრები და განავითარა პირველი თავდასხმა საბჭოთა კავშირზე, რითიც გერმანიამ დაარღვია 1939 წელს მოსკოვში დადებული “თავდაუსხმელობის პაქტი” (მოლოტოვ-რიბენტროპის პაქტი). ომის პირველ დღეებშივე ორივე მხარემ თავგანწირვისა და გმირობის უდიდესი მაგალითები დაუტოვა ისტორიას.
1941 წელი იყო სამკმაოდ მძიმე პერიოდი საბჭოთა კავშირისთვის ამ ომში მაგრამ პლაკატებსა და პროპაგანდაში მე აშკარად ვამჩნევ ოპტიმიზმს, არა ხალხისადმი თავგანწირული მოწოდებას საშველად, არამედ დარწმუნებას ამ ომში გამარჯვების გარდაუვლობაში.
იმედია მოგეწონათ :)