გასართობისასარგებლოუცნაური

უცნაური პრეისტორიული არსებები

31f84cce0dbb
გაგრძელებაში გაეცნობით 15 საოცარ და საინტერესო პრეისტორიულ არსებას.

db6f0ee0db16
Deinotherium

ამ სპილოს მსგავს უზარმაზარ არსებებს ნიკაპზე ორი დიდი ეშვი ჰქონდათ. სავარაუდოდ, ამ ეშვებით მიწას თხრიდნენ რათა ფესვები და სხვა საკვები მოეპოვებინათ. სიმაღლეში “სულ რაღაც” 3,5-4,5 მეტრი იყვნენ, რაც მათ ყველაზე დიდი ძუძუმწოვრის ტიტულს ანიჭებდათ.

d6057c28d058
Therizinosauridae

თეროპოდების ოჯახის ამ წარმომადგენელს გრძელი კისერი და უზარმაზარი კლანჭები ჰქონდა. თუმცა, სხვა თეროპოდებისგან განსხვავებით, ძირითადად ბალახეულს მიირთმევდა. არის ვარაუდი, რომ ჰქონდათ სუსტად განვითარებული ფრთებიც.

5a62ff4d7f8e
Epidexipteryx

ჩიტის მსგავს დინოზავრს ფრინველების ევოლუციაში გამორჩეული ადგილი უჭირავს. მათ ჰქონდათ ფრთები, თუმცა ვერ დაფრინავდნენ. კუდზე ოთხი გრძელი ბუმბული ჰქონდათ, რაც მათთვის საჭის მაგივრობას ასრულებდა. ჩინეთში აღმოჩენილი ნამარხები 152-168 მილიონი წლით თარიღდება. ამან დაადასტურა რომ ფრთები მილიონობით წლის განმავლობაში განიცდიდნენ დახვეწას, სანამ მათი საფრენად გამოყენება გახდებოდა შესაძლებელი. ეს ჯიში ერთ-ერთი ყველაზე პატარა დინოზავრი იყო – სიმაღლეში მხოლოდ 25 სმ.

c6d23aedac0b
Epidendrosaurus

ეს მეორე ჩიტის მსგავსი დინოზავრი ეპიდექსიპტერიქსების ოჯახს მიეკუთვნებოდა. დღესდღეობით ის ითვლება უძველეს დინოზავრად, რომელმაც ხეზე ცხოვრება შეძლო. უცნაურია, რომ მას კიდურებზე ჰქონდა სამი თითი, ხოლო ერთი თითი უკიდურესად გრძელი იყო – დანარჩენებზე მინიმუმ ორჯერ გრძელი. სავარაუდოდ ამ თითს ჭიების ამოსათხრელად იყენებდა.

a6f49584fff5
Microraptor

ამ ჯიშს ოთხი ფრთა და ბუმბულებიანი კუდი ჰქონდა. მიუხედავად ამისა, ის დიდხანს ვერ ფრენდა. მხოლოდ ერთი ხიდან მეორე ხეზე შეეძლო გადაფრენა. ის ჩიტებისა და დინოზავრების ერთ-ერთ საერთო წინაპრად ითვლება. მისი ორი სახეობაა აღმოჩენილი.

2a14511ed536
Longisquama

ლონგისქუამა პატარა, ხვლიკის მსგავსი არსება იყო, რომელსაც ზურგზე გრძელი ბუმბულები ჰქონდა. მისმა შესწავლამ წარმოშვა ვარაუდი, რომ ჩიტები არა თეროპოდებისგან, არამედ ხვლიკის მსგავსი რეპტილიებისგან წარმოიშვნენ. თუმცა ზოგიერთი მეცნიერი მიიჩნევს, რომ ზურგზე მათ არ ჰქონდათ ბუმბულები და გათხრებში აღმოჩენილი ნაშთი გვიმრის ფოთლებია. ჯერჯერობით ორივე თეორიას თანაბარი შანსი აქვს.

53c5b7311a63
Tanystropheus

სიგრძეში 6 მეტრი იყო, აქედან 3 მეტრი კისერზე მოდიოდა. ის ძირითადად თევზებით იკვებებოდა (გრძელი კისერიც ამისთვის სჭირდებოდა), რასაც ადასტურებს ის ფაქტი, რომ მისი ნაშთები ძირითადად ყოფილ ტბებთან აღმოუჩენიათ, ხოლო მის მუცელში თევზების ნაწილები უპოვიათ. სავარაუდოდ ის ტბის ნაპირთან მიდიოდა, თავს ტბაში ჩაყოფდა და მსხვერპლს იჭერდა.

f18b543c0191
Sharovipteryx

ამ უცნაურ არსებას გრძელი ფრთები ჰქონდა უკანა ფეხებზე, ხოლო პატარა – წინა ფეხებზე. ამის მიუხედავად, ფრენა მასაც არ შეეძლო და მხოლოდ ერთი ადგილიდან მეორეზე გადახტომაში იყენებდა მათ.

899ca9e3af77
Nyctosaurus

პტეროზავრების ეს ნათესავი ერთადერთი იყო, რომელსაც ფრთების ბოლოს თითებზე ბრჭყალები არ ჰქონდა. მისი ნაშთები 2003 წელს აღმოაჩინეს. თავზე უზარმაზარი რქისებრი წამონაზარდი ჰქონდათ. ადრე ეჭვობდნენ რომ რქები კანით იყო შეერთებული და საჭის მოვალეობას ასრულებდა, მაგრამ მოგვიანებით უარყვეს.

60eb912306b8
Pterodaustro

პტეროზავრის ამ სახეობას უცნაურად განლაგებული კბილები ჰქონდა, ისე როგორც ზოგიერთ ვეშაპს აქვს. მათი დახმარებით ისე ამუშავებდა საჭმელს, როგორც ფლამინგო. საკვები რაციონიდან გამომდინარე, ვარაუდობენ რომ კანი ვარდისფერი ჰქონდა.

2b8dce666621
Dunkleosteus

ერთ-ერთი ყველაზე საშიში ცხოველი, რასაც წყალში უცხოვრია. სიგრძეში ზოგჯერ 10 მეტრს აჭარბებდა. თავს კანის სქელი და უხეში ფენა იცავდა. მისი ნადავლი შეიძლებოდა წყლის ნებისმიერი ბინადარი გამხდარიყო.

20e636e68ada
Stethacanthus

ზვიგენის წინაპარს გრდემლის მსგავსი ზურგის ფარფლი ჰქონდა, რომელიც მცირე კბილანებით იყო აღჭურვილი. ასევე თავზე ჰქონდა უცნაური წამონაზარდი. ზურგის ფარფლს სავარაუდოდ თავდაცვისთვის იყენებდა.

2df4bc69d2b5
Helicoprion

როცა არქეოლოგებმა მისი ქვედა ყბა აღმოაჩინეს, იფიქრეს რომ ეს ნიჟარა იყო. მხოლოდ დამატებითი გათხრებისას აღმოჩენილმა მთლიანმა თავმა მიახვედრა მათ, რასთან ჰქონდათ საქმე. როდესაც ჰელიკოპრიონის კბილები ცვდებოდნენ, ისინი წინ მიიწევდნენ, მათ ადგილს კი ახლები იკავებდნენ. ჰელიკოპრიონი ზვიგენის წინაპრად მიიჩნევა.

1f906a712ff2
Deinocheirus

სამწუხაროდ, ჯერჯერობით ამ არსების მხოლოდ კიდურებია აღმოჩენილი. თითოეული 2,4 მეტრია სიგრძეში და 25 სმ-იანი კლანჭებით ბოლოვდება. პროპორციის მიხედვით, ის სიმაღლეში 12 მეტრი უნდა ყოფილიყო. მეცნიერებიხ ნაწილი ვარაუდობს რომ ამ კლანჭებს დიდი ზომის დინზავრების მოსანადირებლად იყენებდა. ზოგიერთის აზრით კი, კლანჭები ბლაგვი იყო და მხოლოდ თავდასაცავად გამოდგებოდა. ერთი პირობა ისიც იფიქრეს, რომ მათ ხეებზე ასაძრომად იყენებდა. სხეულის სხვა ნაწილების არარსებობის გამო კითხვები ჯერჯერობით პასუხგაუცემელია.

31ad9b132754
Amphicoelias fragillimus

მისი ნაშთები (რამდენიმე მალა) პირველად პალეონტოლოგმა ედვარდ კოუპმა აღმოაჩინა. კვლევებმა დაადგინა რომ ეს სახეობა სიგრძეში 40-60 მეტრი იყო, რითაც ყველა დროის ყველაზე გრძელი არსება გამოდის. შედარებისთვის, ლურჯი ვეშაპი დაახლოებით 30-40 მეტრია.

მსგავსი ამბები

Back to top button