არქივი

Samsung W880 12MP

7e3657fd2be3

იმ დროს, როდესაც მობილური ტელეფონების სამყარო გადართულია სონიერიქსონ სატიოს მოლოდინში, კომპანია სამსუნგმა წარმოადგინა ახალი, მულტიმედიური გიგანტი, სახელწოდებით W880. მისი მთავარი ღირსება 12 მეგაპიქსელიანი კამერა და ერთდროულად GSM და CDMA ქსელების მხარდაჭერაა. გარდა ამისა, გვხვდება უამრავი სასიამოვნო ფუნქცია.

ერთი შეხედვით ახალი სამსუნგი ციფრულ ფოტოაპარატს მოგვაგონებს და როგორც ირწმუნებიან კომპანიის წარმომადგენლები, იგი არაფრით არ იქნება თავისი კლასის ციფრულ ფოტოაპარატზე ნაკლები, თუ არა მეტი… პირველივე, რაც თვალში გვხვდება, ესაა მოძრავი ობიექტივი, რომელსაც გააჩნია სამმაგი ოპტიკური ზუმი. ასევე კამერა აღჭურვილი იქნება ქსენონის და LED განათებებით. 12 მეგაპიქსელიან კამერას შეეძლება 4000 x 3000 პიქსელის მქონე სურათის გადაღება, სახის და ღიმილის ამოცნობის ფუნქცია, Beauty Shot და მრავალი სხვა ფუნქცია…

რაც შეეხება ვიდეო გადაღებას, აქაც არაფერია დასაწუნი, გადაღების რეზოლუცია 720 x 480 პიქსელი იქნება 30 კადრი წამში. ასევე ექნება დამატებითი კამერა ვიდეო ზარის განსახორციელებლად.

სხვა ფუნქციებიდან აღსანიშნავია:
GSM 900 / 1800 / 1900  და CDMA 2000 / 800 / 1700
მესამე თაობის ქსელები UMTS 2100 და 1xEV-DO 800 / 1700
AMOLED სენსორული დისპლეი 16 მლნ. ფერით და 480 x 800 პიქსელით
აქსელერომეტრის სენსორი
4GB შიდა მეხსიერება
Micro SD ბარათის სლოტი, მაქსიმუმ 32GB
Bluetooth v2.0 A2DP მხარდაჭერით
T-DMB ციფრული სატელევიზიო მიმღები
DivX/XviD/H.263/H.264/MP4/WMV ვიდეო კოდეკების მხარდაჭერა
Li-Ion 1100 mAh აკუმულატორი

მონაცემებით თუ ვიმსჯელებთ, ძალიან კარგი ტელეფონი გამოუვიდა სამსუნგს, აღსანიშნავია ის მინუსი, რომ ტელეფონს არ აქვს Wi-Fi უკაბელო ინტერნეტი. Samsung W880 არის Sony Ericsson Satio_ს პირდაპირი კონკურენტი, მისი წარმატება დამოკიდებული იქნება ტელეფონის ღირებულებაზე. იგი გაყიდვაში გამოვა ოქტომბრის შუარიცხვებში.

მსგავსი ამბები

Back to top button