გასართობისაკითხავისასარგებლო

კითხვები

c0518802cf0a

აი კითხვებიც, როგორც შეგპირდით ძალიან რთულებია…. წარმატებები

1. ჯეფ ნიკოლსონის მოთხრობაში “ბედლამი ცეცხლში” კემბრიჯის პედაგოგი „წიგნების განადგურების“ პაროდიულ საღამოს აწყობს. იგი იბარებს სტუდენტებს და სთხოვს მათ, რომ თითოეულმა მოიტანოს ერთი წიგნი და გაანადგუროს ის. განადგურების წინ კი ყოველი სტუდენტი ვალდებულია ახსნას, თუ რა მიზეზით ანადგურებს მის მიერ შერჩეულ ამა თუ იმ წიგნს. ყურადღება შეკითხვა: დაასახელეთ XX საუკუნეში შექმნილი ნაწარმოები, რომლის განადგურების მიზეზადაც ერთ–ერთმა სტუდენტმა, თავად ეს ნაწარმოები დასახელა.

2. საიტზე www.e3e5.com, რომლის მისამართი მითითებულია დარიგებულ ფურცლებზე, კითხვის ავტორმა აღმოაჩინა სტატია სახელწოდებით „ვილჰელმ – ექსპერიმენტატორი“. ყურადღება შეკითხვა: დაასახელეთ გვარი ადამიანისა, რომელსაც ეძღვნებოდა ეს სტატია.

3. ერთ სტატიაში, რომელიც ეძღვნება კაცობრიობის მომავალს ეკონომიკური კრიზისის შემდეგ. სტატიის ავტორის განიხილავს სამყაროს პოსტკრიზისულ ეპოქაში, სადაც “მესამე მსოფლიოს” ქვეყნები ნახტომისებურად ვითარდებიან და ინგლისი, საფრანგეთი და გერმანია უეცრად გაღატაკებას იწყებენ. სტატიას აქვს ქვესათაური, რომელიც ემთხვევა დაახლოებით 80 წლის წინ შექმნილი ნაწარმოების სახელწოდებას. ყურადღება შეკითხვა: დაასახელეთ ამ ნაწარმოების ავტორი.

4. 2005 წელს ფოტოგრაფმა რობ შერიდანმა  აშშ–ს ერთ ქალაქში გადაიღო სურათი. ამ სურათზე გამოსახულია მაღაზია, რომლის ვიტრინაზე გაკეთებულია გამაფრთხილებელი წარწერები: „მე აქ ვარ“ და „მე მაქვს თოფი“. დაასახელეთ ქალაქი, სადაც რობ შერიდანმა გადაიღო ეს ფოტოსურათი.

luiziana

5. უილიამ შექსპირი იაპონელებმა ამ პიესით გაიცნეს. ინსცენირების დროს მთარგმნელებმა მიიღეს გადაწყვეტილება, რომ პიესის სათაური შეეცვალათ, ვინაიდან ის იაპონელებს არაფერს ეუბნებოდა, ამიტომაც მას შედეგად “„თავისუფლებისათვის მებრძოლი ხმლის უკანასკნელი დარტყმა” უწოდეს. ყურადღება შეკითხვა: რა ეწოდება შექსპირის ამ პიესას?

6. კოპენჰაგენის უნივერსიტეტის სამართლის პროფესორის, ფლემინგ ბოლვიგის თანახმად, დანიის ყოველი მერვე მოქალაქე არის იქსი, რაც, მისი აზრით, განპირობებულია მცირე ჯარიმით. ამასთანავე, იქსებს არ აწუხებთ დანაშაულის გრძნობა და თავს კლიტეების არარსებობით იმართლებენ. 1948 წელს გადაღებულმა კინოსურათმა სახელწოდებით “იქსები” კი მის შემქმნელს სახელი და დიდება მოუტანეს. ყურადღება შეკითხვა: რომელი ორი სიტყვაა შეცვლილი შეკითხვაში “იქსებით”, ანუ რა ჰქვია ამ ფილმს?

7. 1501 წლის 16 აგვისტოს მრავალი ძლიერი მოწინააღმდეგით გარშემორტყმული პატარა რესპუბლიკის უხუცესებმა ერთ ახალგაზრდა ხელოვანს კონტრაქტი გაუფორმეს და იგი ერთი კონკრეტულ სამუშაოს შესრულებაზე დაითანხმეს. ყურადღება შეკითხვა: რა შეიქმნა სამუშაოს დასრულების შედეგად?

8. ამ სკულპტურული კომპოზიციის ნახვა ქალაქ ბელფასტშია შესაძლებელი. ყურადღება შეკითხვა: დაასახელეთ სახელი და გვარი ადამიანისა, ვისაც ეძღვნება ეს კომპოზიცია?

lewis

9. აპოლონიუს როდოსელის „არგონავტიკაში“ რთული ამოცანის წინაშე მყოფი იასონი მედეას დახმარებას  სთხოვს. რათა დაარწმუნოს მედეა, რომ დაეხმაროს მას, მახვილგონიერი იასონი მიმართავს ანალოგიას და უყვება ერთი ქალ–ვაჟის ისტორიას, სადაც ქალი ეხმარება ვაჟს რთული ამოცანის შესრულებაში. ყურადღება შეკითხვა: დაასახელეთ ქალ–ვაჟის სახელები.

10. ერთი ვერსიის თანახმად, ეს სიტყვა იაპონურ სლენგზე მისალმებას ნიშნავს. 1995 წელს ორმა ბიზნესმენმა ამ სახელწოდების ბრენდი ვერ დაარეგისტრირეს, ვინაიდან ასეთი სავაჭრო ნიშანი უკვე არსებობდა. ამიტომ მათ ამ სიტყვას ბოლოში ერთი სიმბოლო დაუმატეს. ყურადღება შეკითხვა: რომელი ბრენდი დაარეგისტრირეს მათ საბოლოოდ? (ბოლოში დამატებული სიმბოლო არ დაგავიწყდეთ!)

11. ქალაქ კახამარკაში განლაგებულია ტურისტული ობიექტი: ვულკანური ქვისაგან აგებული პრიმიტიული ნაგებობა, რომელიც მხოლოდ ერთი ოთახისგან შედგება. დაასახელეთ მონარქი, რომელმაც ამ ნაგებობაში თავის სიცოცხლის ბოლო დღეები გაატარა.

atahualpa

12. 1968 წელს ესპანელმა არქიტექტორმა რიკარდო ბოფილმა დაასრულა  ქალაქ ალიკანტეში მდებარე სასტუმროს პროექტი. სასტუმროს ერთობ ორიგინალური სახელწოდება აქვს: “იქსის იგრეკი”. საინტერესოა ისიც, რომ 1922 წელს დაწყებული იქსის იგრეკი ვერაფრით ვერ იქნა დასრულებული და ბოლოს ის თომას მანმა დაასრულა. ყურადღება შეკითხვა: რა არის შეცვლილი შეკითხვაში სიტყვებით “იქსის იგრეკი”

kafka

13. ანატოლ აბრაჰამის აზრით ჩინეთი ყველაზე ცივილიზებული ქვეყანაა დედამიწაზე სამი მიზეზის გამო: 1) მათ გამოიგონეს დენთი და არ გამოუგონიათ ცეცხლსასროლი იარაღი. 2) მათ გამოიგონეს ბეჭდვა და არ გამოუგონიათ გაზეთი. 3) მათ გამოიგონეს კომპასი და… ყურადღება შეკითხვა: დაასრულეთ ანატოლ აბრაჰამის აზრი სამი სიტყვით.

14. გერმანელი ფილოლოგი ვიქტორ კლემპერერი ადამიანების გარკვეულ კატეგორიას ორ ჯგუფად, ინტროვერტებად და ექსტრავერტებად, ჰყოფს. მისი განმარტებით ინტროვერტი დამოკიდებულია იმ შთაბეჭდილებაზე, რომელსაც მასზე საგნები ახდენენ. ექსტრავერტი კი უარყოფს ნივთების ბატონობას და მისი ამოცანა ნივთების მეშვეობით საკუთარი თავის გამოხატვაა. ყურადღება შეკითხვა: რომელი ორი სიტყვაა შეცვლილი შეკითხვაში სიტყვებით – ინტროვერტი და ექსტრავერტი?

15. ჰყვებიან ასეთ ამბავს, რომ დევონშირის ჰერცოგინიას, ჯორჯიანას ოჯახში არსებობდა ერთგვარი თამაში. ოჯახის წევრები გართობის მიზნით ლაპარაკობდნენ უცნაურ ჟარგონზე, ისინი ყველა ინგლისურ სიტყვას წინ ასო S-ს უმატებდნენ და ამგვარად საუბრობდნენ. ერთი ვერსიის თანახმად სწორად ასე დაიბადა ეს ინგლისური სიტყვა. ყურადღება შეკითხვა: დაწერეთ ეს სიტყვა თქვენს ფურცლებზე.

წყაროს (ა)ეხლა არ დავწერ თორე შეხვალთ და ნახავთ

მსგავსი ამბები

Back to top button