არქივი

ასტეროიდ „აპოფისის“ დედამიწაზე დაჯახების ალბათობა შემცირდა

851e98b6d3b7

მერიკელმა სწავლულებმა გადახედეს თავიანთ პროგნოზებს, რომლის თანახმადაც ასტეროიდი „აპოფისი“ 2036 წელს დედამიწას უნდა დასჯახებოდა. როგორც კალიფორნიის შტატის ქალაქ პასადინის რეაქტიული მოძრაობის ლაბორატორიის ასტრონომმა სტივ ჩესლიმ განაცხადა, იმის შანსი, რომ ძველი ეგვიპტური ბნელეთის ღმერთის აპოფისის სახელობის ასტეროიდი დედამიწას შეეჯახება, 250 000-დან მხოლოდ ერთია. ადრე მიაჩნდათ, რომ ეს შეფარდება 45 000/1-ზე იყო, ახალი გამოთვლებით კი შეჯახების ალბათობა კიდევ უფრო შემცირდა.
ზემოთ აღნიშნული ლაბორატორიის თანამშრომლებმა ეს კოსმოსური სხეული 2004 წელს აღმოაჩნიეს და თავიანთი აპოკალიპსური წინასწარმეტყველებით დედამიწის მოსახლეობა ძალზე შეაშფოთეს. თავდაპირველად გამოთვალეს, რომ ასტეროიდი, რომლის სიგანე დაახლოებით 300 მეტრია, დედამიწას ძალზე ახლოს ჩაუვლის 2029 წლის აპრილში და, შესაძლოა, დაეჯახოს კიდეც მას. მოგვიანებით დააზუსტეს: „აპოფისი“ დედამიწას 39,3 ათას კილომეტრ მანძილზე ჩაუქროლებს, მაგრამ ამან, შესაძლებელია, დედამიწის გრავიტაციული ველი შეცვალოს, შემდგომი წრის შესრულებისას, ესე იგი 2036 წელს, კიდევ უფრო მიუახლოვდება დედამიწას და ამჯერად, შეიძლება, ნამდვილად დაეჯახოსო.

სწავლულთა გათვლებით, თუკი „აპოფისი“ დედამიწას შეეჯახება, გამოიყოფა 1,6 ათასი მეგატონის ტოლი ენერგია – ათჯერ უფრო მეტი, ვიდრე წყალბადის ბომბის აფეთქებისას.

მსგავსი ამბები

Back to top button