James Bond Girls
ჯეიმს ბონდს მუდამ თან ახლავს ულამაზესი ქალბატონები, ვნახოთ ისინი პირველი ფილმიდან დღემდე.
1. ურსულა ანდრესი – ჰანი რაიდერის როლში
მშვენიერი შვეიცარიელი ურსულა ანდრესი პირველი ქალია ჯეიმს ბონდების ფილმების სერიაში. მან დაატყვევა მაყურებელი თეთრი ბიკინითა და დანით, რომელმაც კინოისტორიაში ნამდვილად დატოვა კვალი. იგი მიჩნეულია ყველაზე პოპულარულ ბონდის გოგონად.
2. დანიელა ბიანკი – ტატიანა რომანოვას როლში
იტალიელი, მშვენიერი დანიელა რუსი აგენტის, ტატიანა რომანოვას როლში, ცდილობს მოხიბლოს ბრიტანელი აგენტი ჯეიმს ბონდი. იგი ეხმარება ბონდს მიზნის მიღწევაში, რადგანაც თავად მოტყუებულია ხელმძღვანელობისაგან.
3. ონორ ბლექმენი – ფუსი გალორის როლში
ონორ ბლექმენი ინგლისელი ლამაზმანია, რომელიც ფილმში გოლდფინგერის პირადი პილოტია და საკუთარი მფრინავთა ცირკი აქვს. თუმცა ჯეიმს ბონდით მოხიბლული მის მხარეზე გადადის და საბოლოოდ მის მკლავებშიც მოექცევა.
4. კლაუდინ აუგერი – დომინო დერვალის როლში
ფრანგი კლაუდინი ბონდის ერთ-ერთი მტრის საყვარლის როლს თამაშობს. ბონდი გებულობს, რომ დომინოს ძმა მისმა საყვარელმა მოკლა, იყენებს ამ ინფორმაციას და დომინოს საშუალებით ამარცხებს მტერს.
5. აკიკო ვაკაბაიაში – აკის როლში
იაპონელი აკიკო ფილმში თამაშობს ჯეიმს ბონდის დამხმარე აკის როლს. იგი ბევრ სიტუაციაში ეხმარება ბონდს, მაგრამ სამწუხაროდ ჯეიმსი ვერ ახერხებს მის შველას და აკის მის ლოგინშივე კლავენ.
6.დაიანა რიგი – ტერეზა დი ვინჩენცო
ინგლისელი დაიანა თამაშობს იმ ერთადერთი ქალის როლს, რომელზეც ჯეიმსი დაქორწინა. იგი გრაფინია ტერეზა (ტრეისი) დი ვინჩენცოა, რომელსაც ჯეიმსი თავდაპირველას სუიციდის მცდელობისას გადაარჩენს, მაგრამ მისი მტრები ტერეზას ქორწილის დღეს კლავეენ.
7. ჯილ ჯონი – ტიფანი ქეისის როლში
ამერიკელი ჯილი ბრილიანტების გადამტან ტიფანის როლს თამაშობს, რომელსაც მისი ხელმძღვანელები და ჯეიმს ბონდის მტრები მხოლოდ და მხოლოდ გადამტანად იყენებენ და შემდეგ მის მოკვლას ცდილობენ. იგი ჯეიმსის მხარეს იჭერს და ეხმარება მას ჩაშალოს მოწინააღმდეგეების გეგმები.
8. ჯეინ სეიმური – სოლიტარის როლში
ინგლისელი ჯეინ სეიმური განსაკუთრებული ნიჭით დაჯილდოებული სოლიტარია ფილმში. მას კარტებით წინასწარმეტყველება შეუძლია, რასაც ჯეიმსის მოწინააღმდეგეები იყენებენ. თუმცა ჯეიმსის მოხიბული სოლიტარი მას უბიწობას შესწირავს და კარგავს ნიჭს. თუმცა ჯეიმსი ამარცხებს მტრებს და შველის სოლიტარს.
9. ბრიტ ეკლანდი – მერი გუდნაითის როლში
შვედი ბრიტი ჯეიმს ბონდის ყოფილლი მდივანია, იგი გაგზავნეს, რათა დაეხმაროს ჯეიმს დავალების შესრულებაში. იგი შეყვარებულია ჯეიმსზე, როგორც სხვები და ეხმარება მას, თუმცა საბოლოოდ მაინც ჯეიმსს უწევს მისი ხსნა.
10. ბარბარა ბახი – ანია ამასოვას როლში
ამერიკელი ბარბარა ბახი რუსი აგენტის, ანია ამასოვას როლშია. ჯეიმს ბონდი კლავს ანიას საყვარელს, თუმცა მათი საერთო ოპერაციის დასრულეამდე ანიამ არაფერი იცის. იგი ჯეიმსს მოკვლას პირდება, მაგრამ საბოლოოდ ანიას უყვარდება ჯეიმსი.
11. ლუი ჩილე – მერი გუდჰედის როლში
ამერიკელი ლუი, ამერიკის სადაზვერვო სამსახურის აგენტის მერი გუდჰედის როლშია, თუმცა მტრის კომპანიაში პროფესორად მუშაობს. თავდაპირველად იგი წინააღმდეგია ჯეიმსთან ერთად მუშაობის, მაგრამ საბოლოოდ ისინი ერთიანდებიან.
12. კაროლ ბუკე – მელინა ჰაველოკის როლში
ფრანგი კაროლი მელინა ჰაველოკის როლს თამაშობს, რომელსაც მშობლებს თვალწინ უკლავენ და გადაწყვეტს შურისძიებას. ჯეიმს ბონდს კი სხვა მიზნები ამოძრავებს, თუმცა საბოლოოდ მელინას მშობლების მკვლელის კვალს ადგება და ისინი ერთად მოქმედებენ.
13. ანდრეა ანდრესი – ოკტოპუსის როლში
შვედი ანდრეა, მომხიბვლელი ოკტოპუსის როლშია, რომელიც საკუთარ ცირკს ფლობს და კუნძულზე გოგონებთან ერთად ცხოვრობს. მას იყენებენ საიუველირო კონტრაბანდის გადასატანად და ჯეიმსი მას ეხმარება, რადგან გაიგებს თუ როგორ იყენებენ ოკტოპუსის.
14. ტანია რობერტსი – სტეისი სუტონის როლში
ჯეიმს ბონდის დამხმარე სტეისი სუტონის როლში ამერიკელი ტაანია რობერტსი გვევლინება. იგი ნაზი, მომხიბვლელი გოგონაა, რომელიც ფლობს ინფორმაციას ჯეიმსის მტრის ზორინის შესახებ და ეხმარება ჯეიმსს დავალების შესრულებაში.
15. მარიამ დაბო – კარა მილოვის როლში
დანიელი მარიამი ჯეიმსის მოწინააღმდეგის საყვარლის როლში გვევლინება, რომელსაც საყვარელი ატყუებს. კარა ვიოლინჩელოზე უკრავს და საბოლოოდ ეხმარება ჯეიმს მისი საყვარლის წინააღმდეგ შეთქმულლების მოწყობაში.
16. კერი ლოუელი – პემ ბუვიეს როლში
პემ ბუვიე ჯეიმსის ყოფილი გოგონაა, რომელსაც ჯეიმსი დავალების შესრულებისას შემთხვევით გადააწყდება. ისინი ერთიანდებიან, რადგანაც ფლობენ ერთმანეთისათვის საჭირო ინფორმაციას. პემის როლს ამერიკელლი კერი ლოუელი ასრულებს.
17. იზაბელა სკორუპო – ნატალია სიმონოვას როლში
პოლონელ-შვედი იზაბელა რუსი პროგრამისტის, ნატალია სიმონოვას როლში გვევლინება. იგი გადამწვარ სადგურში მარტო აღმოჩნდება, მას შემდეგ რაც ჯეიმსის მტრები გადაწვავენ სადგურს. იგი ჯეიმს ეხმარება რუსი გენერლის წინააღმდეგ ოპერაციის განხორციელებაში, რომლის უკანაც ყოფილი ბრიტანელი აგენტი 006 დგას.
18. მიშელ იო – ვეი ლინის როლში
მალაიზიელი მიშელი ჩინელი აგენტის როლს თამაშობს, რომელიც არ უთმობს ჯეიმსს პირველობას და ცდილობს საქმე ჯეიმსამდე დაასრულოს, მაგრამ საბოლოოდ რწმუნდება, რომ აუცილებელია გაერთიანება.
19. დენიზ რიჩარდსი – ქრისმას ჯონსის როლში
ყველასთვის ცნობილი ლამაზმანი, ამერიკელი დენიზ რიჩარდსი პროფესორ ქრისმას ჯონსის როლში გვევლინება, რომელიც უკარებას სახელითაა ცნობილი ლაბორატორიებში. მას შემდეგ რაც ხელმძღვანელობის მიზნების შესახებ იგებს, იგი ეხმარება ჯეიმს და ბრიტანულ დაზვერვას.
20. ჰოლი ბერი – ჯინქსის როლში
არამხოლოდ ჯეიმსი იბრძვის მსოფლიოს გადასარჩენას, ამას აკეთებენ მსოფლიოს სხვადასხვა ქვეყნის აგენტები. ჯეიმსის გზას აქ ამერიკული დაზვერვის აგენტი ჯინქსი კვეთს, რომლის როლსაც ჰოლი ბერი ასრულებს.
21. ევა გრინი – ვესპერ ლინდის როლში
მშვენიერი ფრანგი მსახიობი ევა გრინი იან ფლემინგის ნოველების მიხედვით, ბონდის პირველ გოგონად მიჩნეულ ვესპერ ლინდის როლს ასახიერებს. იგი ორმაგი აგენტია, რომელიც ბონდს სიკვდილისგან იხსნის, მათ ერთმანეთი უყვარდებათ, მაგრამ ყველაფერი ტრაგიკულად სრულდედბა.
22. ოლგა კურილენკო – კამილა მონტესის როლში
ფრანგი ოლგა კურილენკო , ბოლივიელი აგენტის, კამილა მონტესის როლშია წარმოდგენილი. მას მშობლები მოუკლეს და იგი შურისძიებას ისახავს მიზნად, მაგრამ იგი თითქმის თავად გახდება მსხვერპლი, ამიტომ იგი შეურთდებაა ჯეიმსს და ერთობლივი ძალებით იბრძვიან.
23. ბერენის მარლო – სევერინის როლში
სევერინი ბონდის მოწინააღმდეგის საყვარელია. სევერინი და ჯეიმსი ერთმანეთს კაზინოში ხვდებიან, სადაც ჯეიმსი მას არწმუნებს, რომ მოკლან სილვა და გაათავისუფლოს ამით სევერინი. გოგონა მას ემორჩილება, მაგრამ საბოლოოდ კვდება სილვას ნასროლი ტყვიით.
ჯეიმს ბონდის სხვა გოგონები: