თევზი ყველაზე ლამაზი და მშვიდი არსებაა მათ შორის, რაც ოჯახში შეგვიძლია ვიყოლიოთ. ამასთან გაცილებით ნაკლებ ადგილს იკავებს ვიდრე ძაღლი ან კატა. თუმცა მათი აკვარიუმის გასუფთავება დიდ სირთულეს წარმოადგენს.
ახალგაზრდა ბრიტანელმა დიზაინერმა, აღნიშნული პრობლემა გადაჭრა და შექმნა AVO, პირველი აკვარიუმი, რომელიც არ საჭიროებს გასუფთავებას, წყლის შეცვლას ან ახალ ფილტრს.
Suzy Shelley-მ შექმნა ინოვაციური პროდუქტი, რაც საშუალებას აძლევს თევზს, მცენარეებსა და ბაქტერიებს ერთად შექმნან დაბალანსებული მიკრო-ეკოსისტემა. მავნე ამიაკი და ნიტრატები ამოღებულია წყლის შემადგენლობიდან, რაც იმას ნიშნავს, რომ წყლის შეცვლა სავალდებულო აღარ არის. ერთადერთი, რისი გაკეთებაც მოგიწევთ, ესაა თევზის გამოკვება და ავზში წყლის ჩამატება.
AVO-ს ასევე გააჩნია LED განათება.
