არქივი

ზღვის ლოლუა

8cc6a7b3b668

ხანდახან ზღვების ცივ სიღრმეებში ყინულის სტალაქტიტები პირდაპირ ფსკერამდე ყალიბდებიან.

ზღვის სიღრმეებში მრავალი უჩვეული მოვლენა ხდება, ერთ-ერთი მათგანია — ყინულის სტალაქტიტის ან „ბრინიკლის“ წარმოქმნა. პირველად იგი 1971 წელს აღწერეს ოკეანოგრაფებმა პოლ დეიტონმა და სილი მარტინიმ. თუმცა ყინულის სტალაქტიტის ფორმირების ვიდეოზე აღბეჭდვა მხოლოდ 2011 წელს მოხერხდა.

ea6b69e3e300

მეცნიერების აზრით, ბრინიკლები პოლარული ზამთრის დროს წარმოიქმნებიან, როდესაც ჰაერის ტემპერატურა -18°C-ზე ქვემოთ ეცემა, ხოლო წყლის ტემპერატურა შედარებით ჯერ ისევ მაღალი -2°C-მდე რჩება. ამასთან, სწორედ ტემპერატურათა ცვალებადობით ხდება შესაძლებელი ყინულის სტალაქტიტების ფორმირება.

c2fbc94cfd41

ზღვის თბილი წყალი ზემოთ, გაყინული ზედაპირისკენ მიემართება. როდესაც ეს წყალი ცივდება, მას არ შეუძლია ზღვის ყინულის ნაწილი გახდეს, რადგან ძალიან მჭიდრო და მარილიანია (ყინულის მასის მარილიანობა დაახლოებით 4-ჯერ ნაკლებია იმ წყლის მარილიანობაზე, რომლისგანაც ის შეიქმნა). ამიტომ გაცივებული წყლის ნაკადი ისევ ქვემოთ მიემართება და გზადაგზა მის გარშემო მყოფ უფრო თბილ წყალს ყინავს.

0ccc07238995

ამ გზით ჩამოყალიბებული ყინულის სტალაქტიტი, მარილიანი წყლით შიგნით, საათში დაახლოებით 30 სმ სისწრაფით იზრდება და ხელსაყრელ პირობებში ასეთი ზრდის ფსკერამდე გაგრძელება შეუძლია. არც ისე იშვიათად ზღვის ფსკერის სხვადასხვა მცხოვრებები ბრინიკლში ხვდებიან ხოლმე და შესაბამისად შემდეგ იყინებიან.

ვიდეოზე შეგიძლიათ იხილოთ, თუ როგორ ყალიბდებიან ყინულის სტალაქტიტები:

მსგავსი ამბები

Back to top button