გასართობისურათებიუცნაური

გასაოცარი ოპტიკური ილუზიები

ოპტიკური ილუზიის მიზეზებს იკვლევენ იმისთვის, რომ გაიგონ მხედველობითი აღქმის ფსიქოლოგია და ფიზიოლოგია. გთავაზობთ გასაოცარი ილუზიების სიას:

1. ბლივეტი

ბლივეტი – ამ ფიგურის შექმნა შეუძლებელია, ანუ მხოლოდ და მხოლოდ ოპტიკური ილუზიაა და ეს ობიექტი რეალობაში არ არსებობს.

2. ბეზოლდის ეფექტი

ამ ოპტიკურ ილუზიას სახელი ეწოდა გერმანელი მეტეოროლოგიის პროფესორის, ვილჰელმ ფონ ბეზოლდის, საპატივცემულოდ, რომელმაც აღმოაჩინა, რომ ერთი და იგივე ფერი შეიძლება განსხვავებულად გვეჩვენებოდეს სხვადასხვა ფერების გვერდით. წითელი ზოლები თეთრ ფონზე უფრო ბაცი ჩანს, ვიდრე შავ ფონზე.

3. კაფე-ბარის კედლის ილუზია

ეს ოპტიკური ილუზია პირველად აღწერა ექიმმა რიჩარდ გრეგორიმ. მან ეს საინტერესო ეფექტი აღმოაჩინა ბრისტოლში, ერთ-ერთი კაფე-ბარის კედელზე. სურათზე გვეჩვენება, რომ პარალელური ხაზები არ არის პარალელური. ეფექტის მისაღებად შავი და თეთრი კვადრატები არ უნდა იყოს ზუსტად ერთმანეთის ქვეშ განთავსებული, გარდა ამისა, ყოველ კვადრატს უნდა ევლებოდეს ნაცრისფერი არშია.

4. ჩაბას ილუზია

ეს ოპტიკური ილუზია გვიჩვენებს, რომ მოცემული ობიექტი უფრო მკვეთრად ჩანს ერთგვაროვან ფონზე.

5. ებინჰაუზის ილუზია

ეს ილუზია შექმნილია ზომების შედარების აღქმისთვის. ყველაზე პოპულარულ ვერსიაში, ორი იდენტური ზომის მქონე წრე განთავსებულია გვერდიგვერდ, ერთი მათგანს გარს აკრავს დიდი ზომის წრეები, მეორეს – პატარები, სწორედ ამიტომ პირველი უფრო პატარა ზომის გვეჩვენება მეორესთან შედარებით.

6. ფრაზერის სპირალური ილუზია

ამ ილუზიას მეორენაირად სიცრუის ილუზიასაც უუწოდებენ. სურათზე ვხედავთ სპირალს, სინამდვილეში კი მხოლოდ წრეებია გამოსახული.

7. გერმანის ილუზია

ეს ოპტიკური ილუზია აღმოაჩინა ლუდმარ გერმანმა 1870 წელს. სურათზე, თეთრი ხაზების გადაკვეთის წერტილებზე ვხედავთ მისტიკურ შავ ლაქებს. ხოლო თუ უშუალოდ გადაკვეთის წერტილს შევხედავთ, ეს ლაქა ქრება.

8. ჰერინგის ილუზია

ეს ოპტიკური ილუზია აღმოაჩინა გერმანელმა ფიზიოლოგმა ე. ჰარინგმა 1861 წელს. სურათზე გამოსახულია ორი ვერტიკალური ხაზი – ერთმანეთის პარალელურად, თუმცა ჩვენ ვხედავთ გამოქნექილ ხაზებს. ამის მიზეზია ფონი, რომელიც სიღრმის ეფექტს გვიქმნის.

9. არარსებული კუბის ილუზია

ამ არარსებულ კუბს უწოდებენ ნეკერის კუბსაც. ადამიანი ამ ორგანზომილებიან ობიექტს აღიქვამს სამგანზომილებიანად.

ქვემოთ იხილეთ ვიდეო:

თეგები

n25t

ცნობისმოყვარე უსაქმური

მსგავსი ამბები

Close
Close