მსოფლიოში არაერთი ტურნირი ტარდება, სადაც ადამიანები ერთმანეთს ჭამაში ეჯიბრებიან. ეს შეჯიბრები ზოგჯერ საკმაოდ საშიშიც არის ადამიანის ჯანმრთელობისათვის. პოსტში წარმოგიდგენთ რამდენიმე მათგანს.
შეჯიბრი წიწაკის ჭამაში
ეს ერთ-ერთი ყველაზე ცნობილი და ფართოდ გავრცელებული ტურნირია, რომელიც ყოველწლიურად ბევრ ქვეყანაში ტარდება. მონაწილეები სულმოუთქმელად მიირთმევენ ცხარე წიწაკას მანამ სანამ წყალს არ მოითხოვენ. ასეთი ტურნირები განსაკუთრებით პოპულარულია რესტორნებში, ვინაიდან დამსწრეებისათვის შესანიშნავი სანახაობაა, რასაც თვითონ მონაწილეებზე ვერ ვიტყვით. ის ვინც ყველაზე ბოლოს მოითხოვს წყალს ტურნირის გამარჯვებული ხდება და რესტორანში უფასო ვახშმით საჩუქრდება.
შეჯიბრი ჰამბურგერების ჭამაში
შეერთებული შტატების არაერთ რესტორანს აქვს მენიუში საფირმო ბურგერი. ერთ-ერთის წონა კი 6 ფუნტს უდრის. თუ არც ისე ,,მშიერი” ხართ მენიუში 3 ფუნტიანი ბურგერებიც აქვთ. წელიწადში ერთხელ ტარდება ტურნირი რომლის პრიზი 500 $. თუმცა ეს 500$ ნამდვილად არ იქნება საკმარისი საავადმყოფოში მკურნალობის ხარჯების დასაფარად :))
შეჯიბრი ნიორის ჭამაში
მართალია ბავშვებს დიდად არ სიამოვნებთ ნიორის მირთმევა, თუმცა ზოგიერთი ადამიანმა ეს სპორტად აქცია. ნიორის სპორტული ჭამის ტურნირში გამარჯვებული როგორც წესი მთელ საპრიზო თანხას, პირიდან სუნის გაქრობაზე ხარჯავს, რათა კვლავ შეძლოს ხალხმა მასთან მიახლოება.
. შეჯიბრი დარიჩინის ჭამაში
ტურნირის მონაწილეებს ევალებათ ბოლომდე შეჭამონ ერთი დიდი სუფრის კოვზი დარიჩინი, წყლის გარეშე. ერთი შეხედვით მარტივად ჟღერს, თუმცა რეალობა სულ სხვაა. დარიჩინი იმდენად მშრალია, რომ საერთოდ აქრობს სისველეს პირში და მისი გადაყლაპვა პრაქტიკულად შეუძლებელი ხდება. ამ ტურნირის საკმაოდ ბევრმა მონაწილემ მიიღო ფილტვების და სასუნთქი გზების სერიოუზული დაზიანება.
ბანანი და სპრაიტი
ეს ტურნირი ალბათ სხვებთან შედარებით ყველაზე მარტივად ჟღერს. მონაწილეს ევალება 2 ბანანის შეჭმა და 1 ლიტრი სპრაიტის დალევა რაც შეიძლება სწრაფად. თუმცა უმეტეს შემთხვევებში ამ ყველაფრის სწრაფად გაკეთება გულის რევას იწვევს. ალბათ არც თუ სასიამოვნო იქნება ამ ტურნირზე დასწრება და მითუმეტეს მონაწილეობის მიღება.
