26 წლის ბრიტანელმა ქალბატონმა ახლახანს იმშობიარა და დედამიწას 3 კილოიანი ანგელოზი მოუვლინა. თუმცა ყველასდა გასაკვირად ქალმა თავის ქალიშვილს მკერდით კვებაზე უარი უთხრა. ამგვარი ცუდი საქციელის მიზეზი კი ის გახდა, რომ პატარა, უცოდველ არსებას მუცელშივე განვითარებული ჰქონდა კბილები.
როცა ვიკი გრიფითი სამშობიაროდან თავის პალატაში გადაიყვანეს, მან დუშის მიღება გადაწყვიტა, ხოლო ქალიშვილი, ბედნიერებისგან მთლად მეცხრე ცაზე მყოფ მამას დაუტოვა. როცა სტივენი და მისი პირმშო მარტონი დარჩნენ, მამაკაცს უეცრად ცრემლები წასკდა, გულის აჩუყების მიზეზი კი, რა თქმა უნდა, პატარას კბილები იყო.
„როცა დავბრუნდი ჩემს პალატაში, ჩემმა ქმარმა მიამბო ნანახის თაობაზე, შეიძლება ყველას გაუკვირდეს და ამ საქციელის გამო დამადანაშაულონ, თუმცა მე არ შემიძლია ძუძუთი ვაკვებო“ – თავი იმართლა ბრიტანელმა ქალმა.
ეს ამბავი, მთელს საავადმყოფოს მოედო, ატყდა ერთი ამბავი, ბავშვის ნაადრევ განვითარებაზე. ექიმებმა გასინჯეს პატარა გოგონა და ბევრი სჯა-ბაასის შედეგად დაასკვნეს, რომ ჯობია ახალშობილი პედიატრებმა გასინჯონ.
„რა თქმა უნდა, მეორე დღესვე, საუკეთესო პედიატრთან წავიყვანე შვილი, ექიმებმა დაკვირვების შედეგად მითხრეს, რომ ამგვარი ნაადრევი კბილები არავითარ საშიშროებას არ წარმოადგენსო – ამბობს ლამისპანიკაში ჩავარდნლი მამა.
კბილების ნაადრევი ამოსვლა, ბავშვისთვის არ გამოსულა რაიმე უკმაყოფილების საგნად, პრობლემა გამოდგა მისივე დედა, რომელმაც უცოდველ, ლამაზ და უსაყვარლეს შვილს, აუცილებელი რამ – რძე არ მისცა.
დიახ, ასეც ხდება, ესაა ჩვენი ნანატრი და საოცნებო ევროპული, პრაგმატული სიყვარული.
ნახეთ ვიდეო:
