მფრინავი თეფშები სამეცნიერო ფანტასტიკების ერთ-ერთი ცნობილი ელემენტია. ალბათ ვერავინ წარმოიდგენს, რომ ასეთი საფრენი აპარატები რეალობაში იარსებებენ, თუმცა მეცნიერები დიდი ხანია მსგავს პროექტებზე მუშაობენ.
დელფტის ტექნოლოგიური უნივერსიტეტის პროფესორები მუშაობენ ახალი ტიპის, ინოვაციური საფრენი აპარატის პროექტზე , რომელიც გაცილებით უფრო ეკოლოგიურად სუფთა და გარემოსთვის უვნებელი იქნება. ეს საფრენი აპარატი, ჩვეულებრივ თვითმფრინავებთან შედარებით, 50%-ით ნაკლებ ნახშირბადს გამოყოფს.
კონსტრუქტორებმა მართლაც რომ ინოვაციური და ფუტურისტული დიზაინი შეიმუშავეს. ეს საფრენი აპარატი , ჯერჯერობით მხოლოდ ნახაზებშია წარმოდგენილი, თუმცა მასზე მომუშავე ადამიანები ირწმუნებიან, რომ 2 წელიწადში Green-Airways-ი მზად იქნება.
