მცურავი სკოლები ნიგერიაში
ნიგერიის ქალაქ ლაგოსის მაკოკოს საზოგადოებისათვის წყალდიდობები ყოველდღიურობის შემადგენელი ნაწილია. წელიწადში წვიმიანი დღეები უფრო მეტია ვიდრე მზიანი, სწორედ ამიტომ ადამიანები ცდილობენ მოერგონ არსებულ გარემოპირობებს.
ისინი სახლებს ოჩოფეხებზე აშენებენ და კანოეებით გადაადგილდებიან. ნიგერიაში დაბადებული არქიტექტორი კუდლე ადეიამი კარგად იცნობს ლაგოსის ყოველდღიურობას, სწორედ ამიტომ დაებადა იდეა დაეპროექტებინა სკოლა, სადაც მოსწავლები წყალდიდობების პერიოდშიც შეძლებენ სიარულს. როცა არქიტექტორი მაკოკოს დასახლებას ეწვია, აღმოაჩინა, რომ 250 000 -იან მოსახლეობას მხოლოდ ერთი სკოლა ემსახურება.
ადეიამის დაპროექტებული მცურავი სკოლა სამი სართულისგან შედგება. ეს სკოლები ბევრად უფრო ფუნქციონალური იქნება ვიდრე სხვები , აქ მოწესრიგებული იქნება სასმელი წყლის მიწოდება და სანიტარული კვანძი. ერთი სკოლა 100 მოსწავლეზეა გათვლილი. სკოლის კარკასი ადგილობრივი ხისგან დამზადდება, ხოლო ძირი პლასტმასის პანელებისაგან გაკეთდება, რაც სკოლას წყალზე ტივტივის საშუალებას მისცემს.
სკოლის სახურავზე მზის ბატარეები დამონტაჟდება, რაც სკოლას ელექტროენერგიით მოამარაგებს. პროექტის მთლიანი ღირებულება 6250$ -ია, რაც საკმაოდ იაფია. ნიგერიის გარდა წყალდიდობები აფრიკის ბევრი სხვა ქვეყნის პრობლემა, მსგავსი პროექტები კი ამ ქვეყნების განვითარებას შეუწყობს ხელს.