საკითხავისასარგებლოუცნაური

ნაპოვნი სამოთხე და უცნაური ფრინველები

bb4295e996d2

ცხრა წლის წინ ორმა კაცმა ძალიან უჩვეულო კვლევა წამოიწყო:მიზნად დაისახეს მოეძიათ და ფირზე აღებეჭდათ ლეგენდარული სამოთხის ფრინველების არსებული 39-ვე სახეობა. ვერც ედვინ სქოულსი (ორნითოლოგი) და ვერც ტიმ ლეიმანი (ბიოლოგი და ფოტოგრაფი) წარმოიდგენდა, როგორი ემოციებით აღსავსე თავგადასავლები ელოდათ ახალ გვინეაში – სამოთხის ფრინველთა სამშობლოში.

46389c8b750d

დაუსრულებელი მგზავრობა ვერტმფრენით და გრძელი ლაშქრობები დატბორილ ბილიკებზე; ორჯერ ნავს ძრავა გაუფუჭდა და ზღვის დინების ანაბარაც კი დარჩნენ. მაგრამ მათ არნახული სამყარო იხილეს.

ცივილიზაციის მიერ მივიწყებულ ახალ გვინეაში კუდძაფა სამოთხის ფრინველი ჭაობში გალობს, შავყელა ასტრაპია თავდაყირა არშიყობს, და ასე განსაჯეთ, ჩვეულებრივ ყვავებსა და ჩხიკვებს სამოთხის ფრინველებად მოაქვთ თავი. ამ სახეობის მრავალფეროვნებასთან ცისარტყელაც უფერული მოგეჩვენებათ.

15f7aa4201bb

b779ee5c5625

ლეგენდარულ ფრინველთა 39 სახეობის ფირზე აღბეჭდვას 18 ექსპედიცია და 39 000 ფოტოს გადაღება დასჭირდა.მაგრამ ახალი გვინეის არც ერთ საოცრებას ისე არ მოუხიბლავს მეცნიერები, როგორც  სამოთხის ფრინველებს. ახალი გვინეა, საკვების სიუხვისა და მტაცებელთა სიმცირის გამო, მათთვის ნამდვილ სამოთხედ ქცეულა. აქ მათი გამორჩეულად მიმზიდველი ნიშან-თვისებები ისეთი სიჭარბით და იმ ხარისხით ვლინდება, რომ ყველაზე სწორხაზოვნად მოაზროვნე მეცნიერებიც კი აბსურდულად მიიჩნევენ, რადგან ამის ვერავითარ ევოლუციურ საჭიროებას ვერ ხედავენ.

97e5e97b428b

53748a9dc10e

თეგები
Back to top button
Close
Close