თანამედროვე ეკო-კომპლექსი სამხრეთ კორეაში
სამხრეთ კორეის ეკოლოგიურმა ინსტიტუტმა გამოაქვეყნა დიდი ზომის ეკო-კომპლექსის გეგმა, რომელიც მოიცავს ულამაზესი არქიტექტურის მქონე მინის ნაგებობებსა და შემეცნებით ცენტრებს.
პროექტის დიზაინი კომპანია SAMOO-ს ეკუთვნის. ეს პროექტი ინოვაციაურია მსოფლიოში, რადგან მოიცავს ათასობით აკრ ღია სივრცეს, ასევე სპეციალურად მოჭყობილ სათბურებს იშვითი მცენარეებისათვის და ვიზიტორთა ცენტრებს. დიდ ბრიტანეთში არსებული Eden Project-ის მსგავსად ამ კომპლექსის დანიშნულება ადამიანებში გარემოს დაცვაზე უფრო მეტი ინფორმაციის მიწოდება იქნება. ვიზიტორებს საშუალება ექნებათ გაეცნონ სხვადასხვა ქვეყნების ეკო-სისტემებს ერთ კომპლექსში.
SAMOO-ს დიზაინით შექმნილი პროექტი მოიცავს 33000 კვადრატულ მეტრ ტერიტორიას, სადაც ხელოვნური ნაკრძალები და ასევე ჭაობისთვის დამახასიათებელი მცენარეებიც იქნება თავმოყრილი. კომპლექსის ცენტრალურ ნაწილში აშენდება სპეციალური სათბურები, სადაც იქ თავმოყრილი მცენარეებისათვის საჭირო კლიმატი შეიქმნება. სათბურების დიზაინი ულტრათანამედროვეა, ის შექმნილია რკინის პანელებისა და მინისაგან.
სამხრეთ კორეის ნაციონალური ინსტიტუტის მიზანი, ადამიანებისათვის ეკოლოგიური ცნობიერების ამაღლებაა. როგორც ინსტიტუტის წარმომადგენელი ამბობს, ამ პროექტში მოსახლეობის რაც შეიძლება დიდი ნაწილი იქნება ჩართული.