დედამიწის განაპირას
ახალი ზელანდია ორი კუნძულისგან შედგება – ჩრდილოეთისა და სამხრეთის.
იგი ბუნებამ გასაოცარი სილამაზით დააჯილდოვა. განსაკუთრებით ლამაზია სამხრეთი კუნძული. აქ, აღმოსავლეთ ვაკეზე თვალწინ გადაგეშლებათ დიდებული სანახაობა: მუდმივი თოვლით დაფარული მთა კუკი, რომელიც ახალი ზელანდიის ალპების ცენტრში მდებარეობს. სამხრეთით პეიზაჟი თანდათან მკაცრი ხდება. მიხვეულ-მოხვეული გზებით ადიხართ ზევით, მაღალი მთის ტბებამდე. გზის ორივე მხარეზე კი ღრმა ხეობებია ციცაბო კალთებითა და ღია-ყვითელი კლდეებით. შემდეგ თვალწინ გეშლებათ მრავალრიცხოვანი ფიორდები, ისინი სამხრეთ-დასავლეთ ნორვეგიის ფიორდებს ჰგავს. ხმელეთიდან ფიორდებს ვერ მიუახლოვდებით. იქ მხოლოდ ზღვიდან შეიძლება მისვლა. ალბათ, კუკის შემდეგ არც ერთი გემი აღარ მისულა ამ მკაცრ და ულამაზეს სანაპიროსთან.
ახალზელანდიელები ამაყობენ თავიანთი ქვეყნის სილამაზით და უფრთხილდებიან კიდეც მას.
„ქვეყნის დასასრულს“ განლაგებული კუნძულების ბუნების სილამაზეს ემატება სამხრეთ კუნძულის მყინვარები და ჩ რდილოეთი კუნძულის ვულკანები და გეიზერები.