ზღაპრული კუნძული სან ჯულიო (San Giulio) მდებარეობს იტალიის „ორტა“ ტბის შუაგულში Piedmont-ში.
ორტა (d’Orta) — ტბა მდებარობს ჩრდილოეთ იტალიაში, ლაგო-მაჯორეს დასავლეთით და ზუსტად აქ არის კუნძულიც სან ჯულიო.
ამჟამინდელი სახელი ტბას XVI საუკუნიდან ეწოდება, მანამდე კი ლაგო-დი-სან-ჯულიოს (Lago di San Giulio) ეძახდნენ წმინდა იულიუს ორტელის პატივსაცემად, რომელიც რეგიონის მფარველად მიიჩნევა.
ტბის პეიზაჟი ხასიათით იტალიურია, მასში მდებარე სან-ჯიულიოს კუნძულზე განლაგებულია რამდენიმე თვალწარმტაცი ნაგებობა, მისი სახელიც წმინდა იულიუს ორტელს იკავშირდება, რომელიც ამ კუნძულზე IV საუკუნეში ცხოვრობდა.
ტბის გარშემო მდებარეობს პატარა ქალაქი ორტა-სან-ჯულიო, რომელიც გაშენებულია ნახევარკუნძულზე, ტბის აღმოსავლეთ სანაპიროზე. ჩრდილოეთ სანაპიროზე მდებარეობს კომუნა ომენია, აღმოსავლეთით — პეტენასკო, დასავლეთით კი პელა. სავარაუდოდ, ორტის ტბა წყლის უფრო დიდი მასის ნარჩენია, რომლიდანაც მდინარე ტოკე გამოედინებოდა სამხრეთის მიმართულებით. როდესაც მყინვარებმა უკან დაიხია, მათი ადგილი წყალმა დაიკავა.
კუნძული კი მართლაც ხალიან პატარაა, პაწაწინა – სულ რაღაც 275 მეტრი სიგრძის და 140 მეტრი სიგანის. თუმცა, მისი მცირე ზომები ხელს არ უშლიდა, რომ განეთავსებინათ აქ ბევრი საოცარი ეკლესიები, სასტუმროები და ზღაპრულად მდიდარი სახლები…
