არქივი

წიგნების სამყარო

76643821f22c

ყოველი ხელოვნების ნიმუში მშვენიერია. იგი არის სულის აღზრდის და სრულყოფის საშუალება. ხელოვნება სრულჰყოფს ადამიანს. მწერლობაც ხომ ხელოვნებაა… შეაბიჯო წიგნების სამყაროში, ეს დიდი სიამოვნებაა. თითოეულ გმირში, პერსონაჟში ხომ საკუთარ თავს ვხედავთ. 

4c3b9bf51d32

წიგნის სამყაროს ადამიანი თავდაპირველად ზღაპრების, მოთხრობების საშუალებით ეზიარება. პირველი წიგნები, რომლებიც უნდა წაიკითხო “ტომ სოიერის თავგადასავალი” და “ჰეკლბერიფინის თავგადასავალია”. ეს წიგნები პირველი და მნიშვნელოვანი საფეხურია წიგნთა სამყაროში.
4f23ea47b644

თავდაპირველად წიგნების არჩევა გემოვნების მიხედვით უნდა მოხდეს. ეს პატარა მკითხველს უფრო უღვივებს ინტერესს. თანდათან კი უფრო სერიოზული წიგნები უნდა შევუნაცვლოთ.
8b3400c0f92c

“პეპი გრძელი წინდა”,”კარლსონი”,”ხუთოსანთა სახლი”,”ყვითელი კოდალას ორდენი”… ეს მცირე ჩამონათვალია იმისა, რაც ყველას წაკითხული უნდა ჰქონდეს.
1a2dbd213e3d

შემდეგ კი სასურველია ადამიანი სათავგადასავლო ჟანრის წიგნებს გაეცნოს, იკითხოს დეტექტივი. სათავგადასავლო ჟანრის წიგნებიდან გამოირჩევა “საიდუმლო კუნძული”,”80 000 კმ წყალქვეშ”,”კაპიტან გრანტის შვილები”,”80 დღე დედამიწის გარშემო”,”დედამიწიდან მთვარემდე”,

“მთვარის გარშემო”,”15 წლის კაპიტანი” და სხვ. ხოლო დეტექტივებიდან ძალიან საინტერესოა შერლოკ ჰოლმსის შემოქმედება. განსაკუთრებით, “ბასკერვილების ძაღლი”. თუმცა მე უფრო მეტად მომწონს აგატა კრისტის დეტექტივები: “მოციმციმე ციანიდი”,”ენდჰაუზის საიდუმლოება”,”აღმოსავლეთის ექსპრესი” და სხვ.

ნელ-ნელა რომანებსაც უნდა გაეცნოს მკითხველი. “თეთრი თათმანი”,”თეთრი ბელადი” და ა.შ.
1a57fc3bae5c

ამის შემდეგ კი ადამიანმა უნდა წაიკითხოს ისეთი წიგნები, რომლებიც მას ცხოვრებას სხვანაირად დაანახებენ, მიზეზ-შედეგობრიობის პრინციპს ასწავლიან და უდიდეს გამოცდილებას მისცემენ. მე მკითხველს ვურჩევდი, რომ ამისთვის ჯერ “დორიან გრეის პორტრეტი” წაეკითხა. შემდეგ კარგი იქნებოდა წაეკითხა “შაგრენის ტყავი”,”მარტინ იდენი”. არანაკლებ მნიშვნელოვანია ქართული ლიტერატურა: “დათა თუთაშხია”, “დიდოსტატის მარჯვენა”….
9a4153dd14c2

გოდერძი ჩოხელის და ნოდარ დუმბაძის მოთხრობები გამოირჩევა თავისი ინდივიდუალობით და საინტერესოა მკითხველისთვის.

ამის შემდეგ კი როცა წიგნთა სამყაროს სრულიად შეიცნობთ, წაიკითხეთ წიგნები, რაც ადრეც წაგიკითხავთ და თქვენ მათში დაინახავთ იმას, რასაც შეიძლება ადრე ვერ ხედავდით. “გრაფი მონტე-კრისტო”,”დონ კიხოტი”… აუცილებლად წაიკითხეთ ცხოვრებაში ბევრჯერ ანტუან დე სენტ ეგზიუპერის “პატარა უფლისწული”.

და მაშინ, თქვენ წიგნებიდან შეიცნობთ ცხოვრებას, ჩასწვდებით მის მიზანს და დაინახავთ, რომ არაფერი არ სრულყოფს ადამიანს ისე, როგორც ხელოვნება. შეიყვარეთ წიგნები როგორც თქვენი მეგობრები და ისინი არასოდეს გიღალატებენ. წიგნთა სამყარო მშვენიერებაა, სილამაზეა, აქ თითქოს დროებით ვივიწყებთ ჩვენს პრობლემებს და ტკივილს…

მსგავსი ამბები

Back to top button