გართობა

ვანგა არა ის.. : )

44647271 13235 vanga

ვანგას საწინააღმდეგო წინასწარმეტყველება..  =))

2014 წელს დასრულდება მსოფლიო ეკონომიკური კრიზისი და დაიწყება ჩემი წინასწარმეტყველებების ასრულება.

2015 წელს ჩვენ ვიქნებით ერთადერთი ქვეყანა მსოფლიოში, რომელსაც ეკონომიკური კრიზისი არ შეეხო

2016 წელს ოსკარების ცერემონიაზე დააწესებენ ახალ ნომინაციას: “ყველაზე საწყალი ფილმი”

ამიტომ, 2017 წელს ქართული ფილმი პირველად აიღებს “ოსკარს”.

2020 წელს გადაშენდება მწვანე ევგლენას ყველა სახეობა

2021 წელს იაპონელები გამოიგონებენ დაჭყეტილ თვალებს

2022 წელს მოგვცემენ “ნეწგპ”-ს (”ნატოში ერთ წელში გასაწევრიანებელ პროგრამას”)

2023 წელს ზარზეიმით აღინიშნება ვარდების რევოლუციის 20 წლისთავი და სააკაშვილი დაგვპირდება, რომ აუცილებლად დაიბრუნებს აფხაზეთს, ოსეთს, სამეგრელოს, აჭარას, სვანეთს, რაჭა-ლეჩხუმს, გურიას, სამცხე-ჯავახეთს, კახეთს…

2023 წელსვე თბილისი გახდება ნატოს წევრი სახელმწიფო

2024 წელს ვენტვორთ მილერი უარს განაცხადებს “გაქცევის” 20 სეზონში გადაღებაზე

2025 წელს ედუარდ შევარდნაძე თავს შეუძლოდ იგრძნობს

2026 წელს გაჩნდება ახალი ტიპის კაფეები, სადაც ადამიანებს გამოკვებავენ “ბლუთუზით”

2027 წელს ყველას ყელში ამოუვა “ნოკიას” საფირმო მუსიკა

2028 წელს გამოვა ახალი ბესტსელერი “ჰარი პოტერი და მუწუკებიანი სოკოს ნახარში”. ჯოან როულინგი დაგვპირდება, რომ ეს ჰარი პოტერზე შექმნილი ბოლო წიგნია

2029 წელს მარსიდან ჩამოვა ვოკალური ანსამბლი და იმღერებს “ჩაკრულოს”

2030 წელს ბავშვები კომპიუტერებთან ერთად დაიბადებიან

2031 წელს “გაერო” მიხვდება, რომ ტყუილად არსებობს

2032 წელს თავისუფლების ქანდაკებას ხელი დაეღლება და ჩირაღდანს ოკეანეში ჩააგდებს

2033 წელს პიზის კოშკს შეეტაკება 10 ტერორისტული თვითმფრინავი და არაფერი დარჩება მთელი…გარდა პიზის კოშკისა

2034 წელს გაირკვევა, რომ მონა ლიზა ჯოკონდა და ვინჩის საყვარელი იყო და პირველად ქათამი კი არა, კვერცხი გაჩნდა

2035 წელს ქართულ ენაში არც ერთი ქართული სიტყვა აღარ დარჩება

2036 წელს მათემატიკის ამოცანა დაიწყება ასე: დაბალი სიჩქარით მოძრავი მანქანა, რომელიც 30 კმ/წამში სიჩქარით….

2037 წელს ვენერას პლანეტა გაიგებს, რომ საქართველოში ბევრი მოსახელე ჰყავს და გაუხარდება

2038 წელს “კომედი შოუს” კოლექტივი გადაწყვეტს ახალი გადაცემა გააკეთოს

2039 წელს უკანასკნელად დაიწყებენ “სკაიპში” დიალოგს “HI, როგორ ხარ”-ით…

2040 წელს გავხდები ორმოცდაათი წლის

2041 წელს ანჯელინა ჯოლის შვილები და ნაშვილებები შექმნიან საფეხბურთო გუნდს და “ბრედოვიჩ”-ს დაარქმევენ

2042 წელს ოფიციალურად გაიხსნება მტკვრის საქალაქო კანალიზაცია

2044 წელს გამოვუშვებ ჩემი სახელობის წინასწარმეტყველურ გაზეთს, გავაკეთებ რეკლამას ტელევიზიაში და იმას დავწერ, რასაც მთავრობა მთხოვს

2047 წელს მიხეილ სააკაშვილი მორიგ შესწორებას შეიტანს კონსტიტუციაში და კანონის მიხედვით, შესაძლებელი გახდება ერთი და იგივე პრეზიდენტის ზედიზედ მეცხრედ არჩევა

2047 წელსვე “გრეჩიხა” პროტესტის ნიშნად დატოვებს საკანს

2048 წელს ატომური ბომბი იქნება ყველაზე უხიფათო და საყვარელი იარაღი

2049 წელს ბრაზილიაში მოხდება დიდი წყალდიდობა და მთელ ბრაზილიას ჩვენ შევიფარებთ

შესაბამისად, 2051 წელს ჩვენ მოვიგებთ მსოფლიო ჩემპიონატს ფეხბურთში

2054 წელს მთვარეს ტრიალისგან თავბრუ დაეხვევა და დედამიწას გადმოარწყევს

2055 წელს მზე დედამიწისგან სინათლის და სითბოს გადასახადს მოითხოვს და მეტეორის ხელით ქვითარს გამოუგზავნის

2058 წელს დედამიწას დაერქმევა ჩინეთი

2059 წელს თემქა და გლდანი მოითხოვენ ავტონომიას და გამოეყოფიან თბილისს

2060 წელს მთვარიდან ჩამოვა ორკბილა, ოთხნესტოიანი არსება და განაცხადებს, რომ ეძებს მამას, რომლის გვარია არმსტრონგი

2076 წელს გაიხსნება ახალი საიტი однопланетяни.ear (earth-ის დომენი)

2077 წელს რუკაზე გაჩნდება ვენეციის ზღვა

2088 წელს ერთ-ერთი მეცნიერი (სახელს ვერ ვხედავ), დაამტკიცებს, რომ “ისინი ადამიანებისგან წარმოიშვნენ”

2099 წელს ყველა ვიქნებით ჩინელები და ვილაპარაკებთ ინგლისურად

2100 წელს გაჩნდება ახალი დაავადება, “ყანყრატოს ქავილი”

2101 წელს დედამიწისკენ დაიძრება უზარმაზარი მეტეორი და ბრუს ვილისი უკვე მკვდარი იქნება

2102 წელს მთელი კაცობრიობა შეეხიზნება მთვარეს

2103 წელს…არ გკიდიათ რა იქნება?!

წყარო  doin.ge

kvitata

Music.. Dj.. Mix Group..
იხილეთ ასევე
Close
Back to top button