“მზე ისევ ამოვა”
ივანე ჯავახიშვილის თბილისის სახელმწიფო უნივერსიტეტის სტუდენტური თვითმმართველობის კულტურის დეპარტამენტის ორგანიზებით გაიმართა იაპონური კულტურის საღამო: “მზე ისევ ამოვა”.
ღონისძიების მიზანი იყო სოლიდარობის გამოხატვა იაპონიისა და იაპონელი ხალხისადმი მათთან არსებული მძიმე მდგომარეობის გამო. საღამოზე წამყვანებმა და მოწვეულმა სტუმრებმა ისაუბრეს იაპონიის კულტურის შესახებ, დამსწრე საზოგადოებას გააცნეს იაპონური ტრადიციების თავისებურებანი, წაიკითხეს იაპონური ლექსები, აუდიტორიამ იხილა მოკლემეტრაჟიანი იაპონური ფილმი.
საღამოს პატარა მონაწილეები აკეთებდნენ სხვადასხვა ფორმის ორიგამებს და ნებისმიერ მსურველს ჩუქნიდნენ. Mმოწვეული სტუმარი კი აუდიტორიის მიერ მოთხოვნილ ფრაზებს იაპონურად წერდა და საჩუქრად გადასცემდა მათ.საღამო გაახალისეს აიკიდოს ფეერაციის წარმომადგენლებმა მარტივი ილეთების შესრულებით. ღონისძიების დასასრულს სტუდენტებმა კითხვები დაუსვეს ელჩის მოადგილეს ბატონ აზუჩი სანს. საღამოს ორგანიზატორემბა ბატონ აზუჩის თაიგული, მოსწავლეების წერილები და პატარების მიერ დამზადებული ორიგამები გაატანეს.