არქივი

ყვავილების სიმბოლიკა

71b26ec70e8f
როგორ გამოვხატოთ გრძნობები ყვავილების მეშვეობით

რამდენჯერ გიჩუქებიათ ყვავილი თქვენი საყვარელი ადამიანისათვის ან თუნდაც მეგობრისთვის, ოჯახის წევრისთვის? 1 ცალი ან თაიგული? ხშირად მომისმენია მამაკაცებისაგან (ბიჭებისგან) სიტყვები, რომ არ უყვართ ყვავილები. . . არადა ვინ თქვა რომ ეს საჭიროა? მათთვის მირთმევას ხომ ისედაც არავინ აპირებს:) ძალიან ცოტა ქალი მეგულება ისეთი, ვისაც ყვავილები არ უყვარს და მისი საჩუქრად მიღება არ სიამოვნებს :)
გიფიქრიათ იმაზე, რომ ყველა ყვავილს თავისი განსაკუთრებული მნიშვნელობა გააჩნია და მათ შეუძლიათ უსიტყვოდ გადმოსცენ თქვენი სათქმელი. . . მთავარია ზუსტად შევუსაბამოდ ჩვენს გრძნობებს ყვავილი და ნახევარი საქმეც გაკეთებულია :)
დღესდღეობით ყვავილის სიმბოლიკას თითქმის აღარავინ აქცევს ყურადღებას, არადა ის შეიძლება თქვენი წარმატების საწინდარიც გახდეს ნებისმიერი სახის ურთიერთობაში . . .
ბიჭებო აჩუქეთ ყვავილები თქვენს რჩეულებს , მეგობრებს, ახლობლებს გამოხატეთ სითბო და ყურადღება მე კი რამოდენიმე ყვავილის მნიშვნელობას შემოგთავაზებთ :)))

ვარდი (ყვავილების დედოფალი)

c87f0edcdcc5

ამ ყვავილის ფერების სიმრავლე განსხვავებულ აზრსა და სიმბოლოს ატარებს. თუ გაეცნობით ვარდის ფერების სიმბოლიკას, მაშინ ადვილი მისახვედრი იქნება რისი თქმა სურს თქვენს ‘’კავალერს’’ :), რადგან თითოეული მათგანი თავის თავში გარკვეულ გზავნილსაც ატარებს.

თეთრი- ‘’მე შენი ღისრსი ვარ’’
ვარდისფერი- ‘’ მენდე ბედნიერებას გაჩუქებ’’
ყვითელი- ‘’ ყოველთვის მემახსოვრები’’
წითელი- სიყვარულის მარადიული სიმბოლოა

ორქიდეა

368077b93a9e

ბევრი მიიჩნევს, რომ ორქიდეა კეთილშობილური ყვავილია. ორქიდეა თაიგულში სიყვარულის, დახვეწილობისა და სხვათაშორის მრავალშვილიანობის სიმბოლოა :)

შროშანი

85f7431731fa

ლილია

e4ffe2896a12

შროშანი და ლილია უმწიკლოებაზე მეტყველებენ, გარდა ამისა ლილია ხაზს უსვამს ურთიერთობის სიდიადესა და სიწმინდეს

მიხაკი

25557eda2dcf

მრავლისმთქმელი იქნება თაიგული, რომელიც მიხაკებისაგან შედგება. ამ შემთხვევაშიც სხვადასხვა ფერის მიხაკს განსხვავებული მნიშვნელობა გააჩნია
წითელი- აღტაცება
ყვითელი- იმედგაცრუება
თეთრი- წმინდა სიყვარული
ვარდისფერში კი იგულისხმება, რომ არასდროს დაგივიწყებენ
ზოლიანი მიხაკი ურთიერთობის გაგრძელებაზე უარს ნიშნავს (Let’s stay friends) :)))
თუ საჩუქრად იასამნისფერი მიხაკი მოგართვეს ეს ავტორის კაპრიზულ და მერყევ ხასიათზე მეტყველებს.

კამილია

efba869f08c1

ძლიერი გრძნობების მაუწყებელი იქნება თქვენთვის კამილიები
წითელი- იმ ცეცხლზე მოწმობს, რომელიც გულში გააჩეღეთ
ვარდისფერი- გამოხატავს ვნებას
თეთრი- კიდევ ერთხელ შეგახსენებთ, რომ ‘’შეუდარებელი”, “აღმაფრთოვანებელი” ბრძანდებით

ქრიზანთემა

569cd7e774c9

ქრიზანთემების ჩუქება მეგობრებისთვისაა მიზანშეწონილი. ის თითქოს ამბობს, რომ თქვენ შეუდარებელი მეგობარი ბრძანდებით. თეთრი ფერის ქრიზანთემა კიდევ ერთხელ შეგახსენებთ, რომ სიყვარული არ კვდება, ხოლო ყვითელი ძველი ნდობის აღმნიშვნელია.

ია

79d93ddeef13

ია მოკრძალებისა და მორიდების გამომხატველი ყვავილია. მას, ვინც ამ ყვავილს გჩუქნით არ სურს საკუთარი გრძნობების გარეშე პირებისათვის განდობა. ლურჯი ია ერთგულების გამომხატველია, თეთრი კი რისკზე წასვლის

ტიტები

7cb749400ae1

წითელი ტიტა სიყვარულის გამჟღავნებაში დაგეხმარებათ, თუ ყვითელი ტიტა გაჩუქეს ესეიგი მიაჩნიათ რომ თქვენი ღიმილი მზის სხივს უტოლდება (შენ ჩემი მზე ხარ ამომავალი :)))) აი თუ თქვენს თაიგულში ჭრელი ტიტებია, უნდა იცოდეთ რომ ‘’საჩუქრის ავტორს’’ ძალიან მოსწონს თქვენი თვალები.

ნარცისი

cd0e0611e1d8

ეს ყვავილი ორმხრივ სიმპათიას გამოხატავს

იასამანი

4d9790af3bfb

და ბოლოს ჩემი უსაყვარლესი ყვავილი იასამანი
გაზაფხულის ეს მშვენიერი და სურნელოვანი ყვავილი სიხარულის გამომხატველია. იასამნისფერი სიყვარულის პირველი ემოციის სიმბოლოდ მიიჩნევა, ხოლო თეთრი ახალგაზრდული უმწიკლოებას აღნიშნავს.

ამ ეტიკეტის გათვალისწინებით უკვე შეგიძლიათ თვენთვის შესაფერისი თაიგული აარჩიოთ ნებისმიერ საკითხთან დაკავშირებით, გარდა ამისა უნდა გახსოვდეთ, რომ ყვავილებს განსაკუთრებული თვისება აქვთ, ისინი ნეგატიურ ენერგიას ’’ისრუტავენ’’ და სანაცვლოდ დადებითი ენერგიით გვავსებენ. ასე რომ გაილამაზეთ ცხოვრება, გაულამაზეთ ის სხვებსაც და იცხოვრეთ ყვავილების დახმარებით სტრესის გარეშე.:):):)

P.s. პოსტი ჩემი შეყვარებულის დაწერილია :)

მსგავსი ამბები

Back to top button