ვაჟიშვილობის ინდიკატორი (16+)

PigeonMan06/06/2011

3 წუთი

თქვენი აზრით, ეს ადამიანი ვაჟიშვილია, თუ არა? მე პირადად კარლსონის არსებობას უფრო დავიჯერებ, ვიდრე იმას, რომ ეს ასე არ არის. თუმცა, ვაჟიშვილების ეს გაჭირვება ასე აშკარად ყოველთვის არ ჩანს.

როცა გვინდა, გამოვიცნოთ, ვაჟიშვილი იქნება, თუ არა მოცემული ჯენტლმენი, ამისთვის მის გარეგნობას, მიმიკებს, ქცევებს უნდა დავაკვირდეთ. რა თქმა უნდა, 100%-იანი დასკვნის გამოტანა შეუძლებელია, მაგრამ არსებობს ნიშნები, რომლებიც ყველა ვაჟიშვილს აერთიანებს. მოდი, ისინი სათითაოდ გამოვყოთ.

რადგანაც, ხშირად მოგვიწევს ჩვენი მთავარი მოქმედი პირის ხსენება, მოხერხებულობისთვის, მას ჩარლი დავარქვათ (როგორც ერთ-ერთი ფილმის პერსონაჟს ჩარლი ბარტლეტს ჰქვია).

ერთ-ერთი ყველაზე გავრცელებული ნიშანი – როცა ჩარლი ყველანაირად ერიდება გოგოს თვალებში შეხედოს. ამაში თითქოს მოსარიდებელი არაფერია, მაგრამ ასეთ დროს ჩარლი ძალიან იძაბება. სასაცილოა, მაგრამ ჩარლიმ შეიძლება მკერდზე შეხედოს საპირისპირო სქესის წარმომადგენელს, მაგრამ თვალებში შეხედვა ძალიან უჭირს.

როცა გოგოს ყურადღებას გრძნობს, ჩარლი წითლდება. მნიშვნელობა არ აქვს რით დაიმსახურა მან ყურადღება. როცა იგი გრძნობს, რომ საპირისპირო სქესის წარმომადგენლის, ან წარმომადგენლების ყურადღების ცენტრშია, სახეზე ერთიანად წითლდება.

ჩარლის ძალიან უჭირს ხელით შეეხოს გოგოს, განსაკუთრებით მოშიშვლებულ ადგილას, ან ინტიმურ ადგილებში (მაგალითად, თეძოებზე ცეკვის დროს). თითქოს არაფერია, ადამიანს ხელით შეეხო, მაგრამ ჩარლის ეს მაინც ძალიან უჭირს. ჩარლისთვის საპირისპირო სქესთან ყოველგვარი შეხება მეტად უცხოა და ჰგონია, რომ თუ ამას გააკეთებს, შეიძლება საკუთარი მღელვარება და “გამოუცდელობა” გასცეს.

როცა გოგოს ელაპარაკება, ჩარლის ხშირად ენა ებმის. რა თქმა უნდა, გააჩნია თემას, მაგრამ ჩარლის მუდამ იმის კომპლექსი აქვს, რომ გოგო ამოიცნობს მის სატანჯველს.

როცა საუბარი სექსზე ჩამოვარდება (რა თქმა უნდა არა გოგოების წრეში), ჩარლი ძალიან არაადეკვატური ხდება. აქ ორი ვარიანტია: თავიდან დუმილს ინარჩუნებს, შემდეგ კი მეტისმეტად აქტიური ხდება. ან პირიქით, თავიდანვე აქტიურად ერთვება პროცესში და როცა მიხვდება, რომ ზედმეტად არაბუნებრივია, ჩერდება. ასეთ დროს ჩარლი ორ ცეცხლს შუა იწვის: ერთი მხრივ, ცდილობს ნერვიულობა არავინ შეატყოს (რაც რა თქმა უნდა, შეუძლებელია), მეორე მხრივ უნდა, რომ მასზე “ეჭვი” არავის დაებადოს. ორივეს ერთად კი ვერც ერთ შემთხვევაში ბუნებრივად ვერ გააკეთებს.

ყველა ზემოთ მოყვანილი პუნქტი, რა თქმა უნდა, არ არის უტყუარი საბუთი. მსგავსი რამ შეიძლება შეყვარებულსაც დაემართოს, მაგრამ თუ იმას გავითვალისწინებთ, რომ ადამიანს ყოველდღიურად, დღეში რამდენჯერმე არ უყვარდება, გამოდის, რომ ეს ქცევები რაღაცას გვეუბნება.

ქვემოთ მოყვანილი პუნქტები ბევრად უფრო უტყუარია, მაგრამ ისინი საპირისპირო სქესთან სექსუალური ურთიერთობისას ვლინდება.

ჩარლის ძალიან ერიდება ხელით შეეხოს მას – ეს ბუნებრივია, რადგან ჩარლის რომ გამოცდილება ჰქონდეს ამ სფეროში, ასეთი რამ უხერხულობას არ შეუქმნის.

ჩარლის ძალიან უჭირს რეაგირება მის “ქცევებზე” – ჩარლი დაბნეულია, რადგან პირველადაა ქალთან და მიუხედავად თეორიული ცოდნისა, აღმოჩნდა, რომ არ იცის რა რის მერე უნდა გააკეთოს.

ჩარლი ძალიან ცუდად კოცნის – ეს არ არის აშკარა ნიშანი. შეიძლება მას “ზასაობის” დიდი გამოცდილება აქვს, მაგრამ ხვდება, რომ სექსუალური აქტის დროს ეს ცოტა სხვანაირად უნდა გააკეთოს. შეიძლება ის საერთოდ ცუდად კოცნის, მაგალითად, როგორც რობერტ დენირო, მაგრამ თუ ამას მეტისმეტად მოუხერხებლად აკეთებს, დიდი შანსია, რომ ჩარლიმ მსგავს სიტუაციაში პირველად “ამოყო თავი”.

ჩარლი ნებართვას ითხოვს, რომ უშუალოდ გადავიდეს “საქმეზე”. სასაცილოა, მაგრამ ის ასე აკეთებს. თვითონაც ხვდება, რომ სისულელეს აკეთებს, მაგრამ მაინც აკეთებს.

და ბოლოს, ჩარლის ძალიან სწრაფი ორგაზმი აქვს. ეს მართლაც უნივერსალური ინდიკატორია. გამოცდილ ჩარლის მსგავსი რამ არავითარ შემთხვევაში არ მოუვიდოდა. უარეს შემთხვევაში ჩარლიმ ორგაზმი შეიძლება უბრალო შეხებითაც კი განიცადოს, აი, მაგალითად, როგორც ფორესტ გამპმა.

თუ ფიქრობთ, რომ ეს ყველაფერი მშრალი თეორიაა და მეტი არაფერი, მაშინ განსხვავებულ მეთოდს შემოგთავაზებთ. თქვენი ნებართვით, მეორე პირს გამოვიყენებ (პირობითად). მას ასე:

მაგალითად, თუ თქვენ გამოიყურებით ასე… თქვენ ვაჟიშვილი ხართ.