ზამთრის მოდური ხელთათმანები სენსორული ეკრანისთვის
ზამთრის მოდური ხელთათმანები სენსორული ეკრანისთვის…
მობილური ტელეფონებისთვის აქსესუარების ჰოლანდიურმა ბრენდმა – Mujjo-მ წარმოადგინა დახვეწილი ხელთათმანები, რომლებიც პრაქტიკულად მუშაობენ ნებისმიერ სენსორულ მოწყობილობასთან, ასევე ისინი ჩვეულებრივად მუშაობენ ზამთარში და ამიტომაც ახლა უკვე შესაძლებელია, რომ ხელები თბილათ გქონდეთ და ელეგანტურადაც გამოიყურებოდეთ.
სენსორული მოწყობილობები როგორებიცაა პლანშეტები და სმარტფონები დღესდღეობით ჩვენი თანამედროვე ცხოვრების განუყოფელ ნაწილად იქცა, მაგრამ ალბათ ბევრჯერ ყოფილხართ ისეთ სიტუაციაში, როდესაც არ გინდათ ხელთათმანების მოხსნა, მაგრამ გსურთ, რომ გამოიყენოთ მოწყობილობა…
სხვა მოდელებისგან განსხვავებით მოცემულ აქსესუარში ჰოლანდიელებს გამოუვიდათ, რომ შეეთავსებინათ თანამედროვე ელეგანტურობა ნანოტექნოლოგიებთან და შეექმნათ სენსორული ხელთათმანები გამტარი ბოჭკოებით.
ხელთათმანები გაკეთებულია ეგვიპტური ბამბისგან, ეთიოპიური ცხვრის ტყავისგან და ეს ყოველივე უზრუნველყოფს როგორც სითბოს ხელებზე, ასევე სილამაზესაც. ახლა უკვე მარტივია, რომ უპასუხოთ თქვენს მოწყობილობაზე შემომავალ ზარს, ოღონდ ხელთათმანების მოუხსნელათ.