ევროპის ქვეყნების სიღარიბის ზღვარი
სხვადასხვა ინტერნეტ საიტებზე ხშირად იდება საქართველოში გადაღებული ლამაზი სურათები, რომლებსაც აღფრთოვანების გარდა ხშირად მოჰყვება კრიტიკული კომენტარები, რომ რეალობა სულ სხვაა, სინამდვილეში ბევრი პრობლემაა, რომ ეს ყველაფერი ტურისტების მოსაზიდად კეთდება და ა. შ. გთავაზობთ ევროპის განვითარებული ქვეყნების სიღარიბის მაჩვენებლებს.
ყველაზე ბედნიერ ქვეყნად დასახელებული ფინეთის მოსახლეობის 13 %–ზე მეტი (700 000ადამიანი) სიღატაკის ზღვარს ქვემოთაა. მათ შორის 100 000–ზე მეტი ბავშვია.
დანიის მოსახლეობის 12,5 % სიღარიბის ზღვარს ქვემოთ ცხოვრობს. მათ შორისაა 200 000 ბავშვი, უმაღლეს სასწავლებელდამთავრებულთა 20 %, მხოლოდ საშუალო განათლების მქონეთა 50 %.
საფრანგეთი გამოირჩევა ყველაზე მაღალი უმუშევრობის მაჩვენებლით განვითარებულ ინდუსტრიულ ქვეყნებს შორის. აქ სიღარიბის ზღვარს ქვემოთ 1 000 000 ბავშვი იმყოფება
.
გერმანია, შეიძლება ითქვას, რამდენიმე გერმანიისგან შედგება. ჯერ კიდევ ძალიან დიდი განსხვავებაა დასავლეთ და აღმოსავლეთ, ჩრდილოეთ და სამხრეთ გერმანიას შორის. ზოგიერთ რეგიონებში სიღარიბის ზღვარს მიღმა 17–24% ცხოვრობს, მაშინ როცა შედარებით მდიდარ რაიონებში ეს მაჩვენებელი მხოლოდ 7%–ია. მთლიანად გერმანიაში 3 000 000 ღატაკი ბავშვია.
ესპანეთი, პორტუგალია და იტალია შესაბამისად პირველ, მეორე და მესამე ადგილზე არიან სიღატაკის ზღვარს მიღმა მყოფი ბავშვების რაოდენობით. გარდა ამისა, ამ ქვეყნებში 40 წელზე ზემოთ ასაკის მოსახლეობისთვის თითქმის შეუძლებელია ნორმალური სამუშაოს შოვნა.
მთლიანად ევროპის 730 მილიონიანი მოსახლეობიდან 75 მილიონი სიღარიბის ზღვარს მიღმაა. განსაკუთრებულად მაღალი ეს მაჩვენებელი ხმელთაშუა და ბალტიის ზღვის აუზის ქვეყნებშია.
უმუშევრობის კოეფიციენტი ევროპაში საშუალოდ 10% –ია (4,5–20). საქართველოში ეს რიცხვი 15 % –ია. საქართველოში სიღატაკის ზღვარს ქვემოთ მოსახლეობის 23% ცხოვრობს, მათგან დაახლოებით 100 000 ბავშვია. მართალია, მაღალი მაჩვენებელია, თუმცა ევროპის ქვეყნებს თუ გადავხედავთ და იმასაც გავითვალისწინებთ, ჩვენი დამოუკიდებლად განვითარების საკმაოდ რთული დასაწყისიდან არც ისე ბევრი დროა გასული, იმედიანი პროგნოზების გაკეთების საფუძველი ნამდვილად გვაქვს.