ალტერნატიული მედიცინა შეიძლება ითქვას, რომ დასავლურ კულტურაში საკმაოდ გავრცელებულია. მედიცინის ალტერნატივას ეძახიან სწორედ ისეთ მკურნალობას, რომელიც არ მიეკუთვნება ჩვეულებრივი მედიცინის სფეროს, ან სულაც ეწინააღმდეგება მას. მასში ხშირად ისტორიული, კულტურული ელემენტებია შერწყმული და არა – სამეცნიერო. ამიტომაც ხშირად გამხდარა კრიტიკის საგანი. რიჩარდ დაკინსი, ოქსფორდის უნივერსიტეტის ცნობილი პროფესორი ამბობს, რომ არ არსებობს არანაირი მედიცინის ალტერნატივა. არსებობს მხოლოდ მედიცინა,რომელიც მოქმედებს (ამართლებს) და მედიცინა,რომელიც არ მოქმედებს.
ჰომეოთერაპია, იოგა, ჩინური ტრადიციული მედიცინა, მედიტაცია, ჰიპნოზი, აკუპუნქტურა.. ეს ალტერნატიული მედიცინის არასრული ჩამონათვალია. ახლა კი გავერკვიოთ რამდენიმე მათგანში.
2006 წლის 21 აგვისტო, მომხმარებლები ტალახის თერაპიით ტკბებიან აღმოსავლეთ ჩინეთის ერთ-ერთ პროვინციაში. ცნობილია, რომ მინერალური ტალახი შველის საწყისი რევმატოიდული ართრიტის ტკივილს, პერიფერიული ნერვული სისტემის დაავადებებს და ა.შ.
ჩინელი კაცი, რომელიც რინიტზე მკურნალობს ფუტკრის შხამის საშუალებით. ფოტო გადაღებულია 2006 წლის 4 აპრილს, დასავლეთ ჩინეთში, შანხაის პროვინციაში. ამ კლინიკის ექიმი ფუტკრის შხამს იყენებს ართრიტის, რევმატიზმისა და რინიტის წინააღმდეგ.
Garra rufa obtusas- იგივე მკურნალი თევზები, შემოხვევიან პაციენტის ფეხს. ეს საკურორტო სასტუმრო დასავლეთ ტოკიოშია გახსნილი, სამკურნალო აბანო ათასობით თევზითაა სავსე. ამბობენ რომ ეს თევზები პაციენტების მხოლოდ მკვდარ კანს ჭამენ, ამით კი კანის სხვადასხვა დაავადებას კურნავენ.
კაცს ხელში ჩრდილოამერიკული კუ უჭირავს, მათ ჯერა, რომ ამ კუს სახეზე შეხება ქალის სახეს განკურნავს. ცხოველთა (ძროხების, კუების,გველების) ზებუნებრივი ძალების საშუალებით განკურნების რწმენა უფრო კამბოჯაშია გავრცელებული.
აღმოსავლეთ ჩინეთის ერთ–ერთ ჰოსპიტალში ქალი ჩინური ტრადიციული მეთოდით გადის მკურნალობას. სახეზე მას მკვდარი მორიელები ალაგია.
კვლავ ჩინური ტრადიციული მედიცინა, ქალი თვალზე მკურნალობს კაკლით, წინ კი მშრალი ბამბა აქვს, რომელსაც ცეცხლი უკიდია.
გოგონა სპა მასაჟს იკეთებს გველების საშუალებით. ადა ბარაკი, ამ სპა სალონის მეპატრონე სამეფო გველებს იყენებს და ასევე სხვადასხვა ჯიშებს, მისი რწმენით გველების შეხება ადამიანს აწყნარებს.
სამხრეთ–დასავლეთ ჩინეთში, სიჩუანის პროვინციაში ვიზიტორები შავი ტალახით იფარავენ სხეულს, ცნობილია რომ ადგილობრივი, მინერალებით მდიდარი ტალახი კანისთვის კარგია.
ჟენგ მაშენგი, 66 წლის კაცი ხშირად იტანჯებოდა მუცლის ტკივილითა და ხველით.. 20 წლის წინ კი ერთი კაცი გამოჩნდა, რომელმაც ჩვეულებრივი ხის ბაყაყის შეჭმა ურჩია, ამის სანაცვლოდ მისი ავადმყოფობა წარსულს ჩაბარდებოდა. ჟენგი ასეც მოიქცა და იგი ახლა ჯანმრთელადაა. როგორც სურათზე ხედავთ, ბაყაყების დაგემოვნება სიამოვნებს კიდეც : )
ეს კაცი ყურის პრობლემებზე მკურნალობს ფუტკრის ნაკბენის საშუალებით. ფოტო კაიროშია გადაღებული. მკურნალი ირწმუნება, რომ ფუტკრის შხამს განსაკუთრებული შემადგენლობა აქვს და ადამიანის სხეულის სხვადასხვა ნაწილში მისი მოხვედრა სხვადასხვა დაავადებას კურნავს, მაგალითად აპენდიციტს, თირკმლის პრობლემებსა და კიბოსაც კი.
პაციენტი მკურნალობას გადის ჩაინური ტრადიციული მასაჟისა და აკუპუნქტურის კლინიკაში, შანხაიში. ამ პატარა მინის ბორცვებს ჯერ აცხელებენ და შემდეგ ადებენ კანზე.
კაცი ტალახში ზის, თუმცა ეს უბრალო ტალახი არ გეგონოთ, მას რაღაც მომწვანო ფერი დაჰკრავს, და მიჩნეულია რომ კურნავს ბევრ დაავადებას აკნედან დაწყებული რევმატიზმით დამთავრებული.
ეს ინდოეთია.. ინდოეთის ერთ-ერთ ქალაქში ასეთი ტრადიციაა, სურათზე გამოსახული კაცი ცოცხალ თევზს ყლაპავს, ყოველი წლის ივნისში ასეთი ცერემონია იმართება, ხალხს სჯერა,რომ ეს რიტუალი ასთმით დაავადებულებს სასწაულებრივად კურნავს.
ქალი სახის დამბლის განსაკურნებლად ჩინურ ტრადიციულ მეთოდებს იყენებს.. სახეზე კონკრეტულ წერტილებში ნემსები აქვს შერჭობილი და ირგვლივ ე.წ. moxa-ს კვამლი დგას. ეს უკანასკნელი არის ხმელი ბალახისებური ნივთიერება, რომელსაც წვავენ, რომ სტიმულირება მოახდინონ აკუპუნქტურის წერტილისა.
ესეც ჩინური ტრადიციული მკურნალობაა და ამაშიც moxa-ს კვამლი გამოიყენება. ეს კაცი ტვინის ატროფიაზე მკურნალობს.
cervical spondylosis-ის განსაკურნებლად კაცი ჩინურ მეთოდს მიმართავს. cervical spondylosis არის ხერხემლის ქრონიკული დაავადება.
მოჰმედ ემადი 41 წლის კაცი, კისრამდე ქვიშაშია ჩაფლული, ეს საივას ოაზისში ხდება, კაიროდან 700 კილომეტრის დაშორებით. აქ თვლიან,რომ დღის ყველაზე ცხელ მონაკვეთში ადამიანის ქვიშაში ჩაფლობა კურნავს რევმატიზმსა და სექსუალურ იმპოტენციას.
ეგზორციზმი, ამაზე უკვე არაერთხელ გვისაუბრია, ისიც არატრადიციული მედიცინის დარგში შეგვიძლია გავიყვანოთ. ამ სურათზე კი პარაფსიქოლოგი ფერნანდა ნოგუიერა ატარებს ეგზორციზმს. იგი თავის სამეცნიერო ცენტრში, ჩრდილოეთ პორტუგალიაში ამ მეთოდს აქტიურად იყენებს პრაქტიკაში.
ეს ზურგის ტკივილის მკურნალობის ისლამური ტრადიციული მეთოდია, რომელსაც Hujama ჰქვია. პროცესის დროს, ამ პატარა ქილის მაგვარი ნივთით ხდება ოდნავ ჩაჭრა კანის და თან ვაკუუმში მოქცევა.
სმენადაქვეითებული ბავშვი ფუტკრის კბენის მეთოდით გადის მკურნალობას ღაზაში.
ლიმას ერთ-ერთ სასტუმროში 8 თვის ფეხმძიმე ქალბატონი ორსულებისთვის განკუთვნილ თერაპიულ კურსს გადის. ქალი ახლო კონტაქტშია დელფინებთან, რომლებიც მის მუცელს ცხვირით ეხებიან. თერაპია მიზნად ისახავს ბავშვის ტვინის სტიმულირებას, იმ ხმების საშუალებით, რომელსაც დელფინები გამოყოფენ.
კამბოჯაში ასეთ რიტუალს მიმართავენ, ეს ხბო 2009 წლის 20 აგვისტოს დაიბადა, იგი წმინდად იქნა მიჩნეული, რადგანაც ნიანგის ტყავით მოევლინა ქვეყანას. მკვდარ ხბოს ასხამენ წყალს და შემდეგ ამ წყალს სვამენ, ხალხი ფიქრობს, რომ ეს შველის რევმატიზმს და კიდევ რამდენიმე დაავადებას.
ასევე კამბოჯელები იყენებენ სამკურნალოდ ძროხის შარდს, თვლიან რომ მას ზებუნებრივი ძალები აქვს. პრინციპში ეს კამბოჯელებისგან საკვირველი არაა, რადგან აქ ოჯახი დღეში დაახლოებით 1 დოლარით არსებობს, შესაბამისად ათასში ერთხელ თუ შეძლებენ ექიმთან მისვლას, უმეტესად თავიანთი სამკურნალო მეთოდების გამოგონება უწევთ.
რუსი ქალი წურბელებით მკურნალობს. ცნობილია, რომ წურბელების სამედიცინო დარგში შემოყვანის იდეა პირველად ძველ ეგვიპტეში გაჩნდა. დღესდღეობით კი საკმაოდ ხშირად გამოიყენებიან სისხლის გასაწმენდად, ასევე იმუნიტეტთან დაკავშირებული პრობლემების დროს.
ესეც დაახლოებით იმის ალტერნატიული მეთოდია ჩინელები რომ აკეთებენ მინის ბორცვებით, ოღონდ ეს ხარის რქით კეთდება.
…………………………………………………………………………………………………………………..
