არქივი

საინტერესო ფაქტები ცნობილ ადამიანებზე (ნაწილი 1)

01bdafef4519
ცნობილ ადამიანებზე საინტერესო ფაქტები იწყება

1. ალექსანდრე მაკედონელი თავის მეომრებს ასე არჩევდა: ადამიანი შეჰყავდათ ლომთან გალიაში და თუ გაფითრდებოდა, მათ იწუნებდა, ხოლო თუკი გაწითლდებოდა, ისინი მიჰყავდა. თანამედროვე მედიცინას თუ მოვიშველიებთ ეს ასე აიხსნება: თუკი ადამიანი გაფითრდებოდა ე.ი. სისხლი ტოვებს ტვინს, რადგან მას არ მიეწოდება ჟანგბადი, რაც ნიშნავს იმას, რომ ის ვერ მოიფიქრებს გამოსავალს კრიტიკული სიტუაციიდან, ხოლო გაწითლებისას, პირიქით, სისხლი მიეწოდება ტვინს ე.ი. ის მდიდარია ჯანგბადით და გონება სხარტად მუშაობს.

2. ფილოსოფოს სოკრატეს ციკუტის შხამით მოუსწრაფეს სიცოცხლე.

3. სანამ რაიმეს იწანასწარმეტყველებდა ნოსტრადამუსი, უძილობით იტანჯავდა თავს, რის გამოც ჰალუცინაციები ეწყებოდა და სწორედ ამ მდგომარეობაში მყოფი წინასწარმეტყველებდა.

4. მერლინ მონროს 6-6 თითი ჰქონდა ფეხებზე.

5. 35 წლის მოცარტს 600-ზე მეტი ნაწარმოები ჰქონდა შექმნილი, მაგრამ მისი სიკვდილის შემდეგ მის ქვრივს მისთვის საფლავის საყიდელი ფული არ აღმოაჩნდა.

6. რემბრანდტს სახლში მხოლოდ ორად ორი წიგნი ჰქონდა – “ბიბლია” და “ანატომიური ატლასი”.

7. სახელწოდება სადიზმის წარმოშობა უკავშირდება ფრანგ არისტოკრატს, მწერალ მარკიზ დე სადს, თავად გადამეტებული სექსუალობით გამოირჩეოდა, უყვარდა სექსუალური პარტნიორების დამცირება და მათთვის ტკივილის მიყენება.

8. მაზოხიზმის წარმოშობა უკავშირდება ავსტრიელ მწერალ ლეოპოლდ ფონ ზარეხ-მაზოხს, რომლის ნაწარმოებებში მთავარი,გმირი, მამაკაცი, სექსუალურ სიამოვნებას იღებს მაშინ, როდესაც მას ან ამცირებენ, ან ტკივილსა და შეურაცხყოფას აყენებენ.

9. ცნობილ სამ მათემატიკურ უცნობებს X, Y და Z სახელები ფრანგმა მათემატიკოსმა და ფილოსოფოსმა დეკარტემ დაარქვა.

10. ცნობილია, რომ რომის იმპერატორებს სიკვდილის შემდეგ ღმერთებად აღიარებდნენ. იმპერატორმა ვესპასიანემ სიკვდილის წინ შესაძახა: “რა სამწუხაროა, მე ღმერთი ვხდები”.

11. რომის იმპერატორი კალიგულა და იმ დროის ცნობილი მსახიობი აპელესი იუპიტერის ქანდაკებასთან იდგნენ. კალიგულამ ჰკითხა აპელესს:”ვინ უფრო მაღალია, მე თუ ღმერთი?” წამიერი დაფიქრების შემდეგ მსახიობმა უპასუხა : “რა თქმა უნდა, თქვენ, იმპერატორო!” კალიგულამ აპელესისათვის თავის მოკვეთა ბრძანა და იცით რატომ? – წამიერი ჩაფიქრებისთვის.

12. “ჩვენ ბარბაროსი შემოვუშვით ევროპაში”, – ამბობდა სტალინზე ჩერჩილი.

13. ჩინელი კომუნისტების ლიდერი მაო ძედუნი თურმე არასოდეს იხეხავდა კბილებს, რასაც ასე ხსნიდა: “გინახავთ ვეფხვი კბილებს იხეხავდეს?”

14. ადოლფ ჰიტლერს ძალიან უყვარდა ადამიანების ხელოსგულების თვალიერება. მას უზარმაზარი ძვირფასყდიანი წიგნი ჰქონდა, რომელშიც წარსულში ცნობილი ადამიანის ხელისგულების ანაბეჭდები იყო აღნუსხული. ჰიტლერი ყოველთვის აჩვენებდა სტუმრებს ამ წიგნს და განსაკუთრებით ამაყობდა იმით, რომ მისი ხელისგულის ანაბეჭდი ძალიან ჰგავდა ფრიდრიხ დიდის ხელისგულის ანაბეჭდს.

15. “ამათ ვერც ვერაფერი ისწავლეს და ვერც ვერაფერი დაივიწყეს”,-თქვა თანამემამულეებზე ელბიდაან დაბრუნებულმა ნაპოლეონმა.

16. XVI საუკუნის დასასრულს უილიამ შექსპირს საგადასახადო სამსახური დასდევდა.

17. პაბლო პიკასომ იოსებ სტალინისთვის 70 წლისთავის მისალოცად ბარათი საკუთარი ხელით დახატა.

18. იულიუს კეისარმა, გაქცევისას მეომრებს ბრძოლის ველზე იარაღი რომ არ დაეყარათ, შესანიშნავი ხერხი გამოიგონა: ბრძანა, იარაღი შეემკოთ ძვირფასი თვლებით, რათა მებრძოლებს დანანებოდათ მისი ბრძლოის ველზე დატოვება.

19. არისტოტელე თავის ტრაქტატებში განიხილავდა ამ “არცთუ უსაფუძვლოდ გავლებულ ხაზებს”. ამ ხაზებს დღეს, რითაც თურმე წინასწარმეტყველებაც კი შეიძლება, ქირომანტია ჰქვია.

20. საკვირველია მაგრამ ფაქტია, რომ უინსტონ ჩერჩილს ნობელის პრემია მინიჭებული აქვს ლიტერატურის დარგში.

იმედია მოგეწონათ. გაგრძელება იქნება…

მსგავსი ამბები

იხილეთ ასევე
Close
Back to top button