მომავლის მიტოვებული სახლები
უცხოპლანეტელთა სახლები – არის გრანდიოზული, მაგრამ დაუსრულებელი არქიტექტურული პროექტი. მფრინავი თეფშების ფორმის სახლებისგან აშენდა მთელი რაიონი, მაგრამ შემდეგ დაფინანსება შეწყდა და პროექტიც გაიყინა.
დღესდღეობით კი უცხოპლანეტელთა სახლები არის ცარიელი, ჩამსხვრეული მინებითა და ირგვლივ საოცარი სიჩუმე მეფობს.ეს ტერიტორია მდებარეობს ტაივანში. ამ ქალაქ-მოჩვენების აშენება დაიწყო 1978 წელს. ჩაფიქრებული იყო, რომ ეს უნდა ყოფილიყო საკურორტო ქალაქი. სახლები გათვლილი იყო ამერიკელი ოფიცრებისთვის, რომლებიც აღმოსავლეთ აზიაში მსახურობდნენ. მაგრამ მალე დაფინანსების შეწყვეტასთან ერთად პროექტიც გაჩერდა.
ამასთან ერთად სამშენებლო ტერიტორიაზე უამრავი უბედური შემთხვევა ხდებოდა, რომლთაგან უმრავლესობა სიკვდილით მთავრდებოდა. როგორც შემდგომ გაირკვა სახლები შენდებოდა ძველ სასაფლაოზე, სადაც ჰოლანდიელი ჯარისკაცები იყვნენ დასაფლავებულნი.
ერთი სიტყვით, უცხოპლანეტელთა სახლები აუშენებელი დარჩა.
მაგრამ ტურისტები სულაც არ არიან ნაწყენები ამ ფაქტთან დაკავშირებით, რადგან აუშენებელი და მიტოვებული სახლები უფრო შემზარავად და საინტერესოდ გამოიყურებიან.
ამ ტერიტორიაზე იღებენ ვიდეო რგოლებს MTV-ს კლიპებისთვის. ყოველწლიურად მსოფლიოს მრავალი ქვეყნიდან აქ მოდის ასობით ფოტოგრაფი, რათა საინტერესო პეიზაჟებით შეავსონ საკუთარი კოლექციები.
ამ რუინებს შეუძლიათ ერთდროულად შთააგონონ, მოაჯადოვონ და შეაშინონ მნახველი. მაგრამ მიუხედავად მრავალი თხოვნისა შეენარჩუნებინათ ეს ნაგებობები, ამ სახლების დანგრევა უკვე გადაწყვეტილია. აქ გადაწყვეტილია ტურისტებისთვის ატრაქციონების, სასტუმროების, პლიაჟების და შესაბამისი ინფრასტრუქტურის აშენება.