არქივი

დრო და დროში მოგზაურობა

time

კარგად იცი, რას ნიშნავს დრო?
შემოდი და გაიგებ.

ხანდახან რომ ვუფიქრდები, მგონია, რომ ძალიან დიდი ხანია ვცხოვრობ, მაგრამ ზოგჯერ მგონია, რომ ყველაფერი უეცრად მოხდა, თითქოს გაჩერებაზე ავტობუსმა ჩაგიქროლა და არ გაჩერებულა. ჩაგიქროლა… და კიდევ მოგიწევს ლოდინი, ეს დამღლელი ლოდინი, ფიქრობ იმაზე თუ რისი გაკეთება შეგეძლო ამ დროში, მაგრამ შენ დგახარ და ელოდები, შენ და დრო ხდებით განუყრელი… დრო არის იარაღი რომელსაც არ ელევა ტყვიები, ჩვენ მივდივართ ის კი რჩება! ადამიანები ალბათ ვერასდროს ვერ ჩავწვდებით დროის აზრს და მსვლელობას, ის ხომ ყველასთვის საკუთარია, ყველასთვის უნიკალურია.

დიდი ხნის განმავლობაში მეც და კიდევ ძალიან ბევრს გვეგონა, რომ ჩვენ ვცხოვრობთ 3 განზომილებიან სამყაროში, მაგრამ სინამდვილეში აღმოჩნდა, რომ ჩვენ 4 განზომილებიან სამყაროში ვცხოვრობთ. სიგრძე, სიგანე და სიმაღლე ქმნის სივრცეს, მაგრამ ეს სივრცე არის ილუზია იქ ხომ არაფერი არ იქნება სრული ამ სიტყვის მნიშვნელობით. დრო კი ამ ილუზიას რეალობად აქცევს, რეალობას რომელშიც ამ პოსტს კითხულობთ.
დროზე არის დაყრდნობილი ყველა ფიზიკური კანონი.

კარგად რომ გავერკვიოთ მის მნიშვნელობაში, ჩვენ უნდა დავამსხვრიოთ მექანიკური დროს მცნება, რადგან დრო ყველგან ერთნაირი დინებით არ მიდის.  სამყაროს გაჩენიდან დღემდე კოლოსალური დრო არის გასული, მაგრამ ეს ყველაფერი უსასრულო წერტილია, რომელსაც საზღვრები არ აქვს, დრო ხომ მარად და უსასრულოდ დაითვლის საკუთარ თავს ისე, როგორც უსასრულოდ დაითვლება რიცხვები. მეცნიერების ვარაუდით სამყარო 15-14 მილიარდი წლის წინ გაჩნდა და დაახლოებით 50 მილიარდი წელი კიდევ იარსებებს. ეს ყველაფერი, რათქმაუნდა, ვარაუდით.

დროში მოგზაურობა

დროში მოგზაურობა ადამიანისთვის მიუღწეველ ოცნებად რჩება, მაგრამ ბოლო დროს მეცნიერები აბობოქრდნენ და აცხადებენ, რომ დროში მოგზაურიბა სრულებით შესაძლებელია. უფრო მეტიც, ჩვენ ყველანი დროში ვმოგზაურობთ, გვინდა ეს ჩვენ თუ არა. ბოლო ცდებით და დაკვირვებებით დადგინდა, რომ დრო მით უფრო ნელდება, რაც უფრო დიდი სიჩქარით მოძრაობს სხეული და რაც უფრო დიდია გრავიტაციის გავლენა. ანუ ადამიანი, რომელიც დადის, ის მომავალში მოგზაურობს სულ რაღაც წამის მემილიონედებით, მაგრამ მაინც დროში მოგზაურობს.

რატომ ნელდება დრო მოძრაობის დროს?

ამ კითხვის გასაცემად გაგახსენებთ სინათლის სიჩქარის (300 000 კმ/წმ) ლიმიტს, ანუ ვერაფერი ვერ განავითარებს სინათლის სიჩარეზე მაღალ, ან ტოლ სიჩქარეს. ამ დებულებაზე დაყრდნობით აგიხსნით თუ რატომ ნელდება დრო მოძრაობისას. წარმოიდგინეთ მატარებელი მიქრის სინათლის სიჩქარით, თქვენ კი ხართ მგზავრი, რომლისთვისაც დრო ჩვეულებრივი მსვლელობით მიდის. ამ დროს ადექით და გაირბინეთ მატარებელში, თქვენი სიჩქარე დაემატება სინათლის სიჩქარეს და ჯამში გადააჭარბებს სინათლის სიჩქარეს, რაც ეწინააღმდეგება ჩვენს მიერ დასმულ დებულებას. ამიტომ ბუნება არ გვაძლევს ამის უფლებას და დრო ნელდება, რაც უფრო დიდი სიჩქარით ვმოძრაობთ. თუ იმ მატარებელმა სინათლის სიჩქარე განავითარა, გარეთა სამყაროსთან შედარებით მატარებელში დრო მთლიანად შენელდება, გარეთა სამყაროსთვის მატარებელმა თუ 100 წელი იმგზავრა, მატარებლის მგზავრებისთვის სულ რათაც რამდენიმე წუთია გასული, თითქოს არც კი უმგზავრიათ. ეს ყველაფერი იმიტომ ხდება, რომ არ მოხდეს ზემო აღნიშნული წესის თუ კანონის დარღვევა. ჩვენი გალაქტიკა მოძრაობს 25 000 კმ/წთ სიჩქარით, ეს იმას ნიშნავს, რომ ჩვენ დროში ვმოგზაურობთ ანუ დრო შენელებულია.

ნუთუ ახლოს ვართ დროში მოგზაურობასთან?

ეს ყველაფერი მომავალზე, მაგრამ წარსულში მოგზაურობა არის შესაძლებელი?

წარსულში მოგზაურობა უფრო რთულია… უბრალოდ დროის გადახვევა შეუძლებელია, რადგან დრო კომპიუტერი არ არის, რომ დაიმახსოვროს ყველაფერი და შემდეგ გადაახვიო. წარსულში მოგზაურობაც ფიზიკის კანონებით უნდა შევძლოთ. მაგრამ მეცნიერები ფიქრობენ, რომ წარსულში მოგზაურობა შეუძლებელია, რადგან თუ ჩვენ ამას შევძლებთ წარმოიშვება პარადოქსი, ანუ ეს იმას ნიშნავს, რომ დავარღვევთ იმ თანმიმდევრობას, რაც წარსულსა და მომავალს აკავშირებს. ვთქვათ წარსულში ვიმოგზაურეთ და ვნახეთ ჩვენი ბაბუა, რომელსაც ძალიან ვგევართ, მან კი რომ დაინახა თავისი ორეული საწყალს გული გაუსკდა, ანუ ჩვენ მოვკალით წინაპარი რომელის არ არსებობა ჩვენს არ არსებობასაც ნიშნავს. ეს უაზრობაა დამეთანხმებით. მაგრამ არსებობს კიდევ მრავალი მეცნიერი რომლებსაც სხვადასხვა შეხედულება აქვთ წარსულში მოგზაურობაზე.

არის კიდევ ასეთი ჰიპოტეზა, რომ ბუნება არ დაუშვებს იმას, რომ ჩვენ ასე მარტივად გადავიდეთ წარსულში და რაც გვინდა ვაკეთოთ, მოხდება ასეთი რამ, ვისაც ფილმი “დე ჟა ვუ” აქვს ნანახი ადვილად მიხვდება. ვთქვათ, მომავალში ვიღაცას მოუნდა რომ წარსულში დაბრუნდეს და ჩერნობილის კატასტროფის შესახებ უამბოს იმ კაცს, რომლის გამოც მართლა მოხდა ეს ტრაგედია. ეს კაცი მომავლიდან მივიდა ჩერნობილში მომუშავესთან რომელსაც უნდა ჩაეძინოს და ეუბნება, იცი რაა შენ ეხლა ჩაგეძინება და რეაქტორი აფეთქდება, მე კიდევ მომავლიდან ვარ. ჩერნობილის მუშა რომ ვიყო მე მაგარს დავცინებდი და მაინც თავს დავდებდი და დავიძინებდი. ის კაცი, რომელსაც მომავლის შეცვლა უნდოდა, რაც არ უნდა ეცადოს ამას, ვერ მოახერხებს. შეიძლება ეს ყველაფერი სწორედ ამ მომავლის კაცის ბრალია, ის რომ არ გამოჩენილიყო, არ ჩაეძინებოდა იმ მუშას.

არსებობს კიდევ სხვა თეორიაც, რომელიც მთლად წარსულში მოგზაურობა არ არის. ამ თეორიის მიხედვით, ჩვენ წარსულში კი არა, პარალელურ სამყაროში ვიმოგზაურებთ ანუ ჩვენთვის მსგავს სიტუაციაში, სადაც 1 რაღაც არის განსხვავებული. მაგალითად, იქ მე არ ვარ, დანარჩენი კი აბსოლუტურად იდენტურია. ანუ ჩვენ ვმოგზაურობთ პარალელური სამყაროს წარსულში.

ჯერჯერობით არ არსებობს ზუსტი თეორია, თუ როგორ არის შესაძლებელი წარსულში მოგზაურობა ფიზიკური კანონების სრული დაცვით.

ამ ყველაფერს დრო გვიჩვენებს, ჩვენ კი რაღა დაგვრჩენია ვიჯდეთ და ველოდოთ სანამ სხვებს სული არ ამოხდებათ ამის ამოხსნაში, ხოლო ჩვენ დაველოდოთ… ისევ ლოდინიიიიი… ოხხ როგორ ვერ ვიტან!

DaviDovicH

var taviseburi xasiatis mqone bichi, ver vitan usamartlobas, uzrdelobas da garyvnolobas. miyvars sayvarel adamianebtan urtiertoba, cota daleva :D da ra tqma unda ucnauri blogic.

მსგავსი ამბები

იხილეთ ასევე
Close
Back to top button