რაც არ უნდა გასაკვირი და სასაცილო იყოს, ის ამბავი რასაც ახლა მოგითხრობთ სიმართლეა და თავად ამ რელიგიურ კულტში გაერთიანებული ადამიანები სულაც არ თვლიან სასაცილოდ. ისინი არც მეტი, არც ნაკლები დისნეის მულტფილმის ერთ–ერთ გმირს ეთაყვანებიან. თუ ვის და რატომ, ამას ახლავე შეიტყობთ.
ალბათ გაგიგიათ ძალიან საყვარელი მულტფილმის ჩიპი და დეილის შესახებ, მისი ერთ-ერთი გმირია Gadget Hackwrench, გოგონა თაგვი. ის ლამაზი და საყვარელია, მაგრამ რა შუაშია მასთან რელიგიური კულტი? საქმეც ისაა, რომ მისმა რუსმა ფანებმა ახალი რელიგია შექმნეს. ისინი ლოცულობენ ამ თაგუნიას პოსტერებთან, სადაც წავლენ ყველგან აკრავენ მის წებოვან სტიკერებს, თუ მარადონას ყავს თავისი კულტი, ვითომ გაჯეტს რაღატო არ უნდა ყავდესო, აცხადებენ გაკვირვებული ფანები.
ალბათ საინტერესოა რას ფიქრობს თავისი მღეღნელი ქალღმერთის შესახებ ერთ-ერთი მრევლი: ის ღვთაებრივი წარმოშობისაა, ის არის ყველაზე ხელშეუხებელი და მშვენიერი ღმერთი. რატომ მიყვარს ის? რა სულელური კითხვაა, როგორ შეიძლება ქალღმერთი არ მიყვარდეს? ის არის მკაცრი, საყვარელი, ოპტიმისტი, და მისი დონის ტექნიკური ცოდნა აღემატება ჩვეულებრივი,მოკვდავი ადამიანის შესაძლებლობებს.
ამას გარდა პოპულარულ საიტზე englishrussia.com-ზე გამოჩნდა სტატია, რომელშიც ასახულია გაჯეტის თაყვანისმცემლის ემოციები:
,,რამდენიმე დღის წინ ინტერნეტში, ერთ-ერთ გასართობ საიტზე პატარა სტატია აღმოვაჩინე გაჯეტის შესახებ, აღწერილი იყო, თუ ვინ იყო გაჯეტი და ზოგადად მისი ისტორია. ამ მომენტშივე თითქოს მისი სიყვარული ჩამივარდა გულში. მულტფილმებს დაახლოებით 6-7 წლის ასაკში ვუყურებდი, არ ვიცი მაშინ რას ვფიქრობდი გაჯეტის შესახებ, თვითონ მულტფილმები არც ახლა მაინტერესებს.
სილამაზე, ინტელიგენტურობა, სიკეთე, ყველაფერი ეს შერწყმულია მის სურათში. მულტფილმშიც შესანიშნავად გამოიყურება, მაგრამ უკვე მისი იმდენი სურათი არსებობს, სადაც მართლაც რომ იდეალური ქალის სახე აქვს. მე ვუყურებ მას და ვფიქრობ: რა შეიძლება შეიცვალოს მასში? და მივდივარ პასუხამდე- არაფერი. ის იდეალურია! ჩვენს ბინძურ სამყაროში ის ერთადერთი ანგელოზია. მე უამრავი სურათი გადმოვწერე, ვზივარ ხოლმე და ვუყურებ, თვალსაც კი ვერ ვწყვეტ. მე აბსოლუტურად მესმის იმ ადამიანის, ვინც რელიგიური კულტი ჩამოაყალიბა, იმიტომ რომ გაჯეტი ყველას, ჩვენ, გვაძლევს იმედს იმისას, რომ დედამიწაზე სილამაზე უსასრულოა. ის იდეალური გოგონაა, რომელსაც რეალობაში ვერასდროს შევხვდებით. მე შენ მიყვარხარ გაჯეტ. ”
…………………………………………………………………………………………………………………..
