ქუთაისი რომი – საოცნებო მოგზაურობა და დაუვიწყარი თავგადასავლები

იტალიის დედაქალაქი რომი უდავოდ ერთ-ერთი ყველაზე პოპულარული ტურისტული მიმართულებაა მსოფლიოში.  გასაკვირი არ არის, რომ მსოფლიოს ერთ-ერთი ყველაზე ისტორიული და ემბლემური ღირსშესანიშნაობების სახლი, ყოველწლიურად უამრავ ადამიანს იზიდავს მსოფლიოს ყველა კუთხიდან, რომელთა შორისაა უამრავი ქართველი მოგზაური, რომლებიც ქუთაისი რომი -ს მიმართულებით მიემგზავრებიან, რათა გაიცნონ კულტურითა და ისტორიით გაჟღენთილი ეს უძველესი ქალაქი. 

სწორედ იმის გამო, რომ იტალიის დედაქალაქი ასეთი პოპულარული მიმართულებაა, იგი ევროპის ერთ-ერთი ყველაზე ძვირადღირებული ქალაქია მოსანახულებლად! თუმცა, ცოტამ თუ იცის, რომ აქ ბევრი რამ არის გასაკეთებელი და მოსანახულებელი, თუნდაც მცირე ბიუჯეტით!

ასე რომ, თუ შეზღუდული ხართ ბიუჯეტში, მაგრამ გსურთ რომში იმოგზაუროთ და შეიგრძნოთ მისი ბრწყინვალება ზედმეტი ხარჯის გარეშე, მაშინ აქ გაეცნობით რისი გაკეთებაა შესაძლებელი ამ შთამბეჭდავ ქალაქში უფასოდ ან ძალიან მცირე თანხებით!

1. დაათვალიერეთ პანთეონი

როგორც ზემოთ აღინიშნა, რომი მსოფლიოში ცნობილია უძველესი ნაგებობებისა და ძეგლების ფართო კოლექციით, როგორიცაა კოლიზეუმი, წმინდა პეტრეს ბაზილიკა, რომაული ფორუმი და ა.შ. პანთეონი ასევე ერთ-ერთია, მაგრამ ის რატომღაც ნაკლებად ცნობილი რჩება. თუმცა ეს თქვენს სასარგებლოდ მუშაობს, რადგან ამ მომხიბვლელ ღირსშესანიშნაობის მონახულება სრულიად უფასოა!

ოდესღაც რომაული ტაძარი (ახლანდელი ეკლესია), პანთეონი არის იტალიის ერთ-ერთი ყველაზე თვალწარმტაცი სანახაობა და ატარებს რომის ყველაზე კარგად შემონახულ ძველი ნაგებობის სტატუსს. ამ სტრუქტურის ყველაზე თვალსაჩინო მახასიათებელია მისი გუმბათი ცნობილი ხვრელით ან ოკულუსით. 

2. ნავი ვილა ბორგეზეში

ვილა ბორგეზე რომის ერთ-ერთი უდიდესი საზოგადოებრივი პარკია და შესანიშნავი ადგილია დასვენებისთვის, განტვირთვისა და ტურისტებით სავსე ქალაქის ცენტრის აურზაურისგან თავის დასაღწევად. 

გარდა იმისა, რომ უბრალოდ ისეირნოთ და აღფრთოვანდეთ პარკის სილამაზით, რაც უდაოდ ძალიან სასიამოვნოა, აქ არსებობს უამრავი აქტივობა გალერეიდან დაწყებული სიმწვანეში გამაგრილებელი სეირნობით დასრულებული.

თუმცა, ალბათ, ყველაზე სასიამოვნო და სახალისო გზა აქ დროის გასატარებლად არის ნავით გასეირნება ლაგეტოზე, ხელოვნურად შექმნილ ტბაზე პარკის შუაგულში. ეს არის აბსოლუტური სრულყოფილი, რომანტიკული და იაფი გზა რომში დროის გასატარებლად.

3. განიცადეთ მაგია ტრევის შადრევანის, ესპანურ კიბეებსა და პიაცა ნავონას მონახულებით

რომში მოგზაურობა ნამდვილად არასრულფასოვანია ცნობილი ტრევის შადრევნების მონახულების გარეშე. ალბათ, ერთ-ერთი ყველაზე ცნობილი კლიშე, რაც უნდა გააკეთოთ, არის მონეტის ჩაგდებაა შადრევანში. ლეგენდა ამბობს, რომ თუ თქვენ ჩააგდებთ მონეტას შადრევანში – ზურგით შადრევნისკენ, ხოლო მარჯვენა ხელით მარცხენა მხარზე, აუცილებლად დაბრუნდებით რომში. 

კიდევ ერთი გასაოცარი სანახაობა არის ესპანური კიბეები, Piazza di Spagna-სა და Piazza Trinità dei Monti-ს შორის, რომელიც აშენდა 1723-25 წლებში ფრანჩესკო დე სანქტისის მიერ და 174 საფეხური შეიქმნა ესპანეთის საელჩოსა და ტრინიტა დე მონტის ეკლესიის დასაკავშირებლად. კიბეებზე ასვლისას თქვენ გეძლევათ საშუალება დატკბეთ რომის შესანიშნავი ხედით ზემოდან.

პიაცა ნავონა რომის ერთ-ერთი ყველაზე ცნობილი უბანია და საღამოობით სავსეა ქუჩის შემსრულებლებით, მხატვრებითა და ტურისტებით. ეს ცოცხალი ადგილია სასეირნოდ და მოვლენებით სიამოვნების მისაღებად.

4. მოინახულეთ  ვატიკანის მუზეუმები უფასოდ

რომი ხელოვნებისა და ისტორიის მოყვარულთა თავშესაფარია და ვატიკანის მუზეუმები სწორედ ამას მოწმობენ. 70 000-ზე მეტი ნამუშევრით, რომელიც წარმოდგენილია 54 გალერეაში, ვატიკანის მუზეუმს ბევრი რამ აქვს შემოსათავაზებელი. 

მუზეუმში დაცულია მრავალი ცნობილი ფრესკა, მოზაიკა, სკულპტურა და ფერწერა, მათ შორის რაფაელის “ათენის სკოლა”, მიქელანჯელოს “უკანასკნელი განაჩენი”, და ვინჩის „წმ. ჯერონიმე და მრავალი სხვა. თუ სილამაზე და ხელოვნება არის ის, რაც გიყვართ, ეს მუზეუმი საუკეთესო არჩევანი იქნება მოსანახულებლად. მიუხედავად იმისა, რომ მუზეუმის მონახულება ფასიანია ყოველი თვის ბოლო კვირა დღეს შესვლა ყველასთვის სრულიად უფასოა! 

დარწმუნდით, რომ სწორად დაგეგმოთ თქვენი დრო, რათა ისარგებლოთ ამით შემოთავაზებით და უფასოდ მოინახულოთ მსოფლიოს ერთ-ერთი უდიდესი მუზეუმი.

5. გამოცადეთ საკუთარი თავი “ჭეშმარიტების პირი” -ს ქანდაკებით

კიდევ ერთი უფასო და სახალისო აქტივობა, რისი გაკეთებაც რომში შეგიძლიათ, არის “ჭეშმარიტების პირის” მონახულება და თქვენი პატიოსნების შემოწმება. 

ჭეშმარიტების პირი არის ოკეანოსის, ზღვის ღმერთის უზარმაზარი მარმარილოს ქანდაკება. ლეგენდის თანახმად, ნიღაბი ხელზე უკბენს მათ, ვინც იტყუება (ეს იყო უძველესი სიცრუის დეტექტორი). 

ახლა, როდესაც რომის ღირსშესანიშნაობების დათვალიერება ბიუჯეტურად შეგიძლიათ დაგეგმოთ, არის კიდევ რამდენიმე გზა ფულის დაზოგვისთვის:

• შეიძინეთ ავიაბილეთები 1.5 – 2 თვით ადრე.
• აირჩიეთ დაბალბიუჯეტიანი ავიაკომპანია.
• უარი თქვით ჩასაბარებელ ბარგზე.
• შეიძინეთ ორმხრივი ავიაბილეთები ერთდროულად.
• ისარგებლეთ ტრანზიტული რეისებით.

ასევე, იაფი ავიაბილეთების მოძიება რომ გაგიმარტივდეთ, გირჩევთ გამოიყენოთ საძიებო სისტემა, სადაც ყველა ავიაკომპანიის რეისი ერთ სივრცეში იქნება თავმოყრილი, რაც გაგიმარტივებთ ავიაბილეთების შერჩევას ფასებისა და თარიღების გათვალისწინებით. 

სწორედ ასეთია aviabiletebi.online -ის საძიებო სისტემა, რომელიც დაგეხმარებათ მარტივად და ბიუჯეტურად დაგეგმოთ თქვენი საოცნებო მოგზაურობა.