ამერიკელმა ექიმებმა ვადაზე ადრე ამშობიარეს ინდოელი ქალი, რომელმაც საკეისრო კვეთით 26-ე კვირას 243-გრამიანი გოგონა გააჩინა. ამ შემთხვევის შესახებ ჩიკაგოელმა მეანებმა მხოლოდ 3 თვის შემდეგ აცნობეს ფართო საზოგადოებას, როცა დარწმუნდნენ, რომ გოგონა სრულიად ჯანმრთელია და მის სიცოცხლეს საფრთხე აღარ ემუქრება. ჩვილმა წონაშიც მოიმატა და მადიანადაც წოვს. როგორც სპეციალისტები მიიჩნევენ, გოგონა მსოფლიოში ყველაზე ციცქნა ახალშობილია, რომლის გადარჩენაც ექიმებმა შეძლეს.
