უცნაური

სუბკულტურა – გოთიკა

c3395f5495a9

გოთიკ კულტურა…

გოთიკა როგორც სუბკულტურა

70 იანი წლების მიწურულს ინგლისში პანკის ეპოქა დასრულდა და მან აბსოლუტურად სხვა ფორმა მიიღო თავდაპირველად მას პოსტ პანკად მოიხსენიებდნენ და ამ პერიოდში გამოჩდნენ ისეთი ჯგუფები როგორიცაა  Siouxsie & the Banshees, Bauhaus, Sex Gang Children, Joy Division, Southern Death Cult, Specimen და სხვა, სწორედ ამ ჯგუფებმა შექმნეს გოთიკ პოსტ პანკ მოძრაობა თუმცა სულ მალე გოთიკა საერთოდ გამოეყო პანკს და ჩამოყალიბდა როგორც დამოუკიდებელი მიმდინარეობა, პირველი გოთიკ როკ ჯგუფები იყვნენ Sisters of Mercy, Fields of the Nephilim, The Mission და სხვა.

მაშინდელი ანუ 70-80 იანი წლების გოთები ძალიან განსხვავდებოდნენ იმიჯით დღევანდელი გოთებისაგან,  თუმცა დღესაც არიან გოთები რომლებიც ბაძავენ პროტო გოთებს და ცდილობენ ისეთივე იმიჯი ჰქონდეთ, განსაკუთრებით ეს იგრძნობა ეგრედ წოდებულ deathrock მიმდინარეობაში რომელიც პანკისა და გოთიკის ნაზავია და კარგად გამოხატავს იმდროინდელი გოთების სულისკვეთებას, სულისკვეთება კი ის იყო რომ პანკების გარკვეული ნაწილი შეეშვა უკიდურეს ნიჰილიზმს და მათ უფრო დეპრესიული და მელანქოლიური მიმართულებით წასვლა არჩიეს, თუმცა ისინი მაინც ძალიან გავდნენ პანკებს, მარტო ის რად ღირს რომ პანკური სლოგანი “Punks Not Dead” უცებ გარდაიქმნა “Goth’s Undead”,  რეალურად ადრეულ გოთებს მოიხსენიებდნენ როგორც “dark punks” რადგან როგორც იმიჯი ასევე იდეოლოგია არც თუ ისე განსხვავდებოდა მაშინდელი პანკური იდეოლოგიისგან.

აუცილებელია განვასხვავოთ გოთიკა როგორც ჩამოყალიბებური სუბ კულტურა და გოთიკა როგორც მუსიკალური მიმდინარეობა, ცხადია ისინი ერთი მეორისგან დამოუკიდებლად ვერ იარსებებენ მაგრამ ფაქტია რომ გოთიკ სუბ კულტურა დღეს ფაქტიურად მოდისა და სტილის ნაწილი გახდა.

გოთიკ სუბკულტურის საწყის ეტაპად შეიძლება მივიჩნიოთ 1979 წელი როცა გამოვიდა სინგლი Bauhaus- “Bela Lugosi’s Dead” როგორც მიიჩნევენ სწორედ ამ სიმღერის შემდეგ გახდა გოთიკა ისეთი როგორიც ეხლა არის, სიმღერა კი მიეძღვნა უნგრელ მსახიობს რომელმაც 1931 წელს გადაღებულ ფილმში დრაკულას როლი ითამაშა, სიმღერის მისამღერში არის სიტყვები “Undead, undead, undead” სწორედ ეს სიტყვები გახდა ცნობილი დევიზის საფუძველი.

თავდაპირველი გოთები თავის თავს არ მოიხსენიებდნენ გოთებად, სიტყვა “გოთი” ხმარებაში მას შემდეგ შემოვიდა რაც საბოლოოდ ჩამოყალიბდა ეს სუბკულტურა და მკვეთრად გაემიჯნა პანკ სუბკულტურას.

5ada99a21ea8

განვითარება:

80 წლებიდან უკვე იწყება გოთიკის როგორც დამოუკიდსებელი კულტურის განვითარება, ამ პერიოდში გოთიკა ჩაიკეტა გარკვეულ საძღვრებში და იგი აღარ განიცდიდა სხვა მიმდინარეობის ზეგავლენას, სწორედ მაშინ ჩამოყალიბდა ისეთი ჯგუფები როგორიცაა The Shroud, Rosetta Stone, London After Midnight, Mephisto Walz, Corpus Delicti, ამ პერიოდში ჩამოყალიბდა გოთური მწერლობა და მხატვრობა ( უძლიერესი გოთი მწერალი ქალი Anne Rice)

90 იანი წლებიდან განვითარდა გოთიკ მუსიკა განსაკუთრებით გერმანიაში ამარიკასა და დიდ ბრიტანეთში, ჩამოყალიბდა ახალი ქვე მიმდინარეობები darkwave, ethereal, dark folk, ჩამოყალიბდა გოთების სხვადასხვა ტიპი, შეიქმნა გოთიკ რადიოები, ჟურნალები, გაზეთები, კლუბები, გაერთიანებები და სხვა.

e6c9ac562cec

თანამედროვეობა:

90 იანი წლების მეორე ნახევარში კი გოთიკ სუბკულტურა ახალ სტადიაში გადავიდა კერძოდ dark culture, ამ ტერმინში იგულისხმება კულტურის ბნელი მხარე, ვამპირიზმი, ფეტიშიზმი. გოთიკის პოპულარიზაციაში დიდი როლი ითამაშა ინტერნეტმა დღეიოსათვის 8000 სხვადასხვა ნეტ რესურსია ამ თემატიკაზე ასევე სხვადასხვა ფესტივალებმა Wave Gotik Treffen (გერმანია) Whitby Gothic Weekend (ინგლისი) Convergence (აშშ)

ამ პერიოდში ჩამოყალიბდა გოთიკის მეტალ განხრა ანუ გოთიკ მეტალი.

აქსესუარები:

პირსინგი- პირსინგი სწორედ გოთების სუბკულტურაში წარმოიშვა (რა თქმა უნდა იგი ადრეც არსებობდა თუმცა თანამედროვეობაში სწორედ გოთებმა დაამკვიდრეს), თავდაპირველად ის თვითნაკეთი ფორმის იყო და მას სახელდახელოდ აკეთებდნენ თუმცა დღეს უკვე ნებიოსმიერს შეუძლია მისი ტატუ სალონში გაკეთება, ასევე გოთების შემოღებულია ტყავის სპეციფიური სამაჯურები, შარვლები, და სხვა აქსესუარი და ტანისამოსი რომელსაც მხოლოდ გოთები ატარებენ.

70-80 წლების გოთები განსაკუთრებით კი მამაკაცები ანდროგენული იმიჯით გამოირჩეოდნენ, ნუ ისინი ხშირად ატარებდნენ როგორც ქალის ისე კაცის ტანისამოსს, თუმცა ამან შემდგომში უფრო რბილი ფორმა მიიღო და დღევანდელი გოთი მამაკაცი უფრო ზომიერია ვიდრე მაშინდელი.

ცხოვრების წესი:

ეს არის განსაკუთრებული რომანტიკულ დეპრესიული აზრი ცხოვრებაზე, (ჩაკეტილობა, დეპრესია, მელანქოლია)

რეალობის აღქმა ( მიზანტროპია, სილამაზის თავისებური აღქმა, ლტოლვა ოკულტიზმისა და სხვა ირეალურისადმი)

საზოგადოებასთან ურთიერთობა ( სტერეოტიპებისადმი შეუგუებლობა, ანტაგონიზმი საზოგადოებისადმი და მისგან სრული იზოლაცია) რა თქმა უნდა არ არის აუცილებელი რომ გოთს ყველა ეს თვისება ჰქონდეს.

განსაკუთრებით გავრცელებულია სიკვდილის კულტი ანუ მისი გაფეტიშება, ასევე გოთები გამოირჩევიან არტისტულობით.

მუსიკის როლი კი აქ არც თუ ისე მაღალია (სხვა კულტურებთან შედარებით) არსებობს ბევრი ადამიანი ვინც უსმენს გოთიკას მაგრამ არ არის გოთი და პირიქით. დღეს მათი გამაერთიანებელი მუსიკასთან ერთად არის მხატვრობა, ფოტოგრაფია, მწერლობა და სხვა.

იყო გოთი ნიშნავს იმას რომ როგორც იმიჯით ასევე მსოფმხედველობით ესადაგებოდე გოთიკ კულტურას. მხოლოდ მსმენელი არ არის გოთი, რადგან გოთიკა ძალიან ჩაკეტილი და აბსოლუტურად განსხვავებული კულტურაა რომელსაც დიდი სულეირი და ესთეთიური მხარე გააჩნია მუსიკალურთან ერთად.

1a3fae54e73c

ხარ თუ არა გოთი?

დღეს ძალიან პოპულარულია გოთური სუბ კულტურა, არსებობს უამრავი საიტი თუ ჟურნალი ამ თემატიკაზე, ასევე გოთური იმიჯის ტირაჟირება ხდება არა მარტო გოთიკ ჯგუფების მიერ, არამედ პოპ შემსრულებლების მიერაც, ეგრეთ წოდებული Darkstyle მოდაშია თუმცა ეს იმას არ ნიშნავს რომ გოთები ბევრნი არიან, საერთოდ როგორ უნდა განვსაზღვროდ არის თუ არა ვთქვათ გივი ავთანდილის ძე უჯმაჯურიძე გოთი?

პრინციპში ამის დადგენა ძნელია, გარდა იმისა რომ ის უნდა გამოიყურებოდეს როგორც გოთი ასევე ის უნდა არსებობდეს სუბ კულტურაში, დიდ მეგაპოლისებში სადაც განვითარებულია გოთიკ ინდუსტრია, ანუ არსებობს კლუბები, ტარდება კონცერტები არის მაღაზიები და ა.შ იქ ადვილია შენნაირებთან ერთად დროის გატარება, შეხვედრა, შეკრება და ა.შ პატარა ქალაქებში კი ეს გაცილებით ძნელია თუმცა მაინც ახერხებენ მცირე შეკრებების მოწყობას ნუ თუნდაც სასაფლაოზე.

ასევე მნიშვნელოვანია გოთური სოფმხედველობა, ძნელია ყველა გოთს ერთი და იგივე აზრი აწუხებდეს თუმცა მათ ერთნაირი ხედვა უნდა გააჩნდეთ ცხოვრებაზე, მელანქოლიურ დეპრესიული, გოთებისთვის დამახასიათებელია არტისტულობა და გრძნობების გადაჭარბებული გამოხატულება, თუმცა ყველაზე მნიშვნელოვანია მათი სრული ა სოციალურობა, პანკებისგან განსხვავებით რომლებიც სოციალურად გარკვეულწილად აქტუირები არიან და ხშირად ისინი სხვადასხვა სოციალური მოთხოვნებით გამოდიან და ანტიგლობალისტურ თუ ანტისისტემურ გამოსვლებში იღებენ მონაწილეობას, გოთები აბსოლუტურად არანაირ მონაწილეობას არ ღებულობენ საზოგადოებრივ ცხოვრებაში, მათი პოზიცია მარტივია „კისერი გიტეხიათ“ .

რეალურად მათ შექმნეს ურბანისტულ გარემოში პატარა ფუტურისტულ რომანტიული გარემო სადაც თავს მშვენივრად გრძნობენ.

b1d85bc95be6

c68dbeab59a8

b8a8a966cd82

იხილეთ ასევე
Close
Back to top button