ჩინელი ქალბატონი სკოლაში პირველად 102 წლის ასაკში წავიდა
ჩინეთში, შანდუნის პროვინციის ქალაქ ციზნანის მკვიდრი ქალბატონი სკოლაში პირველად 102 წლის ასაკში წავიდა. ;)
ჩინელი ქალბატონი სახელად მა სიუსიანი სკოლაში სიარულზე მთელი ცხოვრება ოცნებობდა. 13 წლის ასაკში ის იძულებული გახდა მუშაობა დაეწყო, 18 წლის ასაკში კი ასევე იძულებით დაოჯახდა.
მა სიუსიანს სკოლაში სწავლის შესაძლებლობა ერთ-ერთმა სასწავლო დაწესებულებამ მისცა, სადაც მოხუცის ოცნების შესახებ მის მიერ ადგილობრივი გაზეთისთვის მიცემული ინტერვიუდან შეიტყვეს. ამის წყალობით 102 წლის ჩინელი ერთი დღით პირველი კლასის მოსწავლე გახდა: გაკვეთილებზე ყველაფერი რომ კარგად მოესმინა, მან სასმენი აპარატი გამოიყენა, წიგნის კითხვისთვის კი – ლუპა.
სკოლაში გატარებული დღის შემდეგ მა სიუსიანმა მასწავლებელსა და თანაკლასელებს მადლობა გადაუხადა და კარგად სწავლის პირობა დადო.
წყარო: www.ambebi.ge