აფეთქებები, რომლებიც ყველაზე ნაკლებად იყო მოსალოდნელი :yes:
2004 წელს ტაივანის სანაპიროზე 17 მეტრი სიგრძის და 50 ტონა წონის ვეშაპი იპოვეს. ის მაშინვე გამოსაკვლევად წაიყვანეს, თუმცა გზაში გასკდა და ნაწლავები და სისხლი ქუჩაში მიმოიფანტა. მიზეზი სხეულში არსებული გაზების შლა იყო.
32 წლის ინდონეზიელი ენდი სუსანტო მშვიდად აბოლებდა, როცა უეცრად სიგარეტი აფეთქდა(!). ამის გამო მან 6 კბილი დაკარგა და 51 ნაკერის დადება მოუწია. სიგარეტის მწარმოებელი ფირმისგან მან კომპენსაციის სახით 535 დოლარი მიიღო. თუმცა ზოგი ჭირი მარგებელია და ენდიმ მოწევას თავი დაანება. :yes:
47 წლის კენ სტენბოროუს მისი 11 წლის ქალიშვილის, ელის აიფონი ეჭირა ხელში, როცა უეცრად შენიშნა, რომ ჯერ შიშინი დაიწყო, შემდეგ კი თანდათან გაცხელდა. მან აიპოდი ეზოში მოისროლა და 30 წამში აფეთქდა კიდეც, გარშემო კი 3 მეტრის რადიუსში კვამლი დააყენა. ბატონ სტენბოროუს განცხადებით, კომპანია “Apple” გარკვეული თანხის სანაცლოდ გაჩუმებას სთავაზობდა, მაგრამ ინფორმაციამ მაინც გაჟონა.
იაპონიაში ერთ-ერთი კონფერენციის დროს ფირმა “დელის” ლეპტოპი აფეთქდა. მის მფლობელს გაუმართლა, რომ ის მაგიდაზე იდო, მისგან გარკვეული მანძილის დაშორებით. ლეპტოპმა ჯერ კვამლი აუშვა, შემდეგ ცეცხლი წაეკიდა და ამის შემდგომ 5 წუთის განმავლობაში პატარ-პატარა აფეთქებები ერთმანეთს მიყვა.
53 წლის მამაკაცმა ჯონ ჯენკისმა ძმიმე დამწვრობა მიიღო, როცა პორტატულ საპირფარეშოში შევიდა და სიგარეტს მოუკიდა. საპირფარეშოს თავზე გაზის მილი იყო, რომელიდანაც აირი ჟონავდა. ცეცხლმა აფეთქება გამოიწვია და ჯონს სახე, კისერი, ხელები, მკერდი და ფეხები დაუწვა. მსხვერპლი თავის 35 წლის ცოლთან, რამონასთან ერთად, კომპანიას სასამართლოში უჩივის.
14 წლის ჩინელი ბიჭი სკამზე იჯდა, როდესაც სკამის ასაწევ-დასაწევში ( :lol2: ) მოთავსებული გაზის პატარა ბალონი აფეთქდა, რკინის ერთ-ერთი ნატეხი კი სწორ ნაწლავში შეერჭო და ადგილზე მოკლა.
25 წლის უკრაინელი სტუდენტი-ქიმიკოსი ვლადიმირ ლიხონოსი თავის ოთახში იჯდა და საღეჭ რეზინს ღეჭავდა, როცა უეცრად მისმა მშობლებმა გვერდზე ოთახში გასკდომის ხმა გაიგეს. ისინი ოთახში შევიდნენ და დაინახეს, რომ ვლადიმირს სახის ნახევარი მძიმედ ჰქონდა დაზიანებული, ყბა კი მოგლეჯილი. მას საღეჭი რეზინის ლიმნის წვენში ამოვლება უყვარდა და სავარაუდოდ, ამ საბედისწერო შემთხვევის წინ შეცდომით სხვა წვენში ამოავლო (რომელიც ალბათ დავალებისთვის სჭირდებოდა :yes: ) , შედეგად ის რეაქციაში შევიდა სხვა კომპონენტებთან და აფეთქება გამოიწვია.
ჩინეთში, გუანჯოუს კომპიუტერების მაღაზიაში ასისტენტმა მამაკაცმა თავის მობილურში ახალი ბატარეა ჩადო, მობილური დატენა და გულის ჯიბეში ჩაიდო, როცა უეცრად აფეთქდა და მფლობელი ადგილზე მოკლა. 2002 წლიდან მოყოლებული ეს ჩინეთში მე-9 შემთხვევაა. ძირითადად მსხვერპლნი ნოკიასა და მოტოროლას მფლობელები არიან. თავად ეს გიგანტი კომპანიები პროდუქციის ტექნიკურ ხარვეზს გამორიცხავენ.
16 წლის ბიჭი აბაზანაში დეზოდორანტით სარგებლობდა, როცა უეცრად ხელში აუფეთქდა. მან თავის გაწევა მოასწრო, თუმცა მაინც დაშავდა. ნატეხებმა აბაზანაში მინები ჩაამსხვრია და ჭერი დააზიანა. თინეიჯერის დედამ შვილის თანატოლებს მოუხმო და უხარისხო დეზოდორანტის მწარმოებელი კომპანიის წინააღმდეგ საპროტესტო აქცია მოაწყო.
გლენ ჯონსონს სარეცხი მანქანა მაშინ აუფეთქდა, როცა სარეცხს ბენზინი ჩაამატა ცხიმიანი ტანისამოსის გასაწმენდად. მისი თქმით, ის 25 წლის მანძილზე იქცეოდა ასე: ჩაყრიდა სარეცხს, დაუმატებდა სარეცხ ფხვნილს, მცირეოდენ ბენზინს და ერთად ხარშავდა. ჯონსონი მექანიკოსია და ეს ხრიკი მამამ ასწავლა. ის ვარაუდობს რომ ამჯერად დოზას გადაამეტა და ამიტომ მიიღო ასეთი შედეგი. ბენზინის ორთქლი სარეცხი მანქანიდან გამოვიდა და ახლოს მდებარე გამათბობელ მოწყობილობასთან მიახლოებისას აფეთქება გამოიწვია.