მსოფლიოს 192 სუვერენულ სახელმწიფოთა შორის ტერიტორიის მიხედვით საქართველოს 118-ე ადგილი უკავია. ე.ი. ფართობით აღემატება მსოფლიოს 74 სახელმწიფოს. ევროპასთან მიმართებაში საქართველო 22-ე ადგილზეა. ფართობის მიხედვით ჩვენი ქვეყანა სჭარბობს ევროპის 21 სახელმწიფოს, მათ შორის ბელგიას, დანიას, შვეიცარიას, ნიდერლანდებს, ლატვიას, და სხვა.
თუკი საქართველოს მოუძებნით მსგავსებას მსოფლიოში ტერიტორიის, მოსახლეობის რაოდენობისა და სიმჭიდროვის მიხედვით, აგრეთვე გავითვალისწინებთ ქვეყნის ფიზიკურ–გეოგრაფიულ თავისებურებებს, საქართველო წააგავს ევროპულ სახელმწიფოებს, კერძოდ ავსტრიასა და შვეიცარიას.
